உலகிலேயே தென் துருவத்தில் இருக்கும் அண்டார்டிக்கா தவிர அனைத்து கண்டங்களிலும் இருக்கும் உயிரினங்களில் ஒன்று பாம்புகள். இதுவரை உலகெங்கும் 3000க்கும் மேற்பட்ட பாம்புகள் அடையாளம் காணப்பட்டுள்ளன. உலகெங்கும் காணப்படும் பாம்புகளில் பல வகைகள் உள்ளன. விஷம் இருக்கும் பாம்புகள், விஷமற்ற பாம்புகள், தண்ணீர் பாம்பு, மலைப்பாம்பு என்று பல விதமான பாம்புகள் உலகெங்கும் இருக்கின்றனர்.
நடுங்க வைக்கும் பாம்பு
பாம்பு என்றால் படையே நடுங்கும் என்ற பேச்சு உள்ளது. அந்தளவுக்குக் கம்பீரம் நிறைந்ததாகவும் அச்சுறுத்துவதாகவுமே பாம்புகள் இருந்து வருகிறது. நாகப்பாம்புகள் அதிக விஷம் கொண்டதாகப் பார்க்கப்படுகிறது. அதிலும் நாகப்பாம்புகள் வகைகளில் கடுமையான விஷம் கொண்டது ராஜநாக வகையாகும் இதனை ஆங்கிலத்தில் "கிங் கோப்ரா" என்று அழைக்கப்படுகிறது. ராஜநாகம் கொத்த வேண்டாம் சும்மா நம்மைப் பார்த்துச் சீறினாலேயே யாராக இருந்தாளும் மிரண்டுவிடுவார்கள்.
மேலும் படிக்க | ஜாலியா ஊரைச் சுத்திப் பார்க்கும் வால் பையன்! ரவுண்ட்ஸ் போகும் கோழி
மீராட்டலான ராஜநாகம்
அந்தளவுக்கு மிரட்டலான தன்மை கொண்டதே ராஜநாகம். இந்த ராஜநாகம் பெரும்பாலும் மனிதர்களைத் தவிர்த்தே செல்லும். அப்படியே மனிதர்களின் அச்சுறுத்தலால் தற்காத்துக் கொள்ளக் கொத்தினாலும் விஷத்தைக் கக்காது. இருந்தாலும் ராஜநாகம் கொத்திவிட்டதே என்ற அச்சத்தில் உயிரிழப்புகள் ஏற்பட்ட சம்பவங்களும் உள்ளன. அந்தளவுக்கு மிரட்டும் தன்மை கொண்டது தான் ராஜநாகம். பொதுவா இவை அதிகம் மழை பெய்யும் இடங்கள், அடர்ந்த புதர்செடிகளைக் கொண்ட காடுகள், சதுப்புநிலங்களில் அதிகம் இருக்கும். இந்தியாவிலும் பல காட்டுப் பகுதிகளில் நம்மால் ராஜநாகத்தைப் பார்க்க முடியும். உலகத்திலேயே மிகவும் நீளமான விஷப்பாம்பும் இதுதான். மூன்று அடியிலிருந்து சுமார் 15 அடிக்கும் மேல் வளரக்கூடியது.
இணையத்தின் ஹீரோ பாம்புகள்
பொதுவாக பாம்புகள் இணையத்தின் ராஜாவாக செயல்பட்டு வருகிறது. ஏனெனில் பாம்பு வீடியோக்கள் மீது இணையவாசிகளுக்கு எப்போதுமே ஒரு தனி கிரேஸ் இருந்து வருகின்றது. மனிதர்களை அதிக அளவில் கவர்ந்த உயிரினங்களில் பாம்புகளுக்கு மிகமுக்கிய இடம் உள்ளது. அவை உலகின் மிக அஞ்சப்படும் உயிரினங்களில் ஒன்றாக இருந்தாலும், மக்களிடையே தனி இடத்தை பிடித்துள்ளது. மேலும் சில மரபுகளில், அவை தெய்வங்களாகவும் வணங்கப்படுகின்றன. இவற்றை பற்றிய பல கதைகள் மற்றும் நாட்டுப்புறக் கதைகளும் உள்ளன. இதனாலே பாம்புகள் பற்றி அறிய நாம் இன்னும் ஆர்வமாக காட்டுகிறோம். இந்நிலையில் பாம்புகளின் பல வீடியோக்கள் சமூக ஊடகங்களில் பகிறப்பட்டு வரும் நிலையில் தற்போது ஒரு வீடியோ வெகுவாக வைரலாகி வருகின்றது.
ஆற்றில் நிற்கும் ராஜநாகம்
இந்த வீடியோவில் பெரிய ராஜநாகம் ஒன்று தனது உடலில் பெரும்பகுதியை மேலே தூக்கி நிற்பது பதிவாகியுள்ளது. இந்த அரச ராஜநாக பாம்பின் வீடியோ ஒன்று வெளியாகியுள்ளது, அதில் அந்த பாம்பு ஆற்றில் நின்று அற்புதமான ஸ்டண்ட்களைக் காட்டியது. இதைப் பார்த்த அப்பகுதி மக்கள் உடனடியாக இந்த காட்சியை வீடியோவாக எடுத்தனர்.
வீடியோ இங்கே காணுங்கள்:
இந்த வீடியோவை இதுவரை பல லட்சம் பேர் பார்த்துள்ளனர். இந்த வீடியோவை பார்த்து மிரளும் நெட்டிசன்கள் பல வித கருத்துகளைத் தெரிவித்து வருகின்றனர்.
(பொறுப்புத் துறப்பு: இந்த பதிவில் பகிரப்பட்டுள்ள வீடியோவும், கொடுக்கப்பட்டுள்ள தகவல்களும் சமூக ஊடகங்களிலிருந்து எடுக்கப்பட்டவை. இவற்றை ஜீ தமிழ் நியூஸ் எந்த விதத்திலும் பரிந்துரைக்கவில்லை.)
மேலும் படிக்க | நீ பாம்போ பல்லியோ எங்கிட்ட வம்பு வச்சுக்காத! பாம்பை பதம் பார்த்த பூரான் வீடியோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
