Calcium deficiency symptoms Tamil | எந்தவொரு ஆரோக்கிய பிரச்சனை வருவதற்கு முன்பு ஒருசில அறிகுறிகள் நம் உடம்பில் தென்படும். அந்தவகையில் கால்சியம் குறைபாடு ஏற்படும்போது கை, கால்களில் திடீர் கூச்சம், உணவு விழுங்குவதில் சிரமம் ஆகியவற்றை எதிர்கொள்வீர்கள். இதுமட்டும் அல்ல மனநிலை மாற்றங்கள் மற்றும் பதட்டம் ஆகிய குறைபாடுகளும் தென்படும் என்பதால் முன்னெச்சரிக்கையாக இருக்கவும். கால்சியம் குறைபாடு நேரடியாக எலும்பு, நரம்பு ஆரோக்கியத்தையும் பாதிக்கும். அதனால் கால்சியம் குறைபாடு ஏற்படும்போது தென்படும் முக்கியமான 6 அறிகுறிகளும், அவற்றுக்கான தீர்வையும் இங்கே பார்க்கலாம்.
விரல்களில் திடீர் கூச்சம்
கால்சியம் குறைபாடு இருந்தால் கை, கால் விரல்களில் திடீர் கூச்சம் ஏற்படும். இது ஆரம்ப அறிகுகள்தான். இதனை பரேஸ்டீசியா என மருத்துவ துறையில் அழைப்பார்கள். ஏன் கை, கால்களில் கூச்சம் ஏற்படுகிறது என்றால், கால்சியம் எலும்பு, நரம்பு ஆரோக்கியத்துக்கு இன்றியமையாத தேவை. அவை குறைபாடு ஏற்படும்போது கூச்ச உணர்வு, உணர்வின்மை அல்லது தோலில் ஏதோ ஊர்வது போன்ற உணர்வெல்லாம் உங்களுக்கு ஏற்படும்.
மேலும் படிக்க | வெறும் வயிற்றில் டீ குடிக்கவே கூடாது! ஏன் தெரியுமா?
திடீர் சோர்வு
கால்சியம் குறைபாடு ஏற்பட்டால் உடலில் திடீர் சோர்வு அதீதமாக இருக்கும். வழக்கத்துக்கு மாறாக சோர்வு இருந்தால் நிச்சயம் கால்சியம் குறைபாடாக இருக்க வாய்ப்புள்ளது. ஏனென்றால் கால்சியம் குறையும்போது ஆற்றல் உற்பத்தி உண்டாகும். இந்த இழப்பை ஈடுசெய்ய செல்கள் கடினமாக உழைக்க வேண்டியிருக்கும். இதுவே மந்தமான ஆற்றலுக்கு வித்திட்டு நீங்கள் சோர்வாக இருப்பதை உணர்வீர்கள். எப்போது பார்த்தாலும் ஓய்வாக இருக்க வேண்டும் என நினைப்பீர்கள்.
உணவு விழுங்குவதில் சிரமம்
கால்சியம் குறைபாடு ஏற்படும்போது தொண்டையில் இறுக்கம் உண்டாகும். இந்த உணர்வு கால்சியம் குறைபாட்டுக்கான முக்கிய அறிகுறி. உணவு விழுங்குவதிலும் சிக்கலை சந்திப்பீர்கள். கால்சியம் குறைபாடு ஏற்படும்போது உணவுக் குழாய் தசைகள் சுருக்கம் ஏற்பட்டு இப்படியான உணர்வை எதிர்கொள்வீர்கள். இதனை டிஸ்ஃபேஜியா என மருத்துவ ரீதியாக சொல்வார்கள். இது செரிமானத்தையும் சீர்குலைத்து ஊட்டச்சத்து உறிஞ்சுவதையும் பாதிக்கும்.
பல் பிரச்சினைகள்
நமது பற்களில் கால்சியம் அதிகம் உள்ளது, மேலும் நீங்கள் ஒரு நல்ல வாய்வழி சுகாதாரத்தை கடைபிடித்தாலும், எதிர்பாராத பல் பிரச்சனைகளை எதிர்கொண்டால் அது கால்சியம் குறைபாடாக இருக்கலாம். திடீர் பல் கூச்சம், ஈறு பிரச்சினைகள் போன்ற அறிகுறிகள் குறைந்த கால்சியம் அளவைக் குறிக்கலாம். ஏனெனில் இரத்த ஓட்டும் சீராக இல்லாதபோது அல்லது மிகக் குறைவாக இருந்தால் உடல் பற்களில் இருந்து கால்சியத்தை எடுக்கத் தொடங்கும்.
பதட்டம்
இது ஆச்சரியமாக இருக்கலாம், ஆனால் கால்சியம் குறைபாடு மன ஆரோக்கியத்தையும் பாதிக்கும். நரம்பு செயல்பாட்டிற்கு கால்சியம் அவசியம். மேலும் மனநிலை மாற்றங்கள், எரிச்சல் அல்லது பதட்டம் ஆகியவற்றிற்கு வித்திடலாம். கால்சியம் மற்றும் மனநிலைக்கு இடையே நெருங்கிய தொடர்பு இருக்கிறது. ஏனெனில் கால்சியம் குறைபாடு மகிழ்ச்சி ஹார்மோன்களையும் பாதிக்கிறது. இதனால் இப்பிரச்சனை உண்டாகிறது.
தோல் பிரச்சனைகள்
வறண்ட தோல், அரிப்பு அல்லது தோல் செதில்கள் குறைந்த கால்சியம் அளவைக் குறிக்கலாம். கால்சியம் தோல் செல் மீளுருவாக்கம் மற்றும் ஈரப்பதத்தை தக்கவைக்க ஒரு பாதுகாப்பு தடையை உருவாக்க உதவுகிறது. ஆனால் கால்சியம் குறைபாடு ஏற்படும்போது அரிக்கும் தோலழற்சியை உண்டாக்குகிறது. குறிப்பாக முழங்கைகள் மற்றும் முழங்கால்கள் போன்ற பகுதிகளில் வறண்ட, எரிச்சலூட்டும் சருமத்திற்கு வழிவகுக்கும்.
கால்சியம் அளவை மேம்படுத்த நாம் என்ன செய்யலாம்?
இந்த அறிகுறிகளில் ஏதேனும் ஒன்றை நீங்கள் சந்தித்தால், உடனடியாக மருத்துவரை சந்தித்து உங்கள் கால்சியம் அளவைப் பரிசோதித்துக்கொள்வது நல்லது. கால்சியம் குறைபாட்டை நிவர்த்தி செய்ய, நீங்கள் சில உணவு மற்றும் வாழ்க்கை முறை மாற்றங்களை செய்யலாம். பால் பொருட்கள், இலை பச்சை காய்கறிகள் கோஸ் மற்றும் கீரை போன்றவை, பாதாம், ஆரஞ்சு ஜூஸ் ஆகியவற்றை குடிக்கலாம்.
உணவு மாற்றங்கள் போதுமானதாக இல்லை என்றால், கால்சியம் சப்ளிமெண்ட் எடுத்துக் கொள்ளலாம். இருப்பினும், சரியான அளவை உறுதி செய்ய ஏதேனும் சப்ளிமெண்ட்களைத் சாப்பிடுவதற்கு முன்பு மருத்துவர் ஆலோசனை கட்டாயம் தேவை. வைட்டமின் டி உங்கள் உடல் கால்சியத்தை மிகவும் திறம்பட உறிஞ்சுவதற்கு உதவுகிறது. போதுமான சூரிய ஒளி, வைட்டமின் D நிறைந்த உணவுகள் கொழுப்பு மீன் மற்றும் பால் போன்றவற்றை சாப்பிடுங்கள்.
மேலும் படிக்க | செலவில்லாமல் கொசுக்களை விரட்டி அடிக்க... இந்த செடிகளை உங்கள் வீட்டில் நட்டு வைங்க...
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
