ఆంధ్రప్రదేశ్ ( Andhra Pradesh ) లో కరోనావైరస్ ( Coronavirus ) గురించి సమాచారం తెలుసుకోవాలి అనుకునే వారికి శుభవార్త. రాష్ట్ర ప్రభుత్వం ఈ మేరకు ఒక ప్రత్యేక ఫోన్ నెంబర్ ను కేటాయించింది. కోవిడ్ -19 గురించి వివరాలు తెలుసుకోవాలి అనుకుంటే ఏపి ప్రజలు ఇకపై 8297 104 104కి ఫోన్ చేస్తే సరిపోతుంది. ఈ నెంబర్ కు కాల్ చేస్తే మీకు ఒక ఐవీఆర్ ( IVR ) ద్వారా తాజా సమాచారం తెలుసుకోవచ్చు. ఆంధ్రప్రదేశ్ రాష్ట్ర వైద్య, ఆరోగ్య, కుటుంబ సంక్షేమ శాఖ ఈ విషయంపై ఒక ప్రకటన చేసింది. ఈ నెంబర్ కు కాల్ చేసి కోవిడ్-19 ( Covid 19 ) సమాచారమే కాదు.. సహాయం కూడా పొందవచ్చని తెలిపింది.
మరోవైపు ఏపిలో ( Covid 19 Cases in AP ) రోజుకు వేల సంఖ్యలో కరోనావైరస్ కేసులు మోదు అవుతున్నాయి. 12వ తేదీన విడుదలైన మీడియా బులెటిన్ ప్రకారం 24 గంటల్లోనే 9,597 మందికి కరోనా సోకింది. 6,676 మంది కోలుకున్నారు. ఇప్పటి వరకు 26 లక్షలకు పైగా పరీక్షలు నిర్వహించారు.
