Saana Kastam Song Promo: కొత్త ఏడాదిలో హుషారైన గీతాన్ని వినిపించనున్నారు మెగాస్టార్ చిరంజీవి. ఆయన కథానాయకుడిగా నటించిన 'ఆచార్య' చిత్రంలోని 'శానా కష్టం'.. అంటూ సాగే లిరికల్ సాంగ్ ను జనవరి 3న సాయంత్రం 4.05 గంటలకు విడుదల చేయనున్నట్టు ప్రకటించింది చిత్రబృందం. ఈ నేపథ్యంలో ఆ పాటకు సంబంధించిన ప్రోమోను మేకర్స్ రిలీజ్ చేశారు.
"శానా కష్టం వచ్చిందే మందాకిని.. చూసే వాళ్ల కళ్లు కాకులెత్తుకుపోనీ.." అంటూ ఈ సాంగ్ స్టార్ కానుంది. మణిశర్మ సంగీతాన్ని అందించిన ఈ పాటలో మెగాస్టార్ చిరంజీవి అద్భుతమైన స్టెప్పులతో అలరించారు. ఈ పాటలో ప్రముఖ హీరోయిన్ రెజీనా కసెండ్రా తళుక్కున మెరిసింది.
ఇప్పటికే ఈ చిత్రం నుంచి రామ్ చరణ్ పోషించిన సిద్ధ పాత్రకు సంబంధించిన చిత్ర టీజర్ను రిలీజ్ చేసింది చిత్రబృందం. ఇందులో చరణ్ శక్తిమంతమైన పాత్రలో ఒదిగిపోయారు. ఆయన గెటప్‌, నటన అందరినీ ఆకట్టుకునేలా ఉన్నాయి. దీంతో పాటు సినిమా నుంచి అంతకుముందు విడుదలైన రెండు పాటలు 'లాహే లాహే..', 'నీలాంబరి' పాటలకు ప్రేక్షకుల నుంచి విశేషమైన స్పందన లభిస్తోంది.
కొరటాల శివ దర్శకత్వంలో తెరకెక్కుతున్న ఈ సినిమాలో రామ్ చరణ్ మరో కథానాయకుడు. మ్యాట్నీ ఎంటర్‌టైన్‌మెంట్‌ పతాకంపై నిరంజన్‌రెడ్డి, అన్వేష్‌రెడ్డి నిర్మిస్తున్నారు. ఫిబ్రవరి 4న ఈ చిత్రం ప్రపంచవ్యాప్తంగా విడుదల కానుంది.
Also Read: Kajal Aggarwal Pregnant: గుడ్ న్యూస్ చెప్పిన గౌతమ్ కిచ్లు.. తల్లికాబోతున్న కాజల్ అగర్వాల్
Also Read: Bheemla Nayak Release: సంక్రాంతి బరిలో భీమ్లా నాయక్?.. ట్విట్టర్ లో ట్రెండింగ్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
