Big Breaking: રામ મંદિર મુદ્દે મધ્યસ્થતાની કોશિશ નિષ્ફળ, હવે 6 ઓગસ્ટથી સુપ્રીમમાં રોજ થશે સુનાવણી

અયોધ્યા મામલે સુપ્રીમ કોર્ટે સુનાવણી દરમિયાન મોટો ફેસલો લીધો છે. સુપ્રીમ કોર્ટે નક્કી કર્યું છે કે હવે આ મામલે રોજે રોજ સુનાવણી હાથ ધરાશે. આ સુનાવણી ઓપન કોર્ટમાં કરાશે. સુપ્રીમ કોર્ટે આજે સુનાવણી દરમિયાન કહ્યું કે મધ્યસ્થતાથી કોઈ પરિણામ આવ્યું નથી. 

Updated By: Aug 2, 2019, 02:45 PM IST
Big Breaking: રામ મંદિર મુદ્દે મધ્યસ્થતાની કોશિશ નિષ્ફળ, હવે 6 ઓગસ્ટથી સુપ્રીમમાં રોજ થશે સુનાવણી

નવી દિલ્હી: અયોધ્યા મામલે સુપ્રીમ કોર્ટે સુનાવણી દરમિયાન મોટો ફેસલો લીધો છે. સુપ્રીમ કોર્ટે નક્કી કર્યું છે કે હવે આ મામલે રોજે રોજ સુનાવણી હાથ ધરાશે. આ સુનાવણી ઓપન કોર્ટમાં કરાશે. સુપ્રીમ કોર્ટે આજે સુનાવણી દરમિયાન કહ્યું કે મધ્યસ્થતાથી કોઈ પરિણામ આવ્યું નથી. અત્રે જણાવવાનું કે મધ્યસ્થતા સમિતિએ સુપ્રીમ કોર્ટમાં સીલબંધ કવરમાં ફાઈલ રીપોર્ટ ગુરુવારે જમા કર્યો હતો. સુપ્રીમે પહેલા જ કહ્યું હતું કે આપસી સહમતીથી કોઈ ઉકેલ ન આવે તો રોજે રોજ સુનાવણી થશે. ચીફ જસ્ટિસ રંજન ગોગોઈની અધ્યક્ષતાવાળી આ પેનલમાં જસ્ટિસ એસએ બોબડે, જસ્ટિસ ડીવાય ચંદ્રચૂડ, જસ્ટિસ અશોક ભૂષણ અને જસ્ટિસ એસએ નઝીર સામેલ છે.

ચીફ જસ્ટિસ ઓફ ઈન્ડિયા રંજન ગોગોઈએ કહ્યું કે 17 નવેમ્બર સુધી અયોધ્યા મામલે ચુકાદો આવવાની શક્યતા છે. સુપ્રીમ કોર્ટે સુનાવણી દરમિયાન કહ્યું કે અયોધ્યા રામ જન્મભૂમિ વિવાદ મામલે બનાવવામાં આવેલી કમિટીને હવે ભંગ કરી દેવાઈ છે. તેમણે કહ્યું કે મધ્યસ્થતાની કોશિશ સફળ થઈ નથી. સમિતિની અંદર અને બહારના પક્ષકારોના વલણમાં કોઈ બદલાવ જોવા મળ્યો નથી. કોર્ટે આ કેસમાં હવે 6 ઓગસ્ટથી સુનાવણી હાથ ધરવાનું જણાવ્યું છે અને તે અઠવાડિયામાં ત્રણ દિવસ મંગળવાર, બુધવાર અને ગુરુવારે થશે. 

મધ્યસ્થતાની તમામ કોશિશ ફેલ
8મી માર્ચના રોજ સુપ્રીમ કોર્ટે કોર્ટે મધ્યસ્થતા માટે 3 સભ્યની કમિટીની રચના કરી હતી.  આ  કમિટીમાં સુપ્રીમ કોર્ટના પૂર્વ જજ(રિ). એફ એમ ઈબ્રાહિમ ખલિફુલ્લાહ, અધ્યાત્મિક ગુરુ શ્રી શ્રી રવિશંકર અને વરિષ્ઠ વકીલ શ્રીરામ પંચુ સામેલ હતાં. કોર્ટે કહ્યું હતું કે મધ્યસ્થતા માટે 8 સપ્તાહનો સમય છે. કોર્ટનું કહેવું હતું કે સમિતિ આપસી સમજૂતિથી સર્વમાન્ય ઉકેલ કાઢવાની કોશિશ કરે. સમિતિએ બંદ રૂમમાં સંબંધિત પક્ષકારો સાથે વાત કરી પરંતુ હિન્દુ પક્ષકાર ગોપાલ સિંહ વિશારદે સુપ્રીમ કોર્ટમાં નિરાશા વ્યક્ત કરતા સતત સુનાવણીની ગુહાર લગાવી હતી. 155 દિવસની ચર્ચા વિમર્શ બાદ મધ્યસ્થતા સમિતિએ રિપોર્ટ રજુ  કર્યો અને કહ્યું કે તેઓ સહમતિ સાધવામાં નિષ્ફળ ગયા છે. હિન્દુ પક્ષે મધ્યસ્થતાનો આકરો વિરોધ  કર્યો હતો જ્યારે મુસલમાન પક્ષનું કહેવું હતું કે સમિતિને તેમણે સમર્થન આપ્યું હતું. 

જુઓ LIVE TV

હાઈકોર્ટના ચુકાદા વિરુદ્ધની અપીલો પર સુનાવણી
નોંધનીય છે કે રામ મંદિર માટેના આંદોલન દરમિયાન 6 ડિસેમ્બર 1992ના રોજ અયોધ્યામાં બાબરી મસ્જિદને પાડી નાખવામાં આવી હતી. આ મામલે અપરાધિક કેસની સાથે સાથે દીવાની કેસ પણ ચાલ્યો હતો. ટાઈટલ વિવાદ સંબંધિત મામલો સુપ્રીમમાં પેન્ડિંગ છે. અલાહાબાદ હાઈકોર્ટે 30 સપ્ટેમ્બર, 2010ના રોજ અયોધ્યા ટાઈટલ વિવાદમાં ચુકાદો આપ્યો હતો, જેમાં વિવાદિત વિસ્તારને 3 ભાગમાં વહેંચવાનો આદેશ અપાયો હતો. જે જગ્યાએ રામલલ્લાની મૂર્તિ છે, ત્યાં રામલલ્લાને બિરાજમા કરવામાં આવે. સીતા રસોઈ અને રામ ચબૂતરો નિર્મોહી અખાડાને આપવામાં આવે અને એક તૃતિયાંશ જમીન સુન્ની વકફ બોર્ડને આપવામાં આવે. ત્યાર બાદ આ કેસ સુપ્રીમ કોર્ટમાં પહોંચ્યો હતો. 

અયોધ્યાની વિવાદિત જમીન પર રામલલ્લા બિરાજમાન અને હિન્દુ મહાસભાએ સુપ્રીમ કોર્ટમાં અરજી દાખલ કરી હતી. બીજી તરફ સુન્ની સેન્ટ્રલ વકફ બોર્ડે પણ સુપ્રીમ કોર્ટમાં હાઈકોર્ટના ચુકાદા સામે અરજી દાખલ કરી હતી. ત્યાર બાદ અન્ય પક્ષકારોએ પણ અરજીઓ લગાવી હતી. 

વિશ્વના વધુ સમાચારો વાંચવા માટે કરો ક્લિક...