અમદાવાદમાં ઉલટી ગંગા, સ્કૂલના પ્રોપ્રાઈટરના બિભત્સ ફોટા મહિલાએ કર્યા વાયરલ

દીપિકા પર આરોપ છે કે તેને પોતાના સ્કૂલના પ્રોપ્રાઈટર સંકેત ઠક્કરના અન્ય સ્ત્રી સાથેના અંગત ફોટા કોમ્યુટર માંથી લઈને વાયરલ કરવાના

Updated By: Nov 28, 2018, 06:40 PM IST
અમદાવાદમાં ઉલટી ગંગા, સ્કૂલના પ્રોપ્રાઈટરના બિભત્સ ફોટા મહિલાએ કર્યા વાયરલ
પોલીસ દ્વારા ફેસબુકમાં ફોટો વાયરલ કરનાર મહિલાની ધરપકડ કરવામાં આવી છે

જાવેદ સૈયદ/ અમદાવાદ: ગુજરાતમાં દિવસેને દિવસે સાઇબર ક્રાઇમની ઘટનાઓ વધતી જોવા મળી રહી છે. ત્યારે અમદાવાદમાં સાઇબર ક્રાઇમની વધુ એક ઘટના સામે આવી છે. પરંતુ આ ઘટનામાં પુરૂષની જગ્યાએ મહિલાની ધરપકડ કરવામાં આવી છે. અમદાવાદની એક સ્કૂલની મહિલા પ્રિન્સિપલને ફેસબુકમાં ફેક પ્રોફાઇલ બનાવી શાળા સંચાલકના ફોટા વાયરલ કરવાના ગુનામાં ધરપકડ કરવામાં આવી છે. જાણો શું છે સમગ્ર મામલો...

વાંચવા માટે અહીં ક્લિક કરો: ગુજરાતમાં કરોડોનું કૌભાંડ કરનાર વિનય શાહ પકડાઇ તો ગયો, હવે આગળ શું?

મહિલા પોલીસની પકડમાં મોઢે બુરખા બાંધી ઉભેલી આ મહિલાનું નામ દીપિકા છે. આમ તો દીપિકાનો રોલ પ્રિન્સિપલ તરીકેનો હતો પરંતુ પ્રેમમાં એટલી ખોવાઈ ગઈ કે તેને આરોપી બનવાનો વારો આવી ગયો છે. દીપિકા પર આરોપ છે કે તેને પોતાના સ્કૂલના પ્રોપ્રાઈટર સંકેત ઠક્કરના અન્ય સ્ત્રી સાથેના અંગત ફોટા કોમ્યુટર માંથી લઈને વાયરલ કરવાના.

વાંચવા માટે અહીં ક્લિક કરો: રહસ્યમય રીતે ગુમ થયા પૂર્વ ક્રિકેટર, કાકાની ખબર કાઢવા અમેરિકાથી વડોદરા આવ્યા હતા

ઘટના કંઈક એમ છે કે, ફરિયાદીના બાળકને દીપિકા ટ્યુશન ભણવા આવતી હતી. ત્યારબાદ ફરિયાદી સંકેતએ કલોલમાં પોતાની સ્કૂલ ખોલી જેમાં દીપિકાને પ્રિન્સિપાલ તરીકે ફરજ પર રાખી હતી. ફરિયાદી અને આરોપીના પ્રેમ સંબંધ હતા. જેથી તેને પોતાના પતિને પણ છૂટાછેડા આપી દીધા હતા. ગળાડૂબ પ્રેમમાં પડેલ દીપિકાને ઝટકો ત્યારે લાગ્યો જ્યારે તેને પોતાના પ્રેમીના બીભત્સ ફોટા અન્ય સ્ત્રી સાથે જોયા.

વાંચવા માટે અહીં ક્લિક કરો: જસદણ પેટા ચૂંટણી પહેલા ભડકો: 'કોંગ્રેસે પાટીદારોનો ઉપયોગ કરી હાંસિયામાં ધકેલી દીધા..'

જેથી તેને બદલો લેવાનો વિચાર્યો અને કોમ્યુટરમાંથી ફોટા પાડીને સંકેત અને તેની પત્ની તેમજ ફોટોમાં રહેલી પ્રેમિકાને મોકલી દીધા. સાથોસાથ ફેસબુકમાં ખોટી આઈડી બનાવીને પણ વાયરલ કર્યા. નોંધનીય છે કે, આ કિસ્સામાં દીપિકાને રોવાનો વારો આવ્યો છે. કેમ કે દીપિકા હવે ના ઘરની રહી ન ઘાટની રહી.

ગુજરાતના અન્ય સમાચાર વાંચવા માટે અહીં ક્લિક કરો...