મધ્ય પ્રદેશથી ગુમ થયેલી પુત્રીને શાહીબાગ પોલીસે પરિવાર સાથે કરાવ્યો ભેટો

ઉદય રંજન/અમદાવાદ: મધ્યપ્રદેશથી એક વર્ષથી ગુમ પુત્રીને શોધી શાહીબાગ પોલીસ અને રેનબસેરા સંચાલકોએ પરિવારનો ભેટો કરાવ્યો છે. ઉલ્લેખનીય છે કે, યુવતીને બાળકીનો જન્મ થતા પતિએ તરછોડયા બાદ માનસિક તણાવમાં આવી જતા ટ્રેનમાં જ મુસાફરી કરતી હતી. 

શાહીબાગ પોલીસ સ્ટેશનમાં બેઠેલી યુવતીનું નામ છે શુશીલા બૈગા અને તેની બાજુમાં બેઠેલ તેના પિતા સનુમાન બૈગા એક વર્ષ પહેલા શુશીલાએ એક બાળકીનો જન્મ થતા તેના પતિએ તેને તરછોડી હતી. અને ત્યાર બાદ માનસિક તણાવમાં આવી જતા ભૂલી પડી હતી. મધ્યપ્રદેશમાંથી આંઠ માસ સુધી શુશીલા ટ્રેનમાં જ ફરતી હતી. અને બે માસથી શાહીબાગ રેનબસેરામાં રહેતી હતી.

જ્યારે શુશીલા રેનબસેરામાં રહેવા માટે આવી ત્યારે શુશીલા કોઈ પણ સાથે વાત પણ ન કરતી હતી. અને જમતી પણ ન હતી પણ રેનબસેરાના સંચાલકોએ મનાવી ફોસલાવી વાત કરાવી અને માત્ર યુવતીએ પોતાના પિતાનું નામ ગામનું નામ અને ગામ પાસે નીકળી એક નદીનું નામ આપ્યું જેના પરથી સંચાલકોએ ગુગલ મેપના આધારે યુવતીના પિતાના ગામના જીલ્લાનું નામ શોધી કાઢીને ત્યાં ના તંત્ર સાથે વાત કરી હતી.  ત્યારે એક વર્ષ થી ગૂમ યુવતી મળી જવાથી પરિવાર પણ ખુશ છે. અને મધ્યપ્રદેશતંત્ર ગુજરાત પોલીસ અને રેનબસેરા સંચાલકોનો આભાર વ્યક્ત કર્યો હતો.

જુઓ Live TV:-