పనుల కోసం కాళ్లరిగేలా ఆఫీసుల చుట్టూ తిరుగుతారు.. డబ్బు ఇచ్చినా ఆ పని ఎప్పుడవుతుందో తెలియదు.. నా బాధలు ఎప్పుడు తీరుతాయి.. డబ్బులు పోయాయి.. సమయం కూడా వృధా అయిపోయింది.. ఇలా అనుకొనే వారుంటారు.
.. ఇలాంటి వారికోసం రాష్ట్ర ప్రభుత్వం మంగళవారం శాసన సభలో ఒక చట్టాన్ని ప్రవేశపెట్టింది. ఆ చట్టం పేరు "ప్రజా సేవల హామీ చట్టం-2017". ఈ చట్టం రాష్ట్ర పౌరుల కోసమే అని మంత్రి అమర్నాథ్ రెడ్డి పేర్కొన్నారు. శాసన సభలో బిల్లు ప్రవేశపెట్టిన ఆయన పౌరులకు సేవలందించడంలో.. ప్రభుత్వ అధికారుల్లో జవాబుదారీ తనం పెంపొందించేలా ఈ చట్టాన్ని రూపొందించామని చెప్పారు.
పౌరులకు అండగా నిలిచే ఈ చట్టంలోని అంశాలు
* ఆన్లైన్ లో దరఖాస్తు చేసుకున్న వ్యక్తికి ఒక నెంబర్ కేటాయిస్తారు. పరిష్కారానికి నిర్ణీత గడువు నిర్ణయిస్తారు.
* సకాలంలో ఆ సేవలను సంబంధిత శాఖ అందించాలి. ఆలస్యమైతే.. ఎందుకు ఆలస్యమవుతుందో ముందుగానే సదరు అధికారి దరఖాస్తుదారుడికి రాతపూర్వకంగా తెలియజేయాలి.
* అలా కానిపక్షంలో దరఖాస్తుదారుడు కాలయాపనకు జరిమానా చెల్లించాలని కోరుతూ అప్పీలేట్ అథారిటీకి అప్పీల్ చేసుకోవచ్చు.
* ఆలస్యం అయినందుకు సంబంధిత అధికారి దరఖాస్తుదారుడికి జరిమానా చెల్లిస్తాడు.
