COVID-19 in UP: કોરોનાના ભરડામાં યોગી સરકાર, નવમાં મંત્રી થયા સંક્રમિત

લખનઉઃ ઉત્તર પ્રદેશમાં કોરોના વાયરસનના સંક્રમણની અસર વ્યાપક થઈ રહી છે. તેની ઝપેટમાં સામાન્યથી લઈને ખાસ લોકો પણ આવી રહ્યાં છે. યોગી આદિત્યનાથ સરકારના નવમાં મંત્રીના રૂમાં સિદ્ધાર્થ નાથ સિંહ પણ કોરોનાથી સંક્રમિત થઈ ગયા છે. 

કોરોના વાયરસથી સંક્રમિત કેબિનેટ મંત્રી સિદ્ધાર્થ નાથ સિંહે ટ્વીટ કરીને તેની જાણકારી આપી છે. ઉત્તર પ્રદેશમાં કોરોના સંક્રમણ તે રીતે ફેલાયું છે કે નેતા-રાજનેતા પણ તેમાંથી બાકાત નથી. દરરોજ કોઈને કોઈ નેતા-રાજનેતા તેની ઝપેટમાં આવી રહ્યાં છે. ગુરૂવારે યૂપી સરકારના કેબિનેટ મંત્રી સિદ્ધાર્થ નાથ સિંહ પણ કોરોના વાયરસથી સંક્રમિત થયા છે. તેમણે ટ્વીટ કરીને આ વાતની જાણકારી આપી છે. સિદ્ધાર્થ નાથ સિંહે લખ્યુ કે, કોરોનાના શરૂઆતી લક્ષણ દેખાયા બાદ મેં ટેસ્ટ કરાવ્યો અને રિપોર્ટ પોઝિટિવ આવ્યો છે. મારી તબીયત સારી છે અને ડોક્ટરોની સલાહ પર હું આઈસોલેટ થઈ ગયો છું. મારી વિનંતી છે કે પાછલા દિવસોમાં મારા સંપર્કમાં જે લોકો આવ્યા હોય તે પોતાનો ટેસ્ટ કરાવી લે. 

कोरोना के शुरूआती लक्षण दिखने पर मैंने टेस्ट करवाया और रिपोर्ट पॉजिटिव आई है। मेरी तबीयत ठीक है और डॉक्टर्स की सलाह से मैंने खुद को होम आइसोलेट कर लिया है। मेरा अनुरोध है कि आप में से जो भी लोग गत कुछ दिनों में मेरे संपर्क में आयें हैं, कृपया स्वयं अपनी जाँच करवा लें।

— Sidharth Nath Singh (@SidharthNSingh) August 27, 2020

પ્રદેશ સરકારમાં સ્વાસ્થ્ય રાજ્યમંત્રી અતુલ ગર્ગ કોરોનાથી સંક્રમિત થયા છે. તેમનો રિપોર્ટ પોઝિટિવ આવ્યા બાદ તેમને યશોદા સુપર સ્પેશિયાલિટી હોસ્પિટલ કૌશાંબીમાં દાખલ કરાવવામાં આવ્યા છે. અતુલ ગર્ગે પોતાના સ્વાસ્થ્ય લાભના અનુભવને શેર કરતા હોસ્પિટલના ડોક્ટરો અને સ્ટાફની પ્રશંસા કરી હતી. તેમણે કહ્યું કે, તમારા બધાના પ્રયાસથી મારૂ સ્વાસ્થ્ય સારૂ થઈ રહ્યું છે. 

પ્રયાગરાજમાં હડકંપ
કેબિનેટ મંત્રી સિદ્ધાર્થ નાથ સિંહ બુધવારે પ્રયાગરાજમાં હતા અને તેએ અનેક લોકાર્પણ કાર્યક્રમમાં સામેલ થયા હતા. જ્યાં પાર્ટીના પદાધિકારી, જનપ્રતિનિધિ અને સરકારી અધિકારીઓ પણ હાજર રહ્યાં હતા.