சினிமா செய்திகள்: சூப்பர் ஸ்டார் ரஜினி (Rajinikanth) படம் வெளியானாலே அன்றைக்கு திரையரங்கமே திருவிழா கோலம் பூணும். அப்படி ஒரு மாஸ் ஓப்பனிங் ரஜினி படத்திற்கு உண்டு. வசூலிலும் அவர் முந்தைய படம் செய்ததை மீண்டும் அவரின் படமே வெளியாகி அந்த சாதனையை முறியடிக்கும்.
இப்போது அது முற்றிலும் மாறியிருக்கிறது. இன்றைய தேதிக்கு "விஜய்யின் படங்கள் தான் பாக்ஸ் ஆபிஸ் ஹிட் அடிக்கின்றன. திரையரங்க உரிமையாளர்களும் விநியோகஸ்தர்களும் விஜய் (Vijay Movie) படம் என்றாலே போட்ட பணத்தை திரும்ப எடுத்துவிடலாம் என்று உறுதியாக நம்புகின்றனர்.
இப்படி விஜய் படம் என்றாலே ஏகப்பட்ட எதிர்பார்ப்பும், அவர் படத்தின் பர்ஸ்ட் லுக் தொடங்கி ட்ரெய்லர் வரை அன்றைக்கு தலைப்புச் செய்தியே இவருடைய படம் தான் சமூக வலைதளங்களில் இடம்பெறும்.
தற்போது நடிகர் விஜய் நெல்சன் திலீப் குமார் இயக்கத்தில் "பீஸ்ட் (BEAST) திரைப்படத்தில் நடித்து வருகிறார். கதாநாயகியாக பூஜாகுமார் நடிக்கவிருக்கிறார். படத்திற்கு அனிருத் இசையமைக்கவுள்ளார். சமீபத்தில் படத்தின் பர்ஸ்ட் லுக் வெளியாகி ரசிகர்களிடையே நல்ல வரவேற்பினைப் பெற்றது.
ALSO READ | இணையத்தை கலக்கும் தல-தளபதி சந்திப்பு: ரசிகர்களின் வேற லெவல் ரியாக்ஷன்!!
இந்த படத்திற்கு பிறகு அடுத்து நடிகர் விஜய் யாருடன் இணைவார் என்ற எதிர்பார்ப்பு எழுந்த நிலையில் "தோழா" படத்தின் இயக்குனர் வம்சியின் படத்தில் நடிக்கவுள்ளார் என்ற தகவல் வெளியாகியுள்ளது. தமிழ் மற்றும் தெலுங்கு என இரு மொழிகளில் படம் வெளிவரும் என்று எதிர்பார்க்கப்படுகிறது.
மாஸ்டர் படத்திற்காக ரூ.75கோடி ரூபாய் சம்பளம் பெற்ற நடிகர் விஜய் தற்போது இப்படத்திற்காக தனது சம்பளத்தை ரூ.120கோடி ரூபாயாக உயர்த்தியிருக்கிறார். தர்பார் படத்திற்காக நடிகர் ரஜினிகாந்த் ரூ.108கோடி சம்பளம் பெற்றிருந்தது குறிப்பிடத்தக்கது. இதன் மூலம் தமிழ் சினிமாவில் சூப்பர்ஸ்டார் ரஜினியை விட அதிக சம்பளம் வாங்கும் நடிகராக தளபதி விஜய் முந்துகிறார்!
ALSO READ | Super Star பற்றிய சூப்பர் செய்தி: இந்த இயக்குனருடன் மீண்டும் கரம் கோர்க்கிறாரா ரஜினி?
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
