Narayan Rane: उद्धव ठाकरे शिवसैनिकांच्या करंगळीवर डॅश डॅश करु शकत नाही; नारायण राणे हे काय म्हणाले

Narayan Rane : केंद्रीय मंत्री नारायण राणे यांनी जाहीर पत्रकार परिषद घेऊन शिवसेना उद्धव बाळासाहेब ठाकरे (Uddhav Thackeray) गटाचे प्रमुख उद्धव ठाकरेंवर जोरदार हल्लाबोल केला. अनेक मुद्दयांवरुन नारायण राणे यांनी उद्धव ठाकरेंवर निशाणा साधला. मुख्यमंत्री पदाच्या खुर्चीवर उद्धव ठाकरे फक्त अडीच तास बसले असा गंभीर आरोप नारायण राणेंनी केला.  

उद्धव ठाकरे हे कधीही कोणत्याच आंदोलनात गेले नाहीत. सीमावादावर शरद पवार आता बोलायला लागले आहेत. महाराष्ट्राची एक इंचही जागा जाणार नाही असं म्हणत नारायण राणे यांनी सीमाप्रश्नी प्रतिक्रिया दिली. 

मुख्यमंत्री पदाच्या खुर्चीवर उद्धव ठाकरे फक्त अडीच तास बसले. कोरोना काळात ते मातोश्रीच्या पिंजऱ्यातून बाहेर पडले नाहीत. आता उद्योग महाराष्ट्राबाहेर गेल्याची टीका करतात. महाराष्ट्र आजही नंबर वन आहे.  फक्त टीका करता येते. तुम्हाला कौतुक करता येत नसेल तर टीका करताना पुराव्यांसह करा असा टोला नारायण राणेंनी लगावला. 

सावरकरांविरोधात वक्तव्य करणाऱ्यांना ठाकरे मीठी मारतात. उद्धव ठाकरे शिवसैनिकांच्या करंगळीवर डॅश डॅश करु शकत नाही. उद्धव ठाकरे कधी कुठल्या कार्यकर्त्याच्या मदतीला धावून गेले आहेत का? असा सवाल नारायण राणेंनी उपस्थित केला. तसेच राणेंनी आदित्य ठाकरेंचा पिल्लू असा उल्लेख केला. हिंदुत्व, सीमावाद आणि सावरकर आदी प्रश्नांवर नारायण राणेंनी भाष्य केले.