ఫేస్‌బుక్‌లో "కూలీ" సినిమా తొలి షాట్‌కి సంబంధించిన ఫోటోని పోస్టు చేశారు నటుడు అమితాబ్ బచ్చన్. ఆ చిత్ర షూటింగ్ సమయలోనే బిగ్‌బీ అనుకోని ప్రమాదానికి గురై.. గాయాల బారిన పడి కొన్నాళ్లు సినిమాలకు దూరమయ్యారు. అయితే ఎక్కడైతే తను ఆగిపోతానో. మళ్లీ అక్కడ నుండే మళ్లీ కథ మొదలుపెడతానని అంటున్నారు అమితాబ్. "కూలీ" చిత్రం అతనికి మాయని మచ్చని మిగిల్చినా.. అది తనకు పాఠాలు నేర్పిందని చెబుతారు ఆయన. ఈ రోజు ఫేస్‌బుక్‌లో కూలీ సినిమాకి సంబంధించిన తొలి షాట్ ఫోటో పోస్టు చేసిన అమితాబ్... ఈ విశేషాలను పంచుకున్నారు. 1983లో అమితాబ్, రిషిరపూర్, రతి అగ్నిహోత్రి తారాగణంగా తెరకెక్కిన ఈ చిత్రానికి మన్మోహన్ దేశాయ్ దర్శకత్వం వహించారు. అమితాబ్ కెరీర్‌లో ఆల్ టైమ్ బ్లాక్ బస్టర్‌గా నిలిచింది ఈ చిత్రం. ఇదే సినిమాలో కన్నడ సూపర్ స్టార్ రాజ కుమార్ గెస్ట్ రోల్‌లో నటించడం గమనార్హం.
