IMD Rain Alert: ఏపీకు భారీ వర్షసూచన జారీ అయింది. నైరుతి బంగాళాఖాతంలో ఆవహించి ఉన్న ఉపరితల ఆవర్తనం అల్పపీడనంగా మారి..ఆ తరువాత వాయుగుండంగా బలపడనుంది. వాయువ్యం నుంచి కదులుతూ మద్య బంగాళాఖాతంవైపుకు వెళ్తుండటంతో తుపాను ముప్పు తప్పనుందని ఐఎండీ వెల్లడించింది. కానీ రానున్న మూడ్రోజులు ఏపీలోని ఈ జిల్లాల్లో భారీ వర్షాలు పడవచ్చు.
ఏపీలో వర్షపాతం వివరాలు
బంగాళాఖాతంలో ఏర్పడనున్న అల్పపీడనం ప్రభావంతో ఏపీలోని కొన్ని జిల్లాల్ల్లో మూడ్రోజులపాటు భారీ వర్షాలు కురిసే అవకాశాలున్నాయి. ఇప్పటికే ఏపీలోని పార్వతీపురం మన్యం జిల్లా కురుపాంలో 4 సెంటీమీటర్లు, పార్వతీపురంలో 4, సీతానగరంలో 3, ఏలూరు జిల్లా కుకునూరులో 3, పార్వతీపురం మన్యం జిల్లా కొమరాడలో 2 సెంటీమీటర్ల వర్షపాతం కురిసింది. ఇక రాయలసీమలో అయితే చిత్తూరు జిల్లాలో 2, సత్యసాయి జిల్లా ఆమడగూరులో 2, ఓబులదేవరచెరువులో 2, గోరంట్లలో 2, గుంతకల్లులో 1 సెంటీమీటర్ వర్షపాతం నమోదైంది.
మూడ్రోజులు వర్షసూచన
బంగాళాఖాతంలో ఏర్పడనున్న అల్పపీడనం ప్రభావంతో మూడ్రోజులు ఏపీలో భారీ వర్షాలు పడనున్నాయి. అల్లూరి సీతారామరాజు, అనకాపల్లి, విజయనగరం, పార్వతీపురం మన్యం, ఏలూరు, కృష్ణా, గుంటూరు, తూర్పు గోదావరి, పల్నాడు, బాపట్ల, పశ్చిమ గోదావరి జిల్లాల్లో తేలికపాటి వర్షాలు పడవచ్చు. ఇక మే 23వ తేదీ అంటే రేపు కాకినాడ, కోనసీమ, తూర్పు గోదావరి, పార్వతీపురం మన్యం, అల్లూరి సీతారామరాజు, పశ్చిమ గోదావరి, ఏలూరు జిల్లాల్లో పిడుగులు పడనున్నాయి. అదే సమయంలో మోస్తరు వర్షాలు కూడా పడవచ్చు.
ఇక మే 24వ తేదీ శుక్రవారం నాడు కాకినాడ, కర్నూలు, అల్లూరి సీతారామరాజు, నంద్యాల, అనకాపల్లి, అనంతపురం, సత్యసాయి, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడనున్నాయి. వీటితో పాటు శ్రీకాకుళం, విజయనగరం, పార్వతీపురం మన్యం, విశాఖపట్నం, కోనసీమ, తూర్పు గోదావరి, పశ్చిమ గోదావరి, ఏలూరు, నెల్లూరు జిల్లాల్లో సైతం మోస్తరు వర్షాలు పడవచ్చు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
