The market valuation of top-10 BSE companies: దేశీయ స్టాక్ మార్కెట్లు గత వారం మొత్తం ఒడుదొడుకులు ఎదుర్కొన్నాయి. వారంతాలం రికార్డు స్థాయిలో నష్టాలను మూటగట్టుకున్నాయి.
వారం మొత్తం మీద బీఎఈ-సెన్సెక్స్ (BSE sensex) 2,528 పాయింట్లు (4.24 శాతం) నష్టోపోయింది. ఇందులో అధిక భాగం చివరి సెషన్లోనే కావడం గమనార్హం.
భారీ నష్టాల దెబ్బకు దేశంలో అత్యధిక మార్కెట్ క్యాపిటల్ కలిగిన టాప్ 10 కంపెనీల్లో (BSE top 10) 9 సంస్థలు భారీగా నష్టాలను మూటగట్టుకున్నాయి. ఈ తొమ్మిది కంపెనీలు ఐదు సెషన్లలో రూ.2.62 లక్షల కోట్ల నష్టాన్ని నమోదు చేశాయి.
నష్టాలకు కారణాలు ఏమిటి?
దేశీయంగా కరోనా ఇప్పుడిప్పుడే తగ్గుముఖం పడుతుంది. అయితే ప్రపంచదేశాల్లో మాత్రం కరోనా కేసులు విపరీతంగా పెరుగుతున్నయి. ముఖ్యంగా జర్మనీ, బ్రిటన్, పోలాండ్, నెదర్లాండ్స్ వంటి దేశాల్లో కేసులు విపరీతంగా పెరుగుతన్నాయి. దీనికి తోడు దక్షిణాఫ్రికాలో కొత్త వేరియంట్ ఆందోళనకు గురి చేస్తోంది. ఒమిక్రాన్గా నామకరణం చేసిన ఈ వేరియంట్ వేగంగా వ్యాప్తి చెందుతుండటం ఆందోళనలను మరింత పెంచింది. ఈ కారణాలన్నింటి వల్ల స్టాక్ మార్కెట్లు గత వారం భారీగా నష్టాలను నమోదు చేశాయి.
బీఎస్ఈ ప్రకారం టాప్ 10 కంపెనీల నష్టాలు ఇలా..
బజాజ్ ఫినాన్స్ మార్కెట్ క్యాపిటల్ (Bajaja Finance Mcap) గత వారం అత్యధికంగా రూ.41,518.24 కోట్ల తగ్గి.. రూ.4,10,670.50 కోట్ల వద్దకు చేరింది.
రిలయన్స్ ఇండస్ట్రీస్ లిమిటెడ్ (ఆర్ఐఎల్) మార్కెట్ క్యాపిటల్ (Reliance Mcap) రూ.38,440.66 కోట్లు పడిపోయింది. దీనితో కంపెనీ ఎం-క్యాప్ రూ.15,30,109.51 కోట్లకు చేరింది.
టెక్ దిగ్గజం ఇన్ఫోసిస్ మార్కెట్ క్యాపిటల్ (Infosys Mcap) రూ.37,950.03 కోట్లు తగ్గింది. ప్రస్తుతం దీని ఎం-క్యాప్ రూ.7,10,925.34 కోట్ల వద్ద ఉంది.
హెచ్డీఎఫ్సీ మార్కెట్ క్యాపిటల్ (HDFC Mcap) రూ.33,067.68 కోట్లు పడిపోయింది. దీనితో సంస్థ మార్కెట్ క్యాపిటల్ రూ.4,96,168.98 వద్దకు దిగొచ్చింది.
ప్రభుత్వ రంగ బ్యాంకింగ్ దిగ్గజం ఎస్బీఐ మార్కెట్ క్యాపిటల్ (SBI Mcap) రూ.29,852.83 కోట్లు తగ్గింది. దీనితో బ్యాంక్ మార్కెట్ క్యాపిటల్ రూ.4,19,902.97 వద్దకు చేరింది.
ఐసీఐసీఐ బ్యాంక్ మార్కెట్ క్యాపిటల్ (ICICI Mcap) గత వారం రూ.28,567.03 కోట్లు దిగొచ్చి.. రూ.5,01,039.91 కోట్ల వద్దకు చేరింది.
ప్రైవేటి రంగ అతిపెద్ద బ్యాంక్గా ఉన్న హెచ్డీఎఫ్సీ బ్యాంక్ మార్కెట్ క్యాపిటల్ (HDFC Bank Mcap) గత వారం రూ. 26,873.77 కోట్లు ఆవిరైంది. ప్రస్తుతం దీని మార్కెట్ క్యాపిటల్ రూ.8,25,658.59 వద్ద కొనసాగుతోంది.
హిందుస్థాన్ యూనిలీవర్ లిమిటెడ్ (హెచ్యూఎల్) మార్కెట్ క్యాపిటల్ (HUL Mcap) రూ. 14,778.93 కోట్లు తగ్గి.. రూ.5,48,570.82 కోట్ల వద్దకు చేరింది.
దేశీయ అతిపెద్ద టెక్ దిగ్గజం.. టీసీఎస్ మార్కెట్ క్యాపిటల్ (TCS Mcap) గత వారం రూ.11,097.15 పడిపోయింది. ప్రస్తుతం టీసీఎస్ ఎం-క్యాప్ రూ.12,74,563.64 కోట్లుగా ఉంది.
గత వారం మొత్తం మీద టాప్ 10 కంపెనీల్లో భారతీ ఎయిర్టెల్ మాత్రమే లాభాలను నమోదు చేసింది. ఎయిర్టెల్ మార్కెట్ క్యాపిటల్ గత వారం రూ.2,769.55 కోట్లు పెరిగింది. ప్రస్తుతం దీని ఎం-క్యాప్ రూ.4,05,009.55 కోట్లు.
ఇక దేశంలో అత్యధిక మార్కెట్ క్యాపిటల్ కలిగిన కంపెనీలను పరిశీలిస్తే.. రిలయన్స్ ఇండస్ట్రీస్ ప్రథమ స్థానంలో ఉంది. టీసీఎస్ రెండు స్థానంలో, హెచ్డీఎఫ్సీ బ్యాంక్ మూడు స్థానాల్లో ఉన్నాయి. ఇన్ఫోసిస్, హెచ్యూఎల్ ఆ తర్వాతి స్థానాల్లో నిలిచాయి.
Also read: November 30 Deadline: నవంబర్ ముగుస్తోంది.. ఈ పనులు పూర్తి చేశారా?
Also read: మళ్లీ పెరిగిన బంగారం ధరలు, దేశవ్యాప్తంగా వివిధ నగరాల్లో ఇవాళ్టి బంగారం ధరలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
