IPL 2024 Points Table: ఢిల్లీ దెబ్బకు టాప్ ఫ్లేస్ కోల్పోయిన చెన్నై.. అగ్రస్థానం ఎవరిదంటే?

IPL 2024 Updates: ఆదివారం ఢిల్లీ క్యాపిటల్స్ ఇచ్చిన షాక్ కు చెన్నై సూపర్ కింగ్స్ ఐపీఎల్ పాయింట్ల పట్టికలో అగ్రస్థానం కోల్పోయింది. నిన్న జరిగిన మ్యాచుల్లో గుజరాత్, ఢిల్లీ గెలవడంతో పాయింట్ల పట్టికలో కీలక మార్పులు చోటుచేసుకున్నాయి.

IPL 2024 Points Table Updates: ఐపీఎల్ 2024 సీజన్ ప్రారంభమై పది రోజులు దాటింది. మార్చి 31 వరకు మెుత్తంగా 13 మ్యాచులు జరిగాయి. శనివారం(మార్చి 30) వరకు అగ్రస్థానంలో ఉంటూ వచ్చిన చెన్నై వైజాగ్ మ్యాచ్ లో ఓడిపోవడంతో టాప్ ఫ్లేస్ గల్లంతు అయింది.  ఈ నేపథ్యంలో తొలి స్థానంలోకి ఎవరు వచ్చారు, సన్ రైజర్స్ హైదరాబాద్ స్థానం ఎంత తదితర వివరాలు తెలుసుకుందాం. ఐపీఎల్‌లో సోమవారం (ఏప్రిల్ 01) ముంబై ఇండియన్స్-రాజస్థాన్ రాయల్స్ తలపడనున్నాయి.

ఆదివారం జరిగిన మ్యాచ్ లో రుతురాజ్ సేన ఓడిపోవడంతో రెండో స్థానానికి దిగజారింది. ఇక రెండో స్థానంలో ఉన్న కోల్‌కతా నైట్ రైడర్స్ అగ్రస్థానానికి ఎగబాకింది. కేకేఆర్ ఆడిన రెండు మ్యాచుల్లో గెలిచి 4 పాయింట్లు సాధించి +1.047 నెట్ రన్ రేట్ తో టాప్ లో నిలిచింది. ఇక సీఎస్కే మూడు మ్యాచ్ ల్లో రెండు గెలిచి +0.976 రన్ రేట్ సెకండ్ ఫ్లేస్ లో కొనసాగుతోంది. మూడో స్థానంలో రాజస్థాన్ రాయల్స్ జట్టు ఉంది. సంజూ సేన ఆడిన రెండో మ్యాచుల్లో గెలిచి +0.800 రన్ రేట్‌ను కలిగి ఉంది. ఆదివారం మ్యాచ్ లో సన్ రైజర్స్ హైదరాబాద్ పై గుజరాత్ టైటాన్స్ గెలవడంతో ఏకంగా ఎనిమిదో స్థానంలో నుంచి నాలుగో స్థానానికి దూసుకొచ్చింది. ఆ జట్టు ఆడిన మూడు మ్యాచుల్లో రెండింట్లో గెలిచింది. 

తెలుగు టీమ్ సన్ రైజర్స్ హైదరాబాద్ మూడు మ్యాచుల్లో ఒకటి గెలిచి +0.204 నెట్ రన్ రేట్ తో ఐదో స్థానంలో ఉంది. ఆరో స్థానంలో రాహుల్ సేన ఉంది. లక్నో సూపర్ జెయింట్స్ ఆడిన రెండు మ్యాచుల్లో ఒకటి గెలిచి +0.025 నెట్ రన్ రేట్ ను కలిగి ఉంది. ఆదివారం చెన్నైపై ఢిల్లీ గెలవడంతో తన స్థానాన్ని మెరుగుపరుచుకుంది. రిషభ్ సేన ఆడిన మూడు మ్యాచ్‌ల్లో ఒకటి గెలిచి ఏడో స్థానంలో ఉంది. ఆ తర్వాత స్థానాల్లో పంజాబ్ కింగ్స్, రాయల్ ఛాలెంజర్స్ బెంగళూరు ఉన్నాయి. ఇక చివరి స్థానంలో హార్దిక్ పాండ్యా నేతృత్వంలో ముంబై జట్టు ఉంది. ముంబై ఆడిన రెండు మ్యాచుల్లో ఓడి అట్టడుగు స్థానంలో నిలిచింది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu     

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook