யானை நெறிஞ்சிலின் அற்புத மூலிகை பலன்கள்

நெருஞ்சில் பழங்கள் சிறுநீரிறக்கிகள், பாலுணர்வு தூண்டல் மற்றும் அழற்சி எதிர்ப்பு பண்புகளை கொண்டிருக்கிறது. முறையாக எடுத்து வந்தால் ஆரோக்கியமாக இருக்கலாம்.

ட்ரிபுலஸ் டெர்ரஸ்டிரிஸ், பொதுவாக அறியப்பட்ட நெருஞ்சில் உலகம் எங்கும் ஆண்டு முழுவதும் காணப்படும் ஒரு மூலிகை ஆகும். பிற தாவரங்கள் உயிர்வாழ முடியாத வறண்ட காலநிலங்களில் கூட இதனால் வளர இயலும். நெருஞ்சில் பழங்கள் டையூரிடிக் (சிறுநீரிறக்கிகள்), பாலுணர்வு தூண்டல் மற்றும் அழற்சி எதிர்ப்பு பண்புகளை வெளிப்படுத்துகின்றன. இந்த மூலிகைகளின் வேர்கள் ஆஸ்துமா, இருமல், இரத்த சோகை, மற்றும் உள் உறுப்புக்களின் அழற்சி ஆகியவற்றிற்கு சிகிச்சை அளிப்பதற்கு பயன்படுத்தப்படுகின்றன. மேலும், இந்த தாவரத்தின் சாம்பல்  முடக்கு வாத சிகிச்சைக்காக பயன்படுத்தப்படலாம்.

இந்த இலைகளில் கால்சியம் கார்பனேட், இரும்பு, புரதம், முதலியன இருக்கிறது, அவை எலும்புகளை வலுப்படுத்த பயனுள்ளதாக இருக்கும். நெருஞ்சில்  தாவர விதைகளில் கொழுப்புகள் மற்றும் புரதங்கள் நிறைந்திருக்கிறது. மேலும் கோக்ஷூரா பழங்கள் ஒலிக் அமிலம், ஸ்டீரியிக் அமிலம் மற்றும் குளுக்கோஸ் ஆகியவற்றுக்கு நல்ல ஆதாரமாக இருக்கின்றன. நெருஞ்சில் தசை வலிமை மற்றும் உடல் அமைப்பை மேம்படுத்த பயன்படுத்தப்படுகிறது. மேலும் இது ஸ்டீராய்டுகளுக்கு ஒரு இயற்கை மாற்றா இருக்க முடியும்.

மனநல கோளாறுகளுக்கு: 

நெருஞ்சிலில் உள்ள சப்பைனின்களின் இருப்பு காரணமாக, மனத் தளர்ச்சி எதிர்ப்பு மற்றும் ஆன்க்ஸியோலிடிக் விளைவுகளை கொண்டுள்ளன, இதனால் இந்த மூலிகையை பதட்டம் மற்றும் மனச்சோர்வு மேலாண்மைக்கு பயன்படுத்தலாம்.

இதயத்திற்கு: 

நெருஞ்சில் ஆண்டிஆக்சிடண்ட்டிகளால் நிறைந்து காணப்படுகிறது, இது கார்டியோ பாதுகாப்பு செயல்களுக்கு பொறுப்பானதாகும். இது இரத்த அழுத்தம் மற்றும் கொலஸ்டிரால் அளவை குறைக்க உதவுகிறது மேலும் இதனால் இந்த மூலிகை அதிரோஸ்கிளிரோஸ் மற்றும் பிற இதய கோளாறுகளை தடுக்க உதவுகிறது.

சிறுநீரகங்களுக்கு: 

நெருஞ்சிலை உட்கொள்வதால், அதன் அதிகப்படியான சிறு நீர் வெளியேற்றும் செயல்களால் உடலில் இருக்கும் அதிகப்படியான தாதுக்களை வெளியேற்றுவதன் மூலம் சிறுநீரக கற்கள் உருவாவது தடுக்கப்படுகிறது. இது சிறுநீரக செயல்பாட்டை மேம்படுத்துவதற்கு உதவுகிறது.

பெண்களுக்காக:

நெருஞ்சில் பல ஆரோக்கிய நலன்களைக் கொண்டிருப்பதால் பெண்களுக்கு பல நன்மைகள் செய்கிறது. இந்த மூலிகையை தினசரி சாப்பிடுவது லிபிடோ மற்றும் பாலியல் ஆசைகளை மேம்படுத்த உதவுகிறது. மேலும் PCOS (பாலிசிஸ்டிக் கருப்பை குறைபாடு) மற்றும் UTIs (சிறுநீர் பாதை நோய்த்தொற்றுகள்) ஆகியவற்றிற்கு எதிராக போராடுகிறது. முகப்பரு, எக்ஸிமா, அரிப்பு மற்றும் தோல் எரிச்சல் போன்ற பல தோல் பிரச்சனைகளுக்கு எதிராக நெருஞ்சில் செயல்படுகிறது. இது முடி மற்றும் தோலை பொறுத்த வயதான அறிகுறிகளை தாமதப்படுத்துகிறது மற்றும் ஒற்றை தலை வலி, மூல நோய் மற்றும் ஃபிஸ்துலாக்களை நிவாரணம் செய்ய பயனுள்ளதாக இருக்கிறது.

PCOS க்கான நெருஞ்சில்

சமீபத்திய ஆண்டுகளில் PCOS அனைத்து வயதினரிடையேயும் குறிப்பாக வயது வந்த இளம் வயது பெண்களினரிடையே மிகவும் பரவலாக உள்ளது. இந்த உடல்நலக் குறைபாடு முகப்பரு, ஒழுங்கற்ற மாதவிடாய் சுழற்சி, எடை அதிகரிப்பு, மனநிலை மாற்றங்கள், முடி உதிர்வு போன்றவற்றை ஏற்படுத்தும். மேலும், PCOS கர்ப்பம் தரிக்கும் செயல்பாடுகளில் குறுக்கீடு செய்வதன் மூலமாக ஒரு பெண்ணின் கருத்தரிப்பை பாதிக்கலாம் மற்றும் கர்ப்ப காலத்தில் சிக்கல்களை எழுப்புகிறது.நெருஞ்சில் கர்பப்பையில் இருக்கும் கட்டிகளின் அளவை குறைக்க உதவுகிறது. இதனால் பி.சி.ஓ.எஸ் நோயால் பாதிக்கப்பட்ட பெண்கள் நெருஞ்சிலால் பயனடைவார்கள் என்று ஆராய்ச்சி கூறுகிறது.

சிறுநீரக கற்களுக்கு 

சிறுநீரக கற்கள் பல காரணங்களால் பல நாடுகளில் அதிகரித்து வரும் ஒரு பிரச்சினை ஆகிவிட்டது. ஒரு ஆய்வில், உலகில் 12% மக்கள் சிறுநீரக கற்களால் பாதிக்கப்படுகின்றனர். மேலும் மீண்டும் சிறுநீரக கற்கள் வரக் கூடிய விகிதம் 50% மற்றும் 80% க்கு இடையில் உள்ளது. நெருஞ்சில் சிறுநீரக கற்களின் உருவாக்கத்தை பல வழிகளில் குறைப்பதாக கண்டறியப்பட்டுள்ளது. இது இரத்தத்தில் கால்சியம் அளவுகளை குறைக்க உதவுகிறது இதனால் உங்கள் சிறுநீரகத்தில் கால்சியம் படிவது தவிர்க்கப்படுகிறது.

பெண்களுக்கு குறைந்த லிபிடோவுக்கு

நெருஞ்சில் பாரம்பரியமாக ஒரு பாலுணர்ச்சி தூண்டி என அறியப்படுகிறது. பெண்களுக்கு லிபிடோவை மேம்படுத்துவதில் நெருஞ்சிலின் விளைவுகளை மதிப்பிடுவதற்கு விரிவான ஆய்வுகள் செய்யப்பட்டுள்ளன. 7.5 மி.கி. நெருஞ்சில் சாற்றின் நுகர்வு 4 வாரங்களுக்குள் பாலியல் செயலிழப்பு கொண்ட பெண்களுக்கு பாலியல் ஆசையை அதிகரித்தது என்று மருத்துவ ஆய்வுகள் நிரூபிக்கின்றன. சமீபத்திய மருத்துவ ஆய்வுகள் நெருஞ்சிலின் வழக்கமான நிர்வாகம் மேனோபாஸ் நிலையில் முன் காலத்தில் மற்றும் மாதவிடாய் நின்ற பின்பு பெண்களுக்கு பாலியல் திருப்தி மற்றும் தூண்டுதலை அதிகரிக்கிறது என்பதைக் காட்டுகிறது. இது இரத்தத்தில் டெஸ்டோஸ்டிரோன் அளவுகளை அதிகரிப்பதே இதற்கு காரணம் ஆகும்.

நெருஞ்சிலின் பக்க விளைவுகள் 

பெரும்பாலான ஆய்வுகள் நெருஞ்சில் நுகர்வு பாதுகாப்பானது மேலும் இது எந்த தீவிர பக்க விளைவுகளையும் ஏற்படுத்தாது என்பதைக் காட்டுகின்றன. நெருஞ்சில் வயிறு கோளறுகளை ஏற்படுத்தலாம், இதனால் ஆண்களுக்கு புரோஸ்டேட் அளவு அதிகரிக்கக்கூடும். உங்கள் தினசரி உணவில் நெருஞ்சிலை  சேர்த்து கொள்வதற்கு முன்பு மருத்துவரின் ஆலோசனையை பெற்றுக் கொள்வது நல்லது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ