શું ભૂતાને ભારતના પાણીને રોક્યું હતું? આ તસવીરોથી જાણો સંપૂર્ણ સત્ય

નવી દિલ્હી: આપણા પાડોશી દેશ ભૂતાનને લઈને એવા અહેવાલો હતાં કે તેણે ભારતના ગામડાને મળતું પાણી રોક્યું છે. આ ગામ આસામનું છે. પરંતુ હવે ભૂતાને આ અંગે સ્પષ્ટતા બહાર પાડીને ચિત્ર સ્પષ્ટ કર્યું છે. પાણી રોકવાની ખબરને ભૂતાને ખોટી ગણાવી છે. આસામના ચીફ સેક્રેટરી સંજય કૃષ્ણાએ પણ કહ્યું કે ભૂતાને પાણી રોક્યું નથી. ભૂતાને તસવીરો બહાર પાડીને જણાવ્યું કે જે ગંદકીના કારણે પાણી રોકાયેલુ હતું તેને ચોખ્ખી કરી નાખવામાં આવી છે. 

ભૂતાન પર લાગ્યો હતો આસામનું પાણી રોકવાનો આરોપ
હકીકતમાં એવા અહેવાલો હતાં કે ભૂતાને આસામના બક્સા જિલ્લાના ખેડૂતોને મળતું પાણી રોક્યું છે. આ બાજુ ખેડૂતોએ તો રસ્તાઓ પર ઉતરી જઈને વિરોધ પણ શરૂ કરી દીધો હતો. 

ભૂતાને શું કહ્યું પોતાના સ્પષ્ટીકરણમાં?
ભૂતાને પાણી રોકવાના અહેવાલો આવ્યાં બાદ સ્પષ્ટતા કરી. ભૂતાનના વિદેશ મંત્રાલયે સોશિયલ મીડિયા પર એક નિવેદન બહાર પાડ્યું. નિવેદનમાં જણાવ્યું કે તેમણે પાણી રોક્યું એવા અહેવાલ ખોટા છે. કહેવાયું કે પાણીમાં માટી અને કાંકરાના કારણે ફ્લો અટકી ગયો હતો. જેને ઠીક કરી દેવાયો. આ સાથે જ ભૂતાન દ્વારા તસવીરો પણ બહાર પાડવામાં આવી. 

ગેરસમજ થઈ દૂર
ભૂતાન તરફથી નિવેદન આવ્યાં બાદ આસામના ચીફ સેક્રેટરી સંજય કૃષ્ણાનું પણ નિવેદન આવ્યું. કહેવાયું કે પાણી ભૂતાને રોક્યું નહતું. માટી અને કાંકરાના કારણે પાણી રોકાઈ ગયું હતું. કૃષ્ણાએ જણાવ્યું કે ભૂતાનને જેવું આ અંગે જણાવવામાં આવ્યું કે તેમણે ત્યાં સફાઈ કરાવી. 

#WATCH: Assam Chief Secy Kumar Sanjay Krishna says, "Irrigation water comes to Assam from hills of Bhutan, but there was boulder which stopped the flow. We talked to Bhutan & they immediately cleared it. There's no dispute & to say that they stopped the water to Assam is wrong." pic.twitter.com/aNPNxclgJO

— ANI (@ANI) June 26, 2020

સિંચાઈ માટે પાણીનો થાય છે ઉપયોગ
આસામના બક્સા જિલ્લામાં ખેડૂતો 1953 બાદથી જ પોતાના ધાનના ખેતરોની સિંચાઈ ભૂતાનથી આવતી નદીઓના પાણીથી કરે છે. 

(તમામ તસવીરો- સાભાર Ministry of Foreign Affairs, Royal Government of Bhutan​ ફેસબુક પેજ)