વીડિયોઃ કેટરીના કેફનો થયો કોરોના ટેસ્ટ, જલદી શરૂ કરશે શૂટિંગ

મુંબઈઃ દુનિયાભરમાં કોરોના વાયરસ બાદ લૉકડાઉન થયું હતું અને ફિલ્મ ઇન્ડસ્ટ્રી પણ તેમાંથી બાકાત નથી. પરંતુ હવે ધીમે-ધીમે ફિલ્મ ઇન્ડસ્ટ્રી ફરીથી લાઇન પર આવી રહી છે અને બીજીવાર ફિલ્મોનું શૂટિંગ શરૂ કરી રહી છે. પરંતુ શૂટિંગમાં સરકારની ગાઇડલાઇનનું પાલન કરવામાં આવી રહ્યું છે અને કોરોનાને કારણે ખુબ સાવચેતી રાખવામાં આવી રહી છે. હવે કેટરીના કેફ પોતાની આગામી ફિલ્મનું શૂટિંગ કરવા જઈ રહી છે તો તેનો પહેલા કોરોના ટેસ્ટ થયો છે. 

કેટરીના કેફે પોતાના સોશિયલ મીડિયા હેન્ડલ પર કોરોના ટેસ્ટ કરાવતો વીડિયો શેર કર્યો છે. આ વીડિયો સાથે તેણે લખ્યું, 'આ કરવું જોઈએ, શૂટ માટે ટેસ્ટિંગ (ડૈની તરફથી ખુબ જરૂરી નિર્દેશ, હંમેશા હસ્તા રહો),' વીડિયોમાં જોવા મળી રહ્યું છે કે ટેસ્ટ કરી રહેલ મેડિકલ પ્રોફેશનલે પીપીઈ કિટ પહેરી છે. જુઓ કેટરીનાનો વીડિયો. 

View this post on Instagram

A post shared by Katrina Kaif (@katrinakaif)

મહત્વનું છે કે કેટરીના કેફ આવનારા દિવસોમાં ભારતના ડાયરેક્ટર રહેલા અલી અબ્બાસ જફરની એક ફિલ્મમાં કામ કરવા જઈ રહી છે, જેમાં તે એક સુપરવુમનની ભૂમિકા ભજવશે. કેટરીનાની આવનારી ફિલ્મ 'સૂર્યવંશી' પણ રિલીઝ માટે તૈયાર છે જેમાં તે લાંબા સમય બાદ અક્ષય કુમારની સાથે જોવા મળશે. આ સિવાય તે સિદ્ધાંત ચતુર્વેદી અને ઈશાન ખટ્ટરની સાથે ફિલ્મ 'ફોન ભૂત'માં જોવા મળશે.