Cow Attack Video: చెన్నై వీధుల్లో జరిగిన ఈ ఘటన ఒళ్లు జలదరింపజేస్తోంది. హృదయం తరుక్కుపోతోంది. అచ్చం పగబట్టినట్టుగా ఓ ఆవు..ఆ చిన్నారిని విచక్షణా రహితంగా కుళ్లబొడిచేసింది. కొమ్ములతో గిరాటేసి కింద పడేసి విధ్వంసం సృష్టించింది. అక్కడున్న సీసీటీవీలో రికార్డయిన ఈ దృశ్యం ఇప్పుడు వైర్ల అవుతోంది. అసలేం జరిగిందంటే..
చెన్నైలోని ఓ వీధిలోంచి తల్లితో కలిసి ఓ చిన్నారి స్కూల్‌కు నడుచుకుంటూ వెళ్తోంది. ఈ ఇద్దరి కంటే ముందు రెండు ఆవులు వెళ్తున్నాయి. ఏమైందో తెలియదు..ఒక్కసారిగా అందులో ఓ ఆవు వెనక్కి తిరిగి ఆ చిన్నారిపై దాడి చేసింది. అది కూడా మామూలు దాడి కాదు. ఏదో ఆ పాపపై పగబట్టినట్టుగా దాడి చేసింది. అభం శుభం తెలియని ఆ చిన్నారిని కొమ్ములతో ఎత్తిపడేసి కాళ్లతో , కొమ్ములతో తొక్కేసింది. ఆ తల్లి ఒంటరిగా నిస్సహాయురాలై చూస్తుండిపోయింది. అక్కడున్న స్థానికులు రాళ్లతో ఆవుల్ని విదిలించేందుకు ప్రయత్నించినా ప్రయోజనం లేకపోయింది. మద్యలో ఓ వ్యక్తి ఆ చిన్నారిని కాళ్లతో ఇవతలకు లాగినా..మళ్లీ వచ్చి దాడి చేసింది. పాపం ఆ చిన్నారి పగబట్టినట్టుగా జరిపిన ఆవు దాడిలో తీవ్రంగా గాయపడింది. తీవ్రంగా నలిగిపోయింది. ఇంకాస్సేపు ఈ దాడి జరిగుంటే ఆ చిన్నారి ప్రాణాలు కూడా పోయేవి. ఇంతలో ఓ వ్యక్తి కర్రతో దాడి చేయడంతో అప్పటికి గానీ ఆవు పారిపోలేదు.
స్కూలుకు వెళ్తున్న పాప పై ఆవు దాడి
చెన్నై వీధుల్లో స్కూలుకు వెళ్తున్న చిన్నారి పై ఒక్కసారిగా ఆవు విరుచుకుపడింది. బెంబేలెత్తిపోయిన తల్లి నిస్సహాయ స్థితిలో ఎం చెయ్యాలో అర్ధంకాక కాపాడే ప్రయత్నం చేయసాగింది. చివరికి స్థానికులు వచ్చి కాపాడారు. pic.twitter.com/ct0ejDkf0O
— Telugu Scribe (@TeluguScribe) August 10, 2023
ఓ వైపు ఆవు ఆ చిన్నారిపై దాడి చేస్తుండగానే మరో రెండు ఆవులు అక్కడికి వచ్చి చూస్తూ ఉండిపోవడం వీడియోలో స్పష్టంగా గమనించవచ్చు. ఆ చిన్నారిని రక్షించేందుకు చాలామంది వివిధ రకాలుగా ప్రయత్నాలు చేసినా అక్కడి ఓ ఇంట్లో ఆరు బయట ఉన్న ఓ వ్యక్తి మాత్రం చోద్యం చూస్తుండిపోయాడు.
Also read: Independence Day 2023 Long Weekend: అన్నీ మర్చిపోయి సరదాగా తిరిగొద్దాం రండి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
