Lucky Bhaskar Collections: మరో విజయం అందుకున్న దుల్కర్ సల్మాన్.. ఆశ్చర్యపరుస్తోంద మొదటి రోజు కలెక్షన్స్..!

Lucky Bhaskar Collections Day 1: తెలుగు దర్శకుడు నాగ్ అశ్విన్ దర్శకత్వంలో.. మలయాళీ హీరో దుల్కర్ సల్మాన్ చేసిన మహానటి చిత్రం ఎంతటి విజయం సాధించిందో ప్రత్యేకంగా చెప్పనవసరం లేదు. ఈ సినిమాతో దుల్కర్ సల్మాన్ కూడా ఏకంగా తెలుగు హీరోనే అయిపోయాడు. తెలుగు స్టార్ హీరోలని ఎంతగా అభిమానిస్తారో.. తెలుగు ప్రేక్షకులు ఈ హీరోని కూడా అంతగా ఇష్టపడడం మొదలుపెట్టారు. 

ఇక ఆ తర్వాత మరోసారి తెలుగు దర్శకుడు.. హను రాఘవపూడితో.. దుల్కర్ సల్మాన్ చేసిన సీతారామం చిత్రం ఆయన కెరియర్ లోనే బ్లాక్ బస్టర్ చిత్రంగా నిలిచింది. మనసుని హత్తుకునే కథతో వచ్చిన ఈ సినిమా.. దుల్కర్ ని తెలుగు ప్రేక్షకుల మనసులో.. చెరిగిపోని ముద్ర వేసుకునేలా చేసింది. 

ఇక ఈ రెండు సినిమాల తరువాత మరోసారి తెలుగు దర్శకుడిని నమ్మి చాన్స్ ఇచ్చారు దుల్కర్ సల్మాన్. వెంకీ అట్లూరితో..దుల్కర్ సల్మాన్  చేసిన సినిమా లక్కీ భాస్కర్. దీపావళి సందర్భంగా అక్టోబర్ 31న విడుదలైన ఈ చిత్రం.. ప్రస్తుతం కలెక్షన్స్ పరంగా దూసుకుపోతోంది. 

అక్టోబర్ 30న ఈ సినిమా ప్రీమియర్స్ పడగా.. ప్రీమియర్స్ దగ్గర నుంచి ఈ సినిమా మంచి రెస్పాన్స్ సొంతం చేసుకుంది. ఎటువంటి హంగులు.. ఆర్భాతాలు లేకుండా.. ఒక మిడిల్ క్లాస్ మాన్ జీవితాన్ని తెరకెక్కించి.. ప్రేక్షకులను ఎక్కడా బోర్ తెప్పివ్వకుండా.. దర్శకుడు ఈ చిత్రాన్ని చాలా బాగా తీశారు అని అందరూ ప్రశంసిస్తున్నారు. 

సితార ఎంటర్టైన్మెంట్స్ బ్యానర్ లో వచ్చిన ఈ సినిమా.. దుల్కర్ కెరియర్ లోనే అత్యధిక థియేటర్స్ లో విడుదలైంది. ఇక ప్రస్తుతం ఈ చిత్రం కలెక్షన్స్ టాక్ ఆఫ్ టౌన్ గా మారాయి. తెలుగు రాష్ట్రాల్లో.. మొదటి రోజే ఈ చిత్రం నాలుగు కోట్ల నలబై లక్షలు సంపాదించగా, తమిళనాడు లో నలబై లక్షలు సంపాదించింది.

మరో పక్క దుల్కర్ మాతృభాష అయిన మలయాళం లో…ఈ సినిమా కోటి ఎనభై లక్షలు, ఇక కర్ణాటకలో లక్ష రూపాయలు వసూలు చేసి మొదటి రోజే మంచి కలెక్షన్స్ అందుకుంది ఈ చిత్రం. అలాగే ముందు రోజు ప్రీమియర్స్  ద్వారా.. ఈ సినిమా ఏకంగా తొంబై లక్షలుని రాబట్టింది.ఇలా ఇండియా వైడ్ గా మొత్తం ఏడూ కోట్ల యాభై లక్షల రూపాయిల..నెట్ కలెక్షన్స్ ని సాధించింది ఈ చిత్రం.

Also Read: Viral Video: ఇదేక్కడి న్యాయం..?.. కండక్టర్ డ్యాన్స్‌కు మంత్రి ఫిదా.. ఉద్యోగం ఊడగొట్టిన ఏపీఎస్ఆర్టీసీ..స్టోరీ ఏంటంటే..?

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.