సుబ్రమణ్యస్వామి మరోసారి సంచలన వ్యాఖ్యలు చేశారు. హిందుత్వమే బీజేపీకి బలమని.. అభివృద్ధి నినాదం కన్నా..హిందుత్వమే నినాదమే ఎన్నికల్లో పార్టీని గెలిపిస్తుందని స్వామి అభిప్రాయపడ్డారు. గతంలో ' భారత్ వెలిగిపోతోంది' నినాదంతో ఎన్నికల బరిలోకి దిగి బీజేపీ ఓటమి పాలైందని..2014 ఎన్నికల్లో హిందుత్వ నినాదం పార్టీని గెలిపించిందన్న విషయాన్ని గుర్తు చేస్తూ స్వామి తన వాదనను సమర్ధించుకున్నారు.
జమ్ముకశ్మీర్ లో హిందూ వ్యక్తిని ముఖ్యమంత్రిగా చేయాలని ఈ సందర్భంగా సుబ్రమణ్యస్వామి డిమాండ్ చేశారు. హిందు వ్యక్తిని సీఎం చేసేందుకు పీడీపీ ఒప్పుకుంటే ఆ పార్టీకి మద్దతు ఇవ్వాలని బీజేపీకి సుబ్రమణ్య స్వామి సలహా ఇచ్చారు.
జమ్మూలో పీడీపీ ప్రభుత్వానికి బీజేపీ మద్దతు ఉపసంహరించుకున్న విషయం తెలిసిందే. ఈ నేపథ్యంలో పీడీపీ, కాంగ్రెస్ జతకట్టేందుకు యత్నిస్తున్నాయి. దీంతో సుబ్రమణ్యస్వామి హిందు వ్యక్తి ముఖ్యమంత్రి అనే అంశాన్ని తెరపైకి తెచ్చి పీడీపీలో చీలిక తీసుకోచ్చే వ్యూహాంతో ఈ వ్యాఖ్యలు చేశారని రాజకీయ విశ్లేషకలు అభిప్రాయపడుతున్నారు.
