Acer released Acer Swift Go Laptop in India: తైవాన్‌కు చెందిన ప్రముఖ ఎలక్ట్రానిక్‌ ఉత్పత్తుల సంస్థ ఏసర్‌కు భారత మార్కెట్లో మంచి డిమాండ్ ఉంది. ఎప్పటికప్పుడు కొత్త ల్యాప్‌టాప్‌లను తీసుకొస్తూ కస్టమర్లను ఆటకుంటోంది. ఈ క్రమంలోనే కొత్త ల్యాప్‌ట్యాప్‌ను భారత మార్కెట్లోకి రిలీజ్ చేసింది. ఏసర్‌ స్విఫ్ట్‌ గో (Acer Swift Go) పేరుతో ల్యాప్‌టాప్‌ను విడుదల చేసింది. ఏసర్‌ ఈ స్టోర్‌, విజయ్‌ సేల్స్‌, అమెజాన్‌, క్రోమా నుంచి ఈ కొత్త ల్యాప్‌టాప్‌ను కొనుగోలు చేయొచ్చని ఏసర్‌ పేర్కొంది. అత్యుత్తమ ఫీచర్లతో ఈ ల్యాపీని తీసుకొచ్చిన్నట్లు చెప్పింది. ఏసర్‌ స్విఫ్ట్‌ గో ధర, ఫీచర్ల వివరాలను ఓసారి చూద్దాం.
ఏసర్‌ స్విఫ్ట్‌ గో ల్యాప్‌టాప్‌ 16 జీబీ ర్యామ్‌, 512 జీబీ SSD స్టోరేజీతో వస్తుంది. ఈ ల్యాప్‌టాప్‌ ధర రూ. 79,990గా ఉంది. ఇందులో 13వ జనరేషన్‌ ఇంటెల్‌ కోర్‌ i5-13500H ప్రాసెసర్‌ను అందించింది. 14 అంగుళాల WQXGA+2.8K ఓఎల్‌ఈడీ డిస్‌ప్లేను కలిగి ఉంటుంది. 400 నిట్స్‌ పీక్‌ బ్రైట్‌నెస్‌, బయోమెట్రిక్‌ అథెంటికేషన్‌ సదుపాయం ఈ ఈ ల్యాపీలో ఉంది. 65Whr బ్యాటరీని ఇందులో అమర్చారు. ఇది 45W ఫాస్ట్‌ ఛార్జింగ్‌కు సపోర్ట్‌ చేస్తుంది. టైప్‌-సి పోర్టు ద్వారా దీన్ని ఛార్జ్‌ చేయొచ్చు. కేవలం 30 నిమిషాల ఛార్జింగ్‌తో ఈ ల్యాప్‌టాప్‌ను నాలుగు గంటలు వాడుకోవచ్చని ఏసర్‌ కంపెనీ పేర్కొంది.
ఏసర్‌ స్విఫ్ట్‌ గో ల్యాప్‌టాప్‌లో యూఎస్‌బీ 3.2 పోర్ట్‌, యూఎస్‌బీ 3.2 జెన్‌ పోర్ట్‌, యూఎస్‌బీ టైప్‌-సి పోర్ట్‌, హెచ్‌డీఎంఐ 1.4 పోర్టు ఉంటాయి. అదనపు మెమొరీ కోసం ఎస్‌డీ కార్డ్‌ స్లాట్‌ కూడా ఇందులో అందుబాటులో ఉంది. విండోస్‌ 11 హోమ్‌, ఎంఎస్‌ ఆఫీస్‌ ప్రీ ఇన్‌స్టాల్డ్‌గా వస్తున్నాయి. ఇక టి-టైప్‌ యూఎస్‌బీ కెమెరాను ఈ ల్యాప్‌టాప్‌లో ఇచ్చారు. టచ్‌ప్యాడ్‌ వివిధ గెశ్చర్లకు సపోర్ట్‌ చేస్తుంది. ఇక ఈ ల్యాపీ సిల్వర్‌ కలర్‌లో ఉంటుంది. ఈ ల్యాపీ బరువు 1.25 కిలోగ్రాములు అని ఏసర్‌ కంపెనీ పేర్కొంది.
ఏసర్‌ స్విఫ్ట్‌ గో ల్యాప్‌టాప్‌ ఫీచర్లు:
# 16 జీబీ ర్యామ్‌
# 512 జీబీ SSD స్టోరేజీ
# విండోస్‌ 11 హోమ్‌
# ఎంఎస్‌ ఆఫీస్‌
# 14 అంగుళాల WQXGA+2.8K ఓఎల్‌ఈడీ డిస్‌ప్లే
# 65Whr బ్యాటరీ
# టైప్‌-సి పోర్టు
# టి-టైప్‌ యూఎస్‌బీ కెమెరా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
