కేటీఆర్ ఆస్తులపై విచారణ జరిపించాలి : ఎంపీ రేవంత్ రెడ్డి

హైదరాబాద్ : రాష్ట్ర ఐటీ, పరిశ్రమల శాఖామాత్యులు మంత్రి కేటీఆర్ అవినీతిపై సమగ్ర విచారణ జరిపించాలంటూ కాంగ్రెస్ ఎంపీ రేవంత్ రెడ్డి సీఎం కేసీఆర్ కు బహిరంగ లేఖ రాశారు. కేటీఆర్ పై విచారణకు ఆదేశించకుంటే తాను కోర్టుకు వెళతానని పేర్కొన్నారు. 2014 ఎన్నికల అఫిడవిట్లో రూ.8 కోట్లుగా ఉన్న కేటీఆర్ ఆస్తి 2018 ఎన్నికల నాటికి రూ.41 కోట్లకు ఎలా పెరిగిందని ఎంపీ రేవంత్ రెడ్డి ప్రశ్నించారు. టీఆర్ఎస్ పార్టీ విరాళాలు రూ.188 కోట్లకు పెరగటం వెనుక గల మతలబు ఏంటని ప్రశ్నించారు.