Personal loan: இந்தியர்கள் பலரும் எதிர்பாராத செலவினங்களுக்காக தனிநபர் கடனைப் பெறுகின்றனர். தனிநபர் கடன்கள் உயர்கல்வி, பயணம், திருமணங்கள் அல்லது மருத்துவ அவசரநிலைகள் போன்ற திட்டமிடப்பட்ட அல்லது திட்டமிடப்படாத செலவுகள் போன்றவற்றை சமாளிக்க பெரிதும் உதவியாக இருக்கின்றது. தனிநபர் கடன் பல்வேறு நிதி இலக்குகளை அடைவதில் வசதி மற்றும் நெகிழ்வுத்தன்மையை வழங்குகிறது, இதற்கு குறைந்தபட்ச ஆவணங்கள் மற்றும் விரைவான செயலாக்கம் தேவைப்படுகிறது. இருப்பினும், தனிநபர் கடன்கள் பொதுவாக மற்ற கடன் வகைகளுடன் ஒப்பிடும்போது அதிக வட்டி விகிதங்களுடன் வருகின்றது. பெரும்பான்மையான வங்கிகள் 21 வயது அல்லது அதற்கு மேற்பட்டவர்களுக்கு மட்டுமே கடனை வழங்கும், கடன் பெறுவதற்கான அதிகபட்ச வயது 58 ஆகும். எந்தவித சிக்கலும் இல்லாமல் அதிக தொகையில் தனிநபர் கடனை பெறுவதற்கும், குறைந்த வட்டி விகிதத்தில் தனிநபர் கடனை வாங்குவதற்கும் நீங்கள் பின்வரும் சில படிகளை பின்பற்ற வேண்டும்.
மேலும் படிக்க | Google Payயில் RuPay கிரெடிட் கார்டு மூலம் பணம் செலுத்தலாம்... வழிமுறை இதோ..!!
1) கிரெடிட் ஸ்கோரை மேம்படுத்துதல்:
ஒரு நல்ல கிரெடிட் ஸ்கோரை நீங்கள் வைத்திருப்பது வங்கியிலிருந்து குறைந்த வட்டி விகிதத்தில் தனிநபர் கடனை பெறுவதற்கு உதவுகிறது. உங்கள் கிரெடிட் கார்டு பில்கள், கடன் இஎம்ஐ-கள் மற்றும் பிற கடன்களை சரியான நேரத்தில் செலுத்துவதன் மூலம், உங்கள் கடன் தகுதியை மேம்படுத்தலாம். அதிக கிரெடிட் ஸ்கோர் கடன் வழங்குபவர்களிடம் நம்பிக்கையை ஏற்படுத்துகிறது, இதன் விளைவாக வட்டி விகிதம் குறையும். உங்களின் சிபில் ஸ்கோர் குறைந்தபட்சம் 750 புள்ளிகளுக்குக் குறையாமல் இருந்தால் உங்களுக்கு கடன் வழங்குபவர் எவ்வித தயக்கமும் இல்லாமல் உங்களுக்கு கடன் வழங்குவார். 300 முதல் 900 வரை சிபில் ஸ்கோர் மதிப்பெண்கள் உள்ளது. கிரெடிட் ஸ்கோர் குறைந்தால், அதனை பழைய நிலைக்கு கொண்டு வருவதற்கு குறைந்தது நான்கு முதல் ஆறு மாதங்கள் வரை ஆகலாம்.
2) சம்பளக் கணக்கைப் பயன்படுத்துதல்:
நீங்கள் சம்பளம் பெறும் பணியாளராக இருந்தால், சம்பளக் கணக்கைப் பயன்படுத்துவது உங்களுக்கு குறைந்த வட்டி விகிதத்தில் தனிநபர் கடனை பெற சாதகமாக இருக்கும். வங்கிகள் உங்கள் நிலையான வருமானத்தை மதிப்பிடலாம் மற்றும் இந்தக் கணக்கு மூலம் உங்கள் கடன் வரலாற்றைக் கண்காணிக்கலாம். இந்தத் தெரிவுநிலை மற்றும் நம்பகத்தன்மை உங்கள் தனிநபர் கடனுக்கான குறைந்த வட்டி விகிதத்தைப் பெறுவதற்கான வாய்ப்பை அதிகரிக்கலாம். எனவே இதனை பயன்படுத்துவதன் மூலம் அதிகளவிலும் கடன் தொகையை பெற்றுக்கொள்ளலாம்.
3) கடன் சலுகைகள் மற்றும் வட்டி விகிதங்களை ஒப்பிட்டுப் பார்த்தல்:
தனிநபர் கடனை வாங்குவதற்கு முன்னர் நீங்கள் வெவ்வேறு வங்கிகள் வழங்கும் தனிநபர் கடன் தொகைகள் மற்றும் வட்டி விகிதங்களை ஒப்பிட்டு பார்க்க வேண்டும். குறைந்த வட்டி விகிதத்தில் எந்த நிறுவனம் அதிகம் கடன் தொகையை வழங்குகிறது என்பதை பார்த்து அந்த கடன் வழங்குபவர்களைத் தேட வேண்டும். அதேசமயம் கடனுடன் தொடர்புடைய அனைத்து விதிமுறைகளையும் நிபந்தனைகளையும் நீங்கள் கவனமாக மதிப்பாய்வு செய்ய வேண்டும்.
4) கூடுதல் கட்டணங்களில் கவனம் செலுத்த வேண்டும்:
தனிநபர் கடனை வாங்கும்போது எப்போதும் வட்டி விகிதங்களை மட்டும் கணக்கில் எடுத்துக்கொள்ளாமல் பிற கட்டணங்களையும் நீங்கள் கவனத்தில் எடுத்துக்கொள்ள வேண்டும். தனிநபர் கடனில் வட்டி விகிதங்கள் தவிர செயலாக்க கட்டணம், ஜிஎஸ்டி மற்றும் பிற கட்டணங்கள் இருக்கக்கூடும். கடன் விருப்பங்களைக் கருத்தில் கொள்ளும்போது, இந்தச் செலவுகளைக் காரணியாகக் கொண்டு, குறைந்த கட்டணத்தில் கடனைத் தேர்வுசெய்து, இது தொடர்புடைய அனைத்துக் கட்டணங்களையும் பற்றிய தெளிவான புரிதலை நீங்கள் பெற்றிருப்பதை உறுதிசெய்ய வேண்டும்.
மேலும் படிக்க | காலாவதியான கார்டுக்கு வந்த பில்... SBI கார்டுக்கு ₹2,00,000 அபராதம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
