நியூடெல்லி: மணிப்பூரில் இருந்து புதிய வன்முறைச் சம்பவங்கள் வெளிவரும் நிலையில், கலவரத்தைத் தூண்டுவதில் வெளிநாட்டு சதிகள் இருப்பது தொடர்பான சாத்தியமான ஈடுபாட்டை முன்னாள் இந்திய ராணுவத் தளபதி ஜெனரல் எம்.எம்.நரவனே, வெளிச்சம் போட்டுக் காட்டியுள்ளார். ‘சீனா இந்த விவகாரத்தில் குளிர்காய்கிறது என்றும், வன்முறைகளுக்கு தூண்டுகிறது என்ற கோணத்தையும் நிராகரிக்க முடியாது’ என்று மணிப்பூர் வன்முறை குறித்து எஃப்எம்ஆர் ராணுவ தளபதி நரவனே எச்சரிக்கை விடுத்துள்ளார்.
"பல்வேறு கிளர்ச்சி குழுக்களுக்கு சீனா உதவி செய்கிறது" என்பது பற்றி கருத்து தெரிவித்த ஜெனரல் நரவனே, வெளிநாட்டு ஏஜென்சிகளின் ஈடுபாட்டை நிராகரிக்க முடியாது என்று கூறினார். "வெளிநாட்டு ஏஜென்சிகளின் ஈடுபாட்டை நிராகரிக்க முடியாது, அவை நிச்சயமாக உள்ளன என்று நான் கூறுவேன், குறிப்பாக பல்வேறு கிளர்ச்சி குழுக்களுக்கு சீன உதவி" என்று இந்திய ஊடகங்கள் சொல்வது சரியாக இருப்பதாக அவர் கருதுகிறார்.
இந்தியாவின் வடகிழக்கில் ஸ்திரமின்மை ஏற்பட்டால், சில சக்திகள் பெரிய அளவில் ஆதாயமடைகின்றன என்றும் அவர் கூறினார். "எல்லா முயற்சிகளையும் மீறி வன்முறைகள் தொடர்வதற்கு வெளிநாட்டு சக்திகளும் ஒரு காரணமாக இருக்கலாம், அதை வீழ்த்துவதற்கு மாநில மற்றும் மத்திய அரசுகளால் நிச்சயமாக முடியும் என நான் உறுதியாக நம்புகிறேன்" என்று அவர் தெரிவித்தார்.
எதிர்க்கட்சி எம்.பி.க்கள் மணிப்பூரில் ஆய்வு
இந்திய கூட்டணி என்று அழைக்கப்படும் எதிர்க்கட்சி எம்.பி.க்கள் குழு சனிக்கிழமை (ஜூலை 29) மதியம் மணிப்பூருக்கு சென்றடைவார்கள். 20 பேர் கொண்ட தூதுக்குழு மாநிலத்தின் பாதிக்கப்பட்ட பகுதிகளுக்குச் சென்று ஆய்வு செய்த பின்னர் மாநில ஆளுநரைச் சந்திக்கும். அவர்கள் சில உயர்மட்ட சமூக தலைவர்களை சந்தித்து மணிப்பூரில் உள்ள நிவாரண முகாம்களையும் பார்வையிடுவார்கள். எதிர்க்கட்சி எம்.பி.க்களின் வருகைக்கு பாரதிய ஜனதா கட்சி தலைமையிலான மாநில நிர்வாகத்திடம் இருந்து ஏற்கனவே அனுமதி கிடைத்துள்ளது.
இந்தக் குழுவினர் தங்கள் அவதானிப்புகள் பற்றி நாடாளுமன்றத்தில் விவாதிப்பார்கள் என காங்கிரஸ் எம்பி நசீர் ஹுசைன் தெரிவித்தார். ஒருவேளை, நாடாளுமன்றத்தில் விவாதத்திற்கு அனுமதி வழங்கப்படாவிட்டால், செய்தியாளர்களை சந்தித்து, மணிப்பூர் நிலவரம் குறித்த தங்கள் நேரடியான கள ஆய்வை மக்களுக்கு தெரிவிப்போம் என்று அவர் தெரிவித்தார்.
பிரதமர் நரேந்திர மோடியை கடுமையாக சாடிய காங்கிரஸ் எம்பி நசீர் ஹுசைன், மணிப்பூரில் மோசமாகிக் கொண்டிருக்கும் வன்முறை, பெண்கள் கற்பழிப்பு மற்றும் "இனச் சுத்திகரிப்பு" ஆகியவற்றைக் கண்டுகொள்ள பிரதமருக்கு "நேரம் இல்லை" என்று அதிருப்தி தெரிவித்தார்.
மேலும் படிக்க | மணிப்பூரில் சுதந்திர போராட்ட வீரரின் மனைவி உயிரோடு எரிப்பு - வலுக்கும் கண்டனங்கள்
பாஜகவுக்கு எச்சரிக்கை
மணிப்பூரில் ஆளும் பாஜக, மாநிலத்தில் நிலைமையை "மோசமாக்குவதாக" எதிர்க்கட்சி எம்.பி.கள் தெரிவித்தனர். அதே நேரத்தில் நடிகரும் பி.ஜே.பி எம்.பி.யான ரவி கிஷன், எதிர்கட்சி எம்.பிக்கள், 'தேவை உள்ள பாகிஸ்தான் மற்றும் சீனாவிற்கும்' செல்ல வேண்டும் என்று பதிலடி கொடுத்தார்.
முன்னாள் மத்திய அமைச்சர் ரவிசங்கர் பிரசாத், நாடாளுமன்ற உறுப்பினர்கள் நாடாளுமன்றத்தில் பதற்றத்தை ஏற்படுத்தி, விவாதத்தில் இருந்து ‘ஓடிப்போய்விட்டதாக’ எதிர் தரப்பினர் மீது குற்றம்சாட்டினால், "அவர்கள் இந்த பிரச்சனையை பாராளுமன்றத்தில் விவாதிப்பதில் இருந்து தப்பி ஓடுகிறார்கள் மற்றும் சூழ்நிலையிலிருந்து மைலேஜ் எடுக்க முயற்சிக்கிறார்கள்" என்று பாஜக தலைவர் ராம் கிரிபால் யாதவ் கூறினார்.
மணிப்பூரில் பற்றி எரியும் வன்முறை சம்பவங்கள் தொடர்பாக வாத விவாதங்கள் தொடர்ந்துக் கொண்டே இருக்கின்றன. இன்று மணிப்பூரில் எதிர்கட்சி எம்.பிக்கள் சென்று நேரில் கள ஆய்வு செய்த பிறகு, வெளியாகும் செய்திகள் முக்கியத்துவம் பெறும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
