Do You Know How to Perform Shiva Puja at home: హిందూ మతంలో ప్రత్యేక పూజా నియమాలు ఉంటాయి. ఒక్కో దేవుడు/దేవతికి ప్రత్యేక పూజలు ఉంటాయి. ఈ పూజలు పాటించడం వల్ల భగవంతుడు ప్రసన్నుడై.. కోరికలు తీరుస్తాడని భక్తుల నమ్మకం. ఈరోజు (2 జనవరి 2023) కొత్త సంవత్సరం మొదటి సోమవారం. అంతేకాదు నేడు తెలుగు రాష్ట్రాల్లో వైకుంఠ ఏకాదశి వేడుకలు ఘనంగా జరుగుతున్నాయి. దాంతో నేడు శివ ఆలయాలు భక్తులతో కిటకిటలాడుతున్నాయి. భక్తుల శివుడి ఆలయాలకు వెళ్లి మొక్కులు చెల్లించుకుంటున్నారు.
సోమవారం నాడు శివుడి భక్తులు శివలింగానికి నీటిని సమర్పిస్తారు. అయితే దానికి ప్రత్యేక నియమాలు కూడా ఉన్నాయి. ఈ నియమాలు పాటించకపోతే.. శివుడికి కోపం వస్తుంది. శివలింగానికి నీరు సమర్పించడానికి ఏ పాత్రను ఉపయోగిస్తారో, నీటిని సమర్పించేటప్పుడు ముఖం ఏ దిశలో ఉండాలి, ఏ మంత్రాన్ని జపించాలనే విషయాలు మీకు తెలుసా?. ఇప్పటివరకు తెలియకున్నా.. చింతించాల్సిన అవసరం లేదు. పాత్ర, ముఖ దిశ, మంత్రం వివరాలను ఓసారి తెలుసుకుందాం.
ముఖ దిశ:
శివునికి నీటిని సమర్పించేటప్పుడు మీ ముఖం ఎప్పుడూ తూర్పు వైపు అస్సలు ఉండకూడదు. తూర్పు దిశను శివుని ప్రవేశ ద్వారంగా భావిస్తారు. అందుకే తూర్పు దిక్కుకు అభిముఖంగా నీళ్లను సమర్పించడం వల్ల శివుని తలుపులో అడ్డంకులు ఏర్పడి కోపానికి గురవుతాడు. శివలింగానికి నీటిని సమర్పించేటప్పుడు మీ ముఖం ఉత్తరం వైపు ఉండాలి. ఈ దిశను శివుని ఎడమ భాగం అని పిలుస్తారు. ఈ దిశ తల్లి పార్వతికి అంకితం చేయబడింది. ఈ దిశలో నీరు సమర్పించడం ద్వారా తల్లి పార్వతి మరియు శివుని అనుగ్రహం లభిస్తుంది.
ఏ పాత్ర:
కలశంలోని నీటిని ఎల్లప్పుడూ శివునికి సమర్పించండి. శివునికి నీటిని సమర్పించడానికి రాగి కలశం ఉత్తమంగా పరిగణించబడుతుంది. వెండి లేదా కాంస్య పాత్రతో కూడా జలాభిషేకం చేయవచ్చు. శివునికి నీరు సమర్పించడానికి స్టీల్ పాత్రలను అస్సలు ఉపయోగించవద్దు. అలాగే రాగి కలశంలో పాలు కలిపిన నీటిని సమర్పించవద్దు. అలా చేయడం అశుభం.
కూర్చుని నీరు అందించండి:
శివలింగంపై ముందు కూర్చుని నీటిని సమర్పించండి. అంతేకాదు రుద్రాభిషేకం చేసేటప్పుడు నిశ్చలంగా నిలబడకండి. నిలబడి నీళ్లను సమర్పిస్తే.. ఎలాంటి ప్రయోజనం ఉండదని పురాణాలలో చెప్పబడింది.
మంత్రం:
ఎల్లప్పుడూ శివలింగానికి కుడి చేత్తో మాత్రమే నీటిని సమర్పించండి. నీరు సమర్పిస్తున్నప్పుడు నీటి ధార సన్నగా ఉండాలి. అలాగే ఓం నమః శివాయ అనే మంతాన్ని జపించండి.
Also Read: Gold Price Today: రూ.56 వేల చేరువలో బంగారం ధర.. తెలుగు రాష్ట్రాల్లో నేటి పసిడి ధరలు ఎలా ఉన్నాయంటే?
Also Read: Guntur Stampede: గుంటూరు తొక్కిసలాటలో ముగ్గురి మృతి.. స్పందించిన సీఎం జగన్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook.
