புது டெல்லி: கடந்த வாரம் தொடக்கத்தில் கோவிட் -19 தொற்று நோய்க்கு சாதகமாக சோதனை செய்த சென்னை சூப்பர் கிங்ஸ் (Chennai Super Kings) குழுவின் 13 உறுப்பினர்களும் சமீபத்திய சோதனைகளில் கொரோனா நெகடிவ் (COVID-19 Negative) என வந்துள்ளதாக ஐபிஎல் அணியின் தலைமை நிர்வாக அதிகாரி கே எஸ் விஸ்வநாதன் செவ்வாய்க்கிழமை பி.டி.ஐ. செய்தி ஊடகத்திடம் தெரிவித்துள்ளார்.
கோவிட் -19 தொற்று உறுதி செய்யப்பட்ட 13 பேரில் இந்தியாவின் சீமர் தீபக் சாஹர் மற்றும் ஒரு பேட்ஸ்மேன் ருதுராஜ் கெய்க்வாட் ஆகியோர் 14 நாள் தனிமைப்படுத்தலில் உள்ளனர்.
"தற்போது, அனைத்து 13 உறுப்பினர்களும் COVID-19 க்கு எதிர்மறையை சோதித்துள்ளனர். அவர்கள் செப்டம்பர் 3, வியாழக்கிழமை அன்று மற்றொரு சோதனைக்கு உட்படுத்த வேண்டியிருக்கும். அதன் பிறகு செப்டம்பர் 4, வெள்ளிக்கிழமை அன்று அணியின் வீரர்களுக்கு பயிற்சி தொடங்குவோம்" என்று துபாயில் இருந்து விஸ்வநாதன் கூறினார்.
ALSO READ | ஐபிஎல் விளையாட UAE சென்ற CSK அணியில் பந்து வீச்சாளர் உட்பட பலருக்கு கொரோனா தொற்று
"தீபக் மற்றும் ருதுராஜ் தங்களது 14 நாள் தனிமைப்படுத்தலை முடித்துவிட்டு, பின்னர் நெறிமுறையின்படி இரண்டு எதிர்மறை சோதனைகளுக்குப் பிறகு பயிற்சியில் சேருவார்கள்" என்று அவர் மேலும் கூறினார். ஐபிஎல் 2020 தொடர் செப்டம்பர் 19 ஆம் தேதி முதல் தொடங்குகிறது.
முன்னதாக இந்தியா வேகப்பந்து வீச்சாளர் உட்பட சென்னை சூப்பர் கிங்ஸ் (Chennai Super Kings) அணியின் பல உறுப்பினர்களுக்கு துபாயில் மேற்கொள்ளப்பட்ட கோவிட் -19 சோதனையில் பலருக்கு கொரோனா (COVID-19) தொற்று இருப்பது உறுதியாகி இருந்தது.
ALSO READ | IPL 2020-லில் இருந்து வெளியேறியது ஏன்? மௌனம் களைத்த SURESH RAINA
கடந்த சில வாரங்களுக்கு முன்பு தான் செப்டம்பர் 19 முதல் நவம்பர் 10 வரை ஐக்கிய அரபு எமிரேட்ஸில் (United Arab Emirates) விளையாடவிருக்கும் இந்தியன் பிரீமியர் லீக் (IPL 2020) க்காக சிஎஸ்கே அணி குழு துபாய் (Dubai) சென்றடைந்தது என்பது குறிப்பிடத்தக்கது.
