Financial Things to do: ఈ ఏడాదిలో ఇంకా నాలుగు రోజులు మాత్రమే మిగిలి ఉన్నాయి. ఐదో రోజు కొత్త సంవత్సరంలోకి అడుగు పెట్టనున్నాం. అయితే కొత్త సంవత్సరం వేడుకలకు ముందు ఆర్థిక పరంగా పలు ముఖ్యమైన పనులు పూర్తి చేయాల్సిన అవసరం ఉంది. ఆన్లైన్లో పూర్తి చేయాల్సిన ఈ పనులను.. చివరి వరకు వేచి చూడటం వల్ల సర్వర్ మొరాయించడం వంటి సమస్యలు తలెత్తొచ్చు.
ఇంతకి ఈ ఏడాదే కచ్చితంగా పూర్తి చేయాల్సిన పనులు (Year End financial work) ఏమిటి? అవి పూర్తి చేయకుంటే ఎలాంటి సమస్యలు ఎదుర్కోవాల్సి ఉంటుంది? అనేది ఇప్పుడు చూద్దాం.
ఐటీఆర్ దాఖలు(Income tax return filing)..
2021-22 మదింపు సంవత్సరం లేదా 2020-21 ఆర్థిక సంవత్సరానికి సంబంధించి ఇన్కం ట్యాక్స్ రిటర్ను (ఐటీఆర్) దాఖలు చేసేందుకు డిసెంబర్ 31 చివరి తేదీ. ఈ గడువులోగా ఈ పనిని పూర్తి చేయకుంటే.. రూ.5000 ఆలస్య రుసుము చెల్లించాల్సి ఉంటుంది.
కరోనాతో పాటు.. ఇన్కం ట్యాక్స్ వెబ్సైట్లో సాంకేతిక సమస్యల కారణంగా పలు మార్లు ఐటీఆర్ ఫైలింగ్ గడువును పెంచింది ప్రభుత్వం. ఈ నేపథ్యంలో మరోసారి గడువు పెంచే యోచన లేదని సమాచారం. అందుకే గడువులోపే ఐటీఆర్ ఫైలింగ్ పూర్తి చేయడం ఉత్తమం.
లైఫ్ సర్టిఫికెట్(Life certificate )..
పెన్షన్ తీసుకునే వారు ప్రతి సంవత్సరంలానే ఈసారీ లైఫ్ సర్ఠిపికెట్ సమర్పించడం తప్పనిసరి. నిజానికి ఈ గడువు నవంబర్తోనే ముగియాల్సి ఉండగా.. కొవిడ్ నేపథ్యంలో ఒక నెల అదనంగా గడువు ఇచ్చింది కేంద్రం. అందుకే డిసెంబర్ 31 లోపే లైఫ్ సర్టిఫికెట్ సమర్పించడం తప్పనిసరి. గడువు లోపు ఈ పని పూర్తి చేయకుంటే.. వచ్చే నెల నుంచి పెన్షన్ ఆగిపోవచ్చు.
ఆధార్తో-యూఏఎన్ లింక్(Aadhar UAN Link)..
ఆధార్ నంబర్తో యూఏఎన్ (యునివర్సల్ అకౌంట్ నంబర్) లేదా పీఎఫ్ నంబర్ లింక్ చేసేందుకు డిసెంబర్ 31 చివరి తేదీ. అయితే ఇప్పటికే దాదాపు అన్ని రాష్ట్రాలకు ఈ గడువు ముగిసింది. ఈశాన్య రాష్ట్రాలకు మాత్రం ఈ అవకాశం ఉంది. ఈ గడువు లోగా లింక్ ప్రక్రియ పూర్తి చేయకుంటే.. ఉద్యోగులు తమ పీఎఫ్ ఖాతాలో యాజమాన్యం వాటాను పొందలేరు. కాబట్టి వీలైనంత త్వరగా ఈ ప్రక్రియ పూర్తి చేయడం ఉత్తమం.
డీమ్యాట్ ఖాతా కేవైసీ(Dmat KYC)..
ట్రేడింగ్ కోసం ఉపయోగించే డీమ్యాట్ ఖాతాలకు కేవైసీ పూర్తి చేసేందుకు డిసెంబర్ 31ని తుది గడువుగా నిర్ణయించింది సెబీ. గడువులోపు కేవైసి పూర్తవకుంటే.. ట్రేడింగ్ ఖాతాను వినియోగించలేరని తెలిపింది. అందుకే ఈ నాలుగు రోజుల్లోనే కేవైసీ పూర్తి చేయడం తప్పనిసరి.
Also read: Flipkart Sale: ఫ్లిప్కార్ట్ ఇయర్ ఎండ్ సేల్- స్మార్ట్ఫోన్లపై భారీ డిస్కౌంట్లు!
Also read: Banking alert: జనవరి 1 నుంచి కొత్త బ్యాంకింగ్ రూల్స్- ఏటీఎం లావాదేవీలకు అదనపు ఛార్జీలు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
