గత పది రోజులుగా భారీ వర్షాలు, వరదల తాకిడితో కేరళ రాష్ట్రం అల్లాడుతోంది. రుతుపవనాలు, అల్పపీడనాల వల్ల ఆ రాష్ట్రంలో భారీ వర్షాలు కురుస్తున్నాయి. రాష్ట్రంలోని అన్ని రిజర్వాయర్లు నిండిపోయాయి. ఎక్కడికక్కడ నదులు ఉప్పొంగి ప్రవహిస్తుండటం.. వరద నీరు ఊర్లను ముంచెత్తడంతో చాలా మంది ప్రాణాలు కోల్పోయారు. వేలమందికి పైగా ప్రజలు పునరావాస శిబిరాల్లో తలదాచుకున్నారు. వరదల తాకిడికి గురువారం 30 మంది మృతి చెందగా.. మృతుల సంఖ్య 94కు చేరింది.
శుక్రవారం భారత వాతారణ శాఖ మరోసారి కేరళకు రెడ్ అలర్ట్ ప్రకటించింది. కేరళ రాష్ట్రంలోని 13 జిల్లాల్లో (కాసర్గోడ్ తప్ప) అతిభారీ వర్షాలు కురిసే అవకాశం ఉందని తెలిపింది. శనివారం ఎర్నాకుళం, ఇడుక్కి జిల్లాలకు కూడా ఇదే హెచ్చరిక వర్తిస్తుందని వాతావరణ విభాగం ఓ ప్రకటనలో తెలిపింది.
#KeralaFloods update: Red alert has been issued in all 13 districts except Kasaragod today. Red alert has been issued for tomorrow also in Ernakulam and Idukki districts. 94 people have lost their lives in the floods. pic.twitter.com/zJ0TRoVyRw
— ANI (@ANI) August 17, 2018
భారీ వర్షాలు, వరదల కారణంగా కొచ్చి ఎయిర్‌పోర్ట్‌ని అధికారులు మూసివేశారు. మెట్రో రైల్వే సేవలు పూర్తిగా నిలిచిపోయాయి. వందిపెరియార్‌లో వరదలో చిక్కుకున్న 16 మందిని ఇండియన్‌ కోస్ట్‌ గార్డ్‌ రక్షించింది. అటు స‌హాయ‌క చ‌ర్యల్లో 26ఎన్డీఎఫ్ బృందాలు పాల్గొన్నాయి.
Indian Coast Guard's rescue&relief team from Vandiperiyar has been shifted to the flood affected Manjumala village. The team has rescued 16 stranded people from the village. Food & dry ration has been distributed among them, rescue operation is underway. #KeralaFloods pic.twitter.com/K42bszAiHT
— ANI (@ANI) August 17, 2018
కేర‌ళ‌ని భారీ వర్షాలు, వరదలు ముంచెత్తడంతో ఒడిశా ప్రభుత్వం సహాయం ప్రకటించింది. కేరళ వరద బాధితుల‌కు రూ.5కోట్లు స‌హాయాన్ని ఒడిశా ప్రభుత్వం ప్రకటించింది.
శనివారం ప్రధాని ఏరియల్ సర్వే
ప్రధాని నరేంద్ర మోదీ శనివారం కేరళలో ఏరియల్ సర్వే చేయనున్నారు. శుక్రవారం ఢిల్లీలో మాజీ ప్రధాని వాజ్‌పేయి అంత్యక్రియల అనంతరం ప్రధాని మోదీ.. కొచ్చి చేరుకోనున్నారు. రాత్రి కొచ్చిలోనే బస చేస్తారు. శనివారం వరద ప్రాంతాలను మోదీ ఏరియల్ సర్వే చేయనున్నారు. ప్రధాని మోదీ రెండుసార్లు ఆ రాష్ట్ర సీఎం పినరయి విజయన్‌తోనూ మాట్లాడారు.
'కొద్దిసేపటిక్రితమే కేరళ ముఖ్యమంత్రి పి.వి.విజయన్‌తో టెలిఫోన్ సంభాషణ జరిగింది. రాష్ట్రంలో వరద పరిస్థితి, రెస్క్యూ ఆపరేషన్స్ గురించి మేము చర్చించాము. ఈ రోజు సాయంత్రం, నేను కేరళకు వెళుతున్నాను..' అని మోదీ ట్వీట్ చేశారు. తక్షణ సహాయం కింద ఇప్పటికే కేంద్రం వంద కోట్లను ప్రకటించిన సంగతి తెలిసిందే.
Had telephone conversation with Kerala CM P Vijayan just now.We discussed flood situation across the state&reviewed rescue operations. Later this evening,I'll be heading to Kerala to take stock of the unfortunate situation due to flooding, tweets PM Modi. #KeralaFloods (file pic) pic.twitter.com/iqEGK8ozuB
— ANI (@ANI) August 17, 2018
