முள்ளங்கி சாப்பிடுவதால் ஏற்படும் பக்கவிளைவுகள்: குளிர்காலத்தில் முள்ளங்கியை உட்கொள்வது மிகவும் நன்மை பயக்கும் என்று சுகாதார நிபுணர்கள் கூறுகின்றனர். பலர் இதை சமைத்து சாப்பிட விரும்புகிறார்கள், பலர் இதனை சாலட்டாக சாப்பிட விரும்புகிறார்கள், ஆனால் முள்ளங்கி அனைவருக்கும் நன்மை தரும் என்று கூற முடியாது, அது ஏன் என்று உங்களுக்குத் தெரியுமா? ஏனெனில் சில நோய்களில், இதை சாப்பிடுவது விஷத்திற்கு சமமாக கருதப்படுகிறது.
எனவே, நீங்கள் முள்ளங்கியை சாப்பிட விரும்பினால், முதலில் அதற்கு எந்த நோய்களில் நன்மைக்கு பதிலாக தீங்கு விளைவிக்கும் என்பதை தெரிந்து கொள்ள வேண்டும். அதன்படி நீங்கள் அதிக இரத்த சர்க்கரை, சிறுநீரகம் அல்லது குறைந்த இரத்த அழுத்தம் போன்ற பிரச்சனைகளால் பாதிக்கப்பட்டிருந்தால், முள்ளங்கி சாப்பிடுவதற்கு முன் இந்த கட்டுரையை கட்டாயம் படியுங்கள்.
மேலும் படிக்க | பைல்ஸ் பிரச்சனை இருக்கா? இந்த உணவுகளுக்கு 'நோ' சொல்லிடுங்க
1. வாயு பிரச்சனை உள்ளவர்கள்
உங்களுக்கும் வாயு பிரச்சனை இருந்தால் இரவில் முள்ளங்கி சாப்பிட வேண்டாம், அப்படி செய்தால் வயிற்று பிரச்சனைகள் அதிகரித்து, இரைப்பை அழற்சியால் தூக்கம் கெடுக்கும், மற்றவர்களுக்கும் தொந்தரவு ஏற்படலாம்.
2. உடலில் வலி ஏற்பட்டால்
கை, கால், இடுப்பு, முழங்கால், தோள்பட்டை அல்லது உடலின் வேறு எந்தப் பகுதியிலும் வலி இருந்தால், இரவில் முள்ளங்கியை மறந்து கூட சாப்பிட வேண்டாம். ஏனெனில் முள்ளங்கியை சாப்பிடுவதால் உடலில் வாயு உருவாகி வலியை அதிகரிக்கச் செய்யும்.
3. வயிற்று உப்புசம் போன்ற வயிற்றுப் பிரச்சனை உள்ளவர்கள்
இரவில் முள்ளங்கி சாப்பிடுவதால் வயிறு தொடர்பான பிரச்சனைகள் ஏற்படும், குறிப்பாக வாயு அல்லது புளிச்ச ஏப்பம் போன்ற புகார்கள் இருந்தால், முள்ளங்கியைத் தவிர்ப்பது நல்லது.
4. முடக்கு வாத நோயாளிகள்
மூட்டுவலி பிரச்சனை வயதுக்கு ஏற்ப அதிகரிக்கிறது, அதனால் பாதிக்கப்பட்டவர்கள் இரவில் முள்ளங்கி சாப்பிடக்கூடாது, இல்லையெனில் வலி அதிகரிக்கும்.
5. சிறுநீரக பிரச்சனை
உங்களுக்கு சிறுநீரக பிரச்சனைகள் இருந்தால், முள்ளங்கியில் நிறைய தண்ணீர் இருப்பதால் சாப்பிடுவதை தவிர்க்க வேண்டும். சிறுநீரக பிரச்சனை உள்ளவர்கள் அதிக நீர்ச்சத்து உள்ள உணவுகளை உட்கொள்வது தவிர்க்க வேண்டும். முள்ளங்கியில் பொட்டாசியம் அதிகம் இருப்பதால் சிறுநீரகத்திற்கு இது நல்லதல்ல.
6. தைராய்டு
நீங்கள் தைராய்டு நோயாளியாக இருந்தால் முள்ளங்கி சாப்பிடுவது நல்லதல்ல. முள்ளங்கி உங்கள் ஹார்மோன் சுரப்பை மேலும் குறைக்கிறது. முள்ளங்கியில் தைராய்டு ஹார்மோன் சுரப்பதைத் தடுக்கும் கோய்ட்ரோஜென்ஸ் என்ற கலவை உள்ளது. எனவே தைராய்டு நோயாளிகள் முள்ளங்கி சாப்பிடுவதை தவிர்க்க வேண்டும்.
7. இருமல்
சளி-இருமல் அல்லது மார்பில் சளி இருந்தால், முள்ளங்கி சாப்பிடுவது நோயை மேலும் மோசமாக்கும். முள்ளங்கி குளிர்ச்சி தன்மை கொண்ட ஒரு காய்கறி ஆகும், அதே நேரத்தில், ஆஸ்துமா நோயாளிகளும் இதை சாப்பிடுவதை தவிர்க்க வேண்டும்.
8. ஹைபோடென்ஷன் (குறைந்த இரத்த அழுத்தம்)
முள்ளங்கியை அதிகமாக உட்கொள்வது குறைந்த பிபி பிரச்சனையை அதிகரிக்கிறது, இருப்பினும், அதிக பிபி பிரச்சனை உள்ளவர்களுக்கு இது நன்மை பயக்கும். ஏனெனில் பொட்டாசியம் இரத்த அழுத்தத்தைக் குறைக்க இது வேலை செய்கிறது, ஆனால் குறைந்த இரத்த அழுத்தத்தில் அது இரத்த அழுத்தத்தை மேலும் குறைக்கிறது. எனவே இது மயக்கம் அல்லது கோமாவுக்கு வழிவகுக்கும்.
9. அதிக இரும்புச்சத்து உள்ளவர்கள்
உங்கள் உடலில் போதுமான இரும்புச்சத்து இருந்தால், முள்ளங்கியை அதிகமாக உட்கொண்டால் அது உங்கள் உடலுக்கு தீங்கு விளைவிக்கும். உடலில் அதிகப்படியான இரும்புச்சத்து, வயிற்று வலி, வயிற்றுப்போக்கு, வாந்தி, தலைச்சுற்றல், இரத்தச் சர்க்கரைக் குறைவு, கல்லீரல் பாதிப்பு, உள் இரத்தப்போக்கு போன்ற பல வகையான பாதிப்புகளின் அபாயத்தை அதிகரிக்கிறது.
10. நீரிழப்பு
முள்ளங்கியை அதிகமாக சாப்பிட்டால், அது நீரழிவை உண்டாக்கும். உண்மையில், முள்ளங்கி சாப்பிடுவதால் அடிக்கடி சிறுநீர் கழிக்கும். இதன் காரணமாக, உடலில் இருந்து நிறைய தண்ணீர் வெளியேறுகிறது, இதனால் நீரிழப்பு பிரச்சனை ஏற்படலாம். எனவே முள்ளங்கியை குறைந்த அளவிலேயே உட்கொள்ளுங்கள்.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக மருத்துவ ஆலோசனையைப் பெறுங்கள். ஜீ மீடியா இந்த தகவல்களுக்கு பொறுப்பேற்காது.)
மேலும் படிக்க | மூலநோய் உள்ளவர்கள் பால் அருந்தலாமா? மருத்துவர்கள் கூறுவது என்ன?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
