Pinky Finger in Palmistry: హస్తసాముద్రికంలో అరచేతి రేఖలను చూసి వ్యక్తి స్థితి గతులను చెబుతుంటారు. హస్తసాముద్రికం ప్రకారం ఒక్కో రేఖకు ఒక్కో నిగూఢ అర్థం, సంకేతం ఉంటుంది. ఆ రేఖలు ఎక్కడ ఆగుతున్నాయి.. ఇతర రేఖలతో కలుస్తున్నాయా.. వంటివి కూడా ఇక్కడ కీలకమవుతాయి. అలాగే పింకీ ఫింగర్ (చిటికెన వేలు) పొడవును బట్టి కూడా కొన్ని విషయాలను అంచనా వేయొచ్చు. అవేంటో ఇప్పుడు చూద్దాం...
కేటగిరీ A:
మీ పింకీ ఫింగర్ పొడవు మీ ఉంగరపు వేలు ఎగువ కట్టు దాకా ఉన్నట్లయితే.. మీరు A కేటగిరీలోకి వస్తారు.
కేటగిరీ 'A'కి చెందినవారు కాస్త రిజర్వ్‌గా ఉంటారు. వీరిని అంతర్ముఖులు అని చెప్పవచ్చు. సన్నిహితులతో కూడా వీరు అంత సులువుగా కలిసిపోలేరు. మొండితనం ఉన్నవారుగా కనిపిస్తారు.
ఈ వ్యక్తులకు మోసం అన్నింటికంటే ఎక్కువ కోపం తెప్పిస్తుంది. అన్ని విషయాల్లో చాలా నిజాయితీగా ఉంటారు. ఇష్టమైన వ్యక్తుల పట్ల ప్రేమపూర్వకంగా ఉంటారు. వారి నుంచి కూడా అదే ప్రేమను ఆశిస్తారు.
కేటగిరీ B:
మీ పింకీ ఫింగర్ పొడవు మీ ఉంగరపు వేలు ఎగువ కట్టును దాటి ఉన్నట్లయితే.. మీరు B కేటగిరీలోకి వస్తారు.
కేటగిరీ 'B'కి చెందినవారు సున్నిత మనస్కులు. స్నేహితుల పట్ల అత్యంత విధేయతతో ఉంటారు. వీరికి బాయ్‌ఫ్రెండ్ లేదా గర్ల్‌ఫ్రెండ్ దొరికతే.. ఇక వారే ప్రపంచంగా బతుకుతారు. ఎప్పుడూ వారి ఆలోచనల్లోనే ఉంటారు.
ఎప్పుడూ అందరినీ సంతోషంగా చూడాలనుకుంటారు.
కేటగిరీ C:
మీ పింకీ ఫింగర్ పొడవు మీ ఉంగరపు వేలు ఎగువ కట్టుకు దిగువగా ఉన్నట్లయితే.. మీరు C కేటగిరీలోకి వస్తారు.
ఈ కేటగిరీకి చెందిన వ్యక్తులు ఎప్పుడూ ఆశాజనకంగా ఉంటారు. నెగటివిటీని దరిచేరనివ్వరు. ఇతరుల తప్పులను సులువుగా క్షమిస్తారు. కొన్నిసార్లు కోపాన్ని అదుపు చేసుకోలేరు.
ఏ విషయంలోనైనా మీ వాదనను బలంగా వినిపించగలరు. అది మీరు విశ్వసించేదైనప్పుడు మీ వాదన మరింత బలంగా వినిపిస్తారు. ఒకవేళ విషయం చాలా దూరం వెళ్తే.. మీరు క్షమాపణ చెప్పేందుకు కూడా ముందుంటారు.
Also Read: Flying Car Video: పక్షిలా గాల్లోకి తుర్రున ఎగిరే కారును ఎప్పుడైనా చూశారా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
