54 વર્ષનો થયો સલમાન ખાન: પનવેલ છોડી આ ભાઈના ઘરે ઉજવ્યો બર્થડે, વાઈરલ થયો VIDEO

મુંબઈ: બોલિવૂડ (Bollywood) ના દબંગ સલમાન ખાને (Salman Khan) આજે મુંબઈમાં પોતાનો 54મો જન્મદિવસ (Birthday) ખુબ ધામધૂમથી ઉજવ્યો. આ વખતે સલમાને પોતાની ફેવરિટ જગ્યા પનવેલના બદલ મુંબઈ (Mumbai) માં જ પોતાનો બર્થડે સેલિબ્રેટ કરવાનું નક્કી કર્યું. અત્રે જણાવવાનું કે સોહેલ ખાનના પાલીહિલવાળા ઘરમાં સલમાન ખાને પોતાનો બર્થડે સેલિબ્રેટ કર્યો. જેમાં બોલિવૂડના ઘણા જાણીતા કલાકારો એકસાથે જોવા મળ્યાં. ભાઈજાનના આ બર્થડે સેલિબ્રેશનમાં દબંગ 3ની આખી સ્ટાર કાસ્ટ સોનીક્ષી સિન્હા, કીચા, અને સાઈ માંજરેકર ઉપરાંત ઘર પરિવારના સભ્યો જેમાં અરબાઝ,સોહેલ, પપ્પા સલીમ ખાન, મમ્મી હેલન અને સલમા ખાન સામેલ થયા હતાં. આ સાથે જ બર્થડે પાર્ટીમાં બોલિવૂડની જાણીતી અભિનેત્રી કેટરીના કૈફ, સંતોષ શુક્લા, મીકા સિંહ, ગુરુ રંધાવા, રાજપાલ યાદવ, બોબી દેઓલ, અને સુભાષ ઘાઈ જેવી હસ્તીઓ પણ સામેલ થઈ હતી. 

સલમાન ખાને સૌથી પહેલા મીડિયાવાળાઓ સાથે મળીને કેક કાપી અને જન્મદિવસની શરૂઆત કરી. ત્યારબાદ સોહેલના ઘરે પાર્ટી કરવા ગયા હતાં. ઘડિયાળમાં જેવા 12 વાગ્યા કે સોહેલના ઘરમાંથી સલમાન માટે બર્થડેનો અવાજ આવી રહ્યો હતો. તે જ સમયે 12 વાગે સોહેલના ઘરની બહાર ભેગી થયેલી  ભીડે પોતાના ફેવરિટ એક્ટર સલમાન ખાનને ખુબ શુભેચ્છાઓ પાઠવી. એક બાજુ એવી અટકળો હતી કે સલમાનના જન્મદિવસે જ અર્પિતા ખાનના બાળકની ડિલિવરી નક્કી છે તો બીજી બાજુ અર્પિતા ખાન પણ સલમાન ખાનની બર્થડે પાર્ટીમાં જોવા મળી. આ બાજુ સલમાન ખાનના ડ્રેસ ડિઝાઈનર એશ્લે રિબેલોએ સોથી પહેલા સોશિયલ મીડિયામાં સલમાન ખાનના બર્થડે સેલિબ્રિશનનો વીડિઓ પોસ્ટ કર્યો અને જોત જોતામાં તો તે વાઈરલ પણ થઈ ગયો. 

View this post on Instagram

Happy birthday to my most fav person in the world, @beingsalmankhan love and happiness always 😘😘😘😘

A post shared by Ashley Rebello (@ashley_rebello) on Dec 26, 2019 at 10:42am PST

જ્યાં એકબાજુ સલમાન ખાનનો બર્થડે સેલિબ્રેટ થઈ રહ્યો હતો ત્યાં બીજી બાજુ સુરક્ષા પણ એકદમ ચુસ્ત કરાઈ હતી. આ દરમિયાન ગેલેક્સી એપાર્ટમેન્ટ, અર્પિતાના ઘર અને ખાસ કરીને સોહેલ ખાનના ઘરની બહાર પ્રાઈવેટ સિક્યુરિટી ગાર્ડ્સ ઉપરાંત મુંબઈ પોલીસના સુરક્ષાકર્મીઓ પણ તૈનાત હતાં. સોહેલના ઘરની બહાર મોટી સંખ્યામાં લોકો ભેગા થઈ ગયા હતાં. રાતે 2 વાગ્યા સુધી તેઓ સલમાનની એક ઝલક જોવા માટે ખડેપગે હતાં.