புது டெல்லி: இந்தியாவிற்கும் பாகிஸ்தானுக்கும் இடையிலான பதட்டங்களைக் குறைக்க அமெரிக்க அதிபர் டொனால்ட் டிரம்பின் உதவுவதாக கூறிய நிலையில், காஷ்மீர் பிரச்சினையில் எந்தவொரு மூன்றாம் தரப்பு பங்களிப்புக்கு வாய்ப்பில்லை என்பதை இந்தியா மீண்டும் திட்டவட்டமாக கூறியுள்ளது. டாவோஸில் நடந்த உலக பொருளாதார மன்ற மாநாட்டின் ஒரு பக்கமாக, பாகிஸ்தான் பிரதமர் இம்ரான் கான் காஷ்மீர் பிரச்சினையை டிரம்புடனான சந்திப்பில் எழுப்பினார் என்பது குறிப்பிடத்தக்கது. இந்தியாவுக்கும் பாகிஸ்தானுக்கும் இடையிலான முன்னேற்றங்களை உன்னிப்பாகக் கண்காணித்து வருவதாகவும், காஷ்மீர் பிரச்சனையில் உதவ முன்வருவதாகக் அமெரிக்கா அதிபர் டொனால்ட் டிரம்ப் கூறினார்.
இந்தியாவின் நிலைப்பாட்தில் மாற்றம் இல்லை:
காஷ்மீர் பிரச்சினை புதுடெல்லிக்கும் இஸ்லாமாபாத்துக்கும் இடையிலான இருதரப்பு பிரச்சினை என்றும், எந்தவொரு மூன்றாம் தரப்பினரின் தலையீடு அல்லது அந்த பிரச்சனையை பற்றி விவாதிக்கவும் தேவையில்லை என்று இந்தியா தெளிவாக விளக்கியுள்ளது.
கடந்த ஐந்து மாதங்களில் காஷ்மீர் பிரச்சினையை தீர்க்க இரு நாடுகளுக்கும் உதவும் டிரம்ப் அளித்த நான்காவது சலுகை இதுவாகும். காஷ்மீரில் எந்தவொரு மூன்றாம் தரப்பினருக்கும் எந்தப் பங்கும் இல்லை என்ற தெளிவான மற்றும் நிலையான நிலைப்பாட்டை இந்தியா கொண்டுள்ளது என்று மத்திய அரசாங்க வட்டாரங்கள் தெரிவித்தன. அடுத்த மாதம் இந்தியாவுக்கு அதிபர் டொனால்ட் டிரம்ப் வருகைத் தர உள்ள நிலையில், இந்த வாய்ப்பை வழங்கியுள்ளார்.
காஷ்மீர் குறித்து இம்ரானின் ராகம்:
இந்த கூட்டத்தில் ட்ரம்பை மீண்டும் சந்தித்த இம்ரான், "பாகிஸ்தான் - இந்தியா தகராறு எங்களுக்கு ஒரு பெரிய பிரச்சினை, பதற்றத்தை குறைப்பதில் அமெரிக்கா தனது பங்கை வகிக்கும் என்று நாங்கள் எதிர்பார்க்கிறோம். ஏனென்றால் வேறு எந்த நாடும் இதைச் செய்ய முடியாது" எனக் கூறினார்.
இம்ரான் கானுக்கு பதில் அளித்த ட்ரம்ப்:
இதற்கு டிரம்ப், "இந்தியாவுக்கும் பாகிஸ்தானுக்கும் இடையில் என்ன நடக்கிறது என்பதை நாங்கள் அதை உன்னிப்பாக கவனித்துள்ளோம். உங்களுக்கு உதவ முடிந்தால், நாங்கள் நிச்சயமாக விரும்புகிறோம்" என்று கூறினார்.
பிரிவு 370 நீக்கம்:
ஆகஸ்ட் 5, 2019 அன்று, ஜம்மு-காஷ்மீருக்கு சிறப்பு அந்தஸ்து வழங்கும் 370 வது பிரிவின் விதிகளை இந்திய அரசு ரத்து செய்து, ஜம்மு காஷ்மீர் மற்றும் லாடக் என இரண்டு யூனியன் பிரதேசங்களாக பிரித்தது. அப்போதிருந்து, இரு நாடுகளுக்கும் இடையே ஏற்கனவே நிலவும் பதட்டங்கள் மேலும் அதிகரித்துள்ளன.
உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.
