ગૃહ મંત્રાલયે ફોન ટેપીંગનો માગ્યો રિપોર્ટ, BJP નેતા કોંગ્રેસના બળવાખોર ધારાસભ્યોને મળ્યા

નવી દિલ્હી: રાજસ્થાનમાં કોંગ્રેસના આંતરીખ વિખવાદ રાજકીય બોર્ડમાં નવો વળાંક લઈ રહ્યો છે. આ કડીમાં કેન્દ્રીય ગૃહ મંત્રાલયે રાજસ્થાનના પ્રધાન સચિવથી ફોન ટેપીંગ પર રિપોર્ટ માગ્યો છે. આ વચ્ચે સૂત્રોના અહેવાલથી સમાચાર આવી રહ્યાં છે કે રાજસ્થાન ભાજપના બે વરિષ્ઠ નેતા પ્રદેશ ભાજપ અધ્યક્ષ સતીશ પૂનિયા અને રાજેન્દ્ર રાઠોડ હરિયાણાના માનેસરમાં કોંગ્રેસના બળવાખોર ધારાસભ્યોને મળ્યા.

આ પણ વાંચો:- સીએમ અશોક ગેહલોતે રાજ્યપાલ સાથે કરી મુલાકાત, બહુમતનો કર્યો દાવો

બાતમીભર્યા સૂત્રોએ ખુલાસો કર્યો છે કે, પૂનિયા અને રાઠોડ આઈટીસી ઇન્ડિયા હોટેલમાં કોંગ્રેસના બળવાખોર ધારાસભ્યોને મળ્યા હતા. આ બળવાખોર ધારાસભ્યો સાથે ભાજપના નેતાઓની બેઠક 2 કલાકથી વધુ ચાલી હતી. સૂત્રોના જણાવ્યા અનુસાર પૂનિયા અને રાઠોડ ગુપ્ત રીતે હોટેલ પહોંચ્યા હતા. રાઠોડ અને પૂનિયાનો ફોન પણ બપોર પછીથી બંધ હતો.