close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

મહારાષ્ટ્રના પાલઘરમાં ખાનગી બસ ખીણમાં ખાબકતા સુરતના 6લોકોના મોત

મહારાષ્ટ્રના પાલઘર જિલ્લાના તોરગના ઘાટ પર ખાનગી બસ અકસ્માતમાં સુરતના 6 લોકોના મોત થયના અહેવાલ મળી રહ્યા છે. ગુજરાતથી હોળીની રજાઓ માણવા માટે ગયેલી સુરતની બસ ખીણમાં ખાબકતા છ જેટલા લોકોના મોત થયા છે, જ્યારે 45 કરતા પણ વધારે લોકો બસ અકસ્માતમાં ઘાયલ થયા છે.

Kuldip Barot - | Updated: Mar 24, 2019, 06:06 PM IST
મહારાષ્ટ્રના પાલઘરમાં ખાનગી બસ ખીણમાં ખાબકતા સુરતના 6લોકોના મોત

જય પટેલ/સુરત : મહારાષ્ટ્રના પાલઘર જિલ્લાના તોરગના ઘાટ પર ખાનગી બસ અકસ્માતમાં સુરતના 6 લોકોના મોત થયના અહેવાલ મળી રહ્યા છે. ગુજરાતથી હોળીની રજાઓ માણવા માટે ગયેલી સુરતની બસ ખીણમાં ખાબકતા છ જેટલા લોકોના મોત થયા છે, જ્યારે 45 કરતા પણ વધારે લોકો બસ અકસ્માતમાં ઘાયલ થયા છે.

ત્ર્યમ્બકથી દર્શન કરી પરત ફરતી વેળાએ ખાનગી ટ્રાવેલ્સની બસ ખીણમાં ખાબકી હતી. આ ઘટનામાં 45 જેટલા બસ સવારો આ અકસ્માતમાં ઘાયલ થયા છે. જેમને સારવાર માટે નજીકની હોસ્પિટલમાં ખસેડવામાં આવ્યા છે. રાહત કાર્યમાં 7 જેટલી એમ્બુલન્સ રાહત કામગીરીમાં લાગી છે.

અમદાવાદ: રૂમાલથી એકબીજાના હાથમાં હાથ બાંધી પ્રેમીપંખીડાએ કર્યો આપઘાત

 

મહત્વનું છે, કે હોળી-ધુળેટી પર્વની રજામાં નાસિક, ત્ર્યંબકેશ્વર અને શીરડીના પ્રવાસે સુરતથી ખાનગી ટ્રાવેલ્સ મારફતે ગયા હતા. જેમાં પરત ફરતી વખતે ખીણમાં બસ ખાબકતા ગુજરાતના સુરતના 6 જેટલા લોકોના મોત થયા છે. અકસ્માતમાં મોત થનારા તમામં લોકો સુરતના ગોલવાડ અને અડાજણ વિસ્તારના હોવાનું બહાર આવી રહ્યું છે.