Junior Artist Jyothi Reddy Death: కడపకు చెందిన జ్యోతిరెడ్డి అనే జూనియర్ ఆర్టిస్ట్ రైలు ప్రమాదంలో మృతి చెందింది. నిద్ర మత్తులో రైలు దిగిన ఆమె.. దిగాల్సిన స్టేషన్ అది కాదని తెలుసుకుని.. మళ్లీ రైలు ఎక్కేందుకు ప్రయత్నించింది. అప్పటికే రైలు కదలడంతో అదుపు తప్పి కిందపడిపోయింది. తీవ్ర గాయాలైన జ్యోతిరెడ్డిని ఆసుపత్రికి తరలించగా అప్పటికే మృతి చెందినట్లు వైద్యులు ధ్రువీకరించారు.
జ్యోతిరెడ్డి (28) హైదరాబాద్‌లోని (Hyderabad) ఓ ప్రైవేట్ బ్యాంకులో ఉద్యోగం చేస్తూనే సినిమాల్లో జూనియర్ ఆర్టిస్టుగా పనిచేస్తోంది. సంక్రాంతి పండగ నిమిత్తం ఇటీవల స్వస్థలం కడపకు వెళ్లింది. సోమవారం (జనవరి 17) రాత్రి వెంకటాద్రి ఎక్స్‌ప్రెస్‌లో తిరిగి హైదరాబాద్ పయనమమైంది. రైలు తెల్లవారుజామున 5.30గం. సమయంలో షాద్ నగర్ రైల్వే స్టేషన్‌కు చేరుకోగా.. నిద్రమత్తులో ఉన్న జ్యోతిరెడ్డి కాచిగూడ స్టేషన్‌గా పొరబడి గబగబా కిందకు దిగిపోయింది.
ఆ తర్వాత అది కాచిగూడ స్టేషన్ (Kacheguda Railway Station) కాదని తెలుసుకుని మళ్లీ రైలు ఎక్కేందుకు ప్రయత్నించింది. కదులుతున్న రైల్లోకి ఎక్కేందుకు ప్రయత్నించడంతో అదుపు తప్పి ప్లాట్‌ఫామ్‌పై పడిపోయింది. ఈ ప్రమాదంలో జ్యోతిరెడ్డి తలకు బలమైన గాయమైంది. వెంటనే రైల్వే సిబ్బంది ఆమెను హైదరాబాద్‌లోని ఉస్మానియా ఆసుపత్రికి తరలించారు. అక్కడి నుంచి మలక్‌పేటలోని ఓ ప్రైవేట్ ఆసుపత్రికి షిఫ్ట్ చేశారు. కానీ అప్పటికే జ్యోతిరెడ్డి చనిపోయినట్లు వైద్యులు ధ్రువీకరించారు.
జ్యోతిరెడ్డి మృతితో ఆమె కుటుంబ సభ్యులు, జూనియర్ ఆర్టిస్టులు ఆ ప్రైవేట్ ఆసుపత్రి ఎదుట ఆందోళనకు దిగారు. దీంతో ఛాదర్‌ఘాట్ పోలీసులు అక్కడికి చేరుకుని మృతురాలి కుటుంబ సభ్యులు, జూనియర్ ఆర్టిస్టులను పోలీస్ స్టేషన్‌కు తరలించారు. అనంతరం మృతదేహాన్ని హైదరాబాద్‌లోని (Hyderabad) ఉస్మానియా ఆసుపత్రికి తరలించారు. జ్యోతిరెడ్డి మృతిపై కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.
Also Read: Bihar Katihar Newborn: బీహార్‌లో వింత శిశువు జననం... నాలుగు కాళ్లు, నాలుగు చేతులు...
Also Read: Horoscope Today January 19 2022: నేటి రాశి ఫలాలు.. ఆ రాశి వారికి మొండితనం పనికి రాదు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
