நடிகர்களாக இருந்து தயாரிப்பாளராக மாறிய பிரபல நடிகர்கள்!

தமிழ் சினிமாவில் பிரபலமான நடிகர்களாக இருந்து வரும் நடிகர் சூர்யா முதல் தனுஷ் வரை குறிப்பிடத்தக்க சில நடிகர்கள் தயாரிப்பாளர்களாகவும் இருந்து வருகின்றனர்.

பொதுவாக திரையுலகம் நடிகர், நடிகைகளுக்கு மட்டும் வாய்ப்பு கொடுப்பதில்லை, பல இயக்குனர்கள், தயாரிப்பாளர்கள், இசையமைப்பாளர்கள், எழுத்தாளர்கள், பின்னணி பாடகர்கள் என பலருக்கும் சினிமா வாய்ப்பு கொடுத்துள்ளது.  நடிகர், நடிகைகள் பலரும் நடிப்பு பணி மட்டுமல்லாது படத்தை இயக்குவது, தயாரிப்பது, விநியோகிப்பது என பல வேலைகளை செய்து வருகின்றனர்.  அந்த வகையில் இப்போது தமிழ் சினிமாவின் பிரபலமான கதாநாயகர்களாக இருந்தவர்களில் யாரெல்லாம் தயாரிப்பளர்களாக அவதாரமெடுத்து இருக்கிறார்கள் என்பதை பற்றி பார்ப்போம்.

சூர்யா:

தமிழ் சினிமாவின் முன்னணி கதாநாயகர்களில் ஒருவரான நடிகர் சூர்யா 2015-ல் தனது தயாரிப்பு நிறுவனத்தைத் தொடங்கினார்.  முதலில் அவரது மனைவி ஜோதிகா மற்றும் அவரது சகோதரர் கார்த்தி நடித்த படங்களைத் தயாரிக்க தொடங்கினார்.  அதன் பின்னர் அவர் 'உறியடி 2', 'ஓ மை டாக்' போன்ற படங்களைத் தயாரிக்க தொடங்கி, இதுவரை 15 படங்களை தயாரித்துள்ளார்.

விஷால்:

விஷால் 2013-ம் ஆண்டில் தனது சொந்த தயாரிப்பு மற்றும் விநியோக நிறுவனத்தைத் தொடங்கினார்.  இதுவரை நடிகர் விஷால் 10 படங்களைத் தயாரித்துள்ளார், மேலும் இவர் தான் நடித்துள்ள சில படங்களையும் தயாரித்துள்ளார்.  இதுத விர இவருக்கு தனியாக சொந்த இசை தயாரிப்பு நிறுவனமும் உள்ளது.

கமல்ஹாசன்:

உலகநாயகன் என புகழப்படும் நடிகர் கமல்ஹாசன் தனது தயாரிப்பு நிறுவனத்தை 1981ம் ஆண்டில் தொடங்கினார்.  இவர் தயாரிப்பில் முதலில் வெளியான படம் 'ராஜ பார்வை'.  இவர் தமிழ், மொழிபடங்கள் மட்டுமல்லாது ஹிந்தி மற்றும் தெலுங்கு மொழிகளில் என மொத்தமாக 31 படங்களைத் தயாரித்துள்ளார்.  தற்போது சிவகார்த்திகேயன், சாய் பல்லவி நடிக்கும் 'எஸ்கே 22' படத்தையும், சிம்பு நடிக்கும் 'எஸ்டிஆர் 48' படத்தையும் தயாரிக்கிறார்.

தனுஷ்:

நடிகர் தனுஷ் தனது முன்னாள் மனைவி ஐஸ்வர்யா ரஜினிகாந்துடன் இணைந்து தனது தயாரிப்பு நிறுவனத்தை 2010ம் ஆண்டில் தொடங்கினார்.  இவர் தமிழில் 19 படங்கள் வரை தயாரித்துள்ளார், இவரது தயாரிப்பில் வெளியான படங்களில் 'வட சென்னை', 'விசாரணை', 'காக்கா முட்டை' ஆகியவை மிகவும் பிரபலமானவை.  இவரது தயாரிப்பில் கடைசியாக 2018ம் ஆண்டு ஒரு படம் வெளியானது, அதன்பிறகு இன்னும் இவர் தயாரிப்பில் படங்கள் வெளியாகவில்லை.

விஜய் சேதுபதி:

விஜய் சேதுபதி 2014ம் ஆண்டில் தனது தயாரிப்பு நிறுவனத்தை தொடங்கினார், இதுவரை இவர் தமிழில் 8 படங்களை தயாரித்துள்ளார்.  இவரது தயாரிப்பு நிறுவனமும், விநியோக நிறுவனமும் ஒன்றுதான் என்பது குறிப்பிடத்தக்கது.  விஜய் சேதுபதி சொந்தமாக பேனர் வைத்திருந்தாலும், இதுவரை அவர் 3 படங்களை மட்டுமே தயாரித்துள்ளார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ