दिल्ली कॅपिटल्समध्ये मोठी घडामोड, गांगुली आणि पॉन्टिंग बाहेर, 'या' दोन दिग्गजांची एन्ट्री
IPL 2025 Delhi Capitals : दिल्ली कॅपिटल्सने त्यांचा मेंटॉर असलेल्या माजी क्रिकेटर सौरव गांगुली आणि हेड कोच असलेल्या रिकी पॉन्टिंगला बाहेरचा रस्ता दाखवला असून त्यांची रिप्लेसमेंट गुरुवारी जाहीर केली आहे.
 "दिल्ली कॅपिटल्समध्ये मोठी घडामोड, गांगुली आणि पॉन्टिंग बाहेर, 'या' दोन दिग्गजांची एन्ट्री")
IPL 2025 Delhi Capitals : आयपीएल 2025 पूर्वी सर्व फ्रेंचायझी त्यांची संघ बांधणी करत असून सपोर्ट स्टाफमध्ये देखील मोठे बदल केले जात आहेत. दिल्ली कॅपिटल्सने त्यांचा मेंटॉर असलेल्या माजी क्रिकेटर सौरव गांगुली आणि हेड कोच असलेल्या रिकी पॉन्टिंगला बाहेरचा रस्ता दाखवला असून त्यांची रिप्लेसमेंट गुरुवारी जाहीर केली आहे.
मागील दोन वर्षांपासून सौरव गांगुली दिल्ली कॅपिटल्सचा मेंटॉर तर रिकी पॉन्टिंग हेड कोच होते, परंतु यांच्या कारकिर्दीत दिल्लीची टीम आयपीएलमध्ये चांगली कामगिरी करू शकली नाही. बऱ्याचदा आयपीएल पॉइंटेबलमध्ये ते खालच्या स्थानी राहिले. तेव्हा दिल्ली कॅपिटल्सने या दोघांबाबत गुरुवारी मोठा निर्णय जाहीर केला. यानुसार भारताचा माजी क्रिकेटर वेणुगोपाल राव याची नियुक्ती दिल्ली कॅपिटल्सचा डिरेक्टर ऑफ क्रिकेट आणि हेमांग बदानी यांची नियुक्ती हेड कोच म्हणून करण्यात आली आहे. या दोघांची कारकीर्द पुढील दोन वर्षांसाठी असेल.
हेही वाचा : आयपीएल मेगा ऑक्शनची तारीख आली समोर, कुठे आणि कधी होणार आयोजन?
हेमंग बदानी आणि वेणुगोपाल राव हे खूप वर्षांपासून चेन्नई लीगमध्ये MRF साठी खेळले. याशिवाय दोघांना नेहमी एकत्र काम करण्यासाठी ओळखलं जायचं. दोघेही फ्रेंचायझीच्या सब्सिडियरी संघासाठी काम करत होते. खासकरून यूएईची ILT20 आणि अमेरिकेच्या मेजर लीग क्रिकेटमध्ये दोघे फ्रेंचायझीचे काम पाहायचे. आता दोघांना दिल्ली कॅपिटल्समध्ये मोठी जबाबदारी देण्यात आलीये. दिल्ली कॅपिटल्सच्या मॅनेजमेंटने त्यांना नव्या जबाबदारी सह कोचिंग स्टाफ निवडण्याची सुद्धा खुली सूट दिली आहे. बदानी आणि वेणुगोपाल यांच्याशिवाय टीम इंडियाचा माजी वेगवान गोलंदाज मुनाफ पटेल देखील दिल्ली कॅपिटल्समध्ये सामील होऊ शकतो. फ्रँचायझी त्याला आयपीएलमध्ये बॉलिंग कोच बनवू शकते.
Pooja Pawar
पूजा सुनील पवार या 'झी 24 तास' डिजिटलमध्ये सब एडीटर पदावर कार्यरत आहेत. त्यांना मीडिया क्षेत्राचा ५ वर्षांचा अनुभव आहे. वयाच्या २० व्या वर्षी त्यांनी सकाळ वृत्तपत्रातून आपल्या कारकिर्दीची सुरुवात केली. तिथे सांस्कृतिक, शैक्षणिक, सामाजिक समस्या इत्यादी विषयांवर बातम्या आणि फिल्ड रिपोर्टिंगचा मौल्यवान अनुभव मिळाला. त्यानंतर नवभारत पासून डिजिटल पत्रकारितेला सुरुवात केली. पुढे न्यूज १८ लोकमतमधून स्पोर्ट्स सेक्शनसाठी काम केले. सध्या झी २४ तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवण्याचा प्रयत्न करते. याशिवाय राजकीय, क्राईम, लाईफस्टाईल या क्षेत्राशी निगडीत बातम्या देखील करते. फावल्यावेळेत सामाजिक उपक्रमांमध्ये योगदान द्यायला तसेच ट्रॅव्हल करून नवनवीन ठिकाण फिरण्याची आवड आहे.
...Read More