Prabhas - Salaar Hindi OTT: రెబల్ స్టార్ ప్రభాస్ హీరోగా నటించిన లేటెస్ట్ మూవీ 'సలార్'. త్వరలోనే 'కల్కి 2898AD'తో పాటు 'ది రాజా సాబ్' మూవీలతో పలకరించనున్నారు. ఈ మూవీలతో పాటు సందీప్ రెడ్డి వంగాతో 'స్పిరిట్‌' మూవీ చేయనున్నారు. అటు సలార్ 2 మూవీ ఉండనే ఉంది. ప్రభాస్ విషయానికొస్తే.. బాహుబలి సినిమాతో ఓవర్ నైట్ ప్యాన్ ఇండియా స్టార్ అయ్యాడు ప్రభాస్. బాహుబలి తర్వాత ఆ రేంజ్ సక్సెస్ లేని రెబల్ స్టార్.. గతేడాది చివర్లో విడుదలైన 'సలార్' మూవీతో మళ్లీ బ్యాక్ బౌన్స్ అయ్యాడు. ఇప్పటికే ఓటీటీలో విడుదలైన మంచి రెస్పాన్స్ తెచ్చుకుంది.
ప్రశాంత్ నీల్ దర్శకత్వంలో కేజీఎఫ్ చిత్రాన్ని నిర్మించిన హోంబలే ఫిల్మ్స్ ఈ చిత్రాన్ని నిర్మించారు.పృథ్వీరాజ్ సుకుమారన్ మరో ముఖ్యపాత్రలో నటించారు. లాస్ట్ ఇయర్ చివర్లో విడుదలైన ఈ చిత్రం మొదటి ఆట నుంచే మంచి టాక్‌తో బాక్సాఫీస్ దుమ్ము దులిపింది. ఇక కన్నడ,ఇతర భాషల్లో పెద్దగా పర్ఫామ్ చేయలేకపోయింది. అటు హిందీలో కూడా అనుకున్నంత టాక్‌కు తగ్గ వసూళ్లు రాబట్టడంలో విఫలం అయింది. దీంతో ఈ సినిమా పరుగు రూ. 700 కోట్ల వరకే పరిమితమైంది. ఈ మూవీ ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్‌లో స్ట్రీమింగ్ అవుతోంది. అక్కడ హిందీ కాకుండా తెలుగు, కన్నడ, మలయాళం, తమిళం భాషలకు సంబంధించిన సలార్ మూవీ స్ట్రీమింగ్ అవుతోంది. అటు ఇంటర్నేషనల్ వెర్షన్ ఇంగ్లీష్ కూడా స్ట్రీమింగ్ చేసారు. దీంతో ఎక్కువ మంది అంతర్జాతీయ ప్రేక్షకులకు ఈ సినిమా చేరువయ్యే అవకాశాలున్నాయి.
మరోవైపు 'సలార్' మూవీ స్పానిష్ భాషలో డబ్ చేసిన మార్చి 7 లాటిన్ అమెరికా దేశాల్లో విడుదల చేయబోతున్నట్టు ప్రకటించారు. మరోవైపు 'సలార్' మూవీని జపాన్‌ దేశంలో సమ్మర్‌లో విడుదల చేస్తున్నట్టు ప్రకటించారు. హిందీ వెర్షన్ సలార్ మూవీని ఇప్పటి వరకు స్ట్రీమింగ్ కాలేదు. తాజాగా ఈ సినిమా హిందీ వెర్షన్ ఈ శుక్రవారం నుంచి నెట్‌ఫ్లిక్స్‌లో కాకుండా డిస్నీ ప్లస్ హాట్ స్టార్‌లో స్ట్రీమింగ్ అవుతోంది.
సలార్ స్టోరీ విషయానికొస్తే.. ఇద్దరు ప్రాణ స్నేహితులు..శత్రువులుగా ఎలా మారారనే కథతో తెరకెక్కింది. ఇక సలార్ రెండో పార్ట్ పై భారీ అంచనాలే ఏర్పడ్డాయి. రెండో పార్ట్‌కు 'సలార్'.. పార్ట్ 2 శౌర్యాంగ పర్వం' అనే టైటిల్ ఖరారు చేసారు మేకర్స్. ఈ మూవీ త్వరలో సెట్స్ పైకి వెళ్లనుంది. ఈ మూవీ ఈ యేడాది సెప్టెంబర్‌లో సెట్స్ పైకి వెళ్లే అవకాశాలున్నాయి. ఈ మూవీ వచ్చే 2025 దసరా కానుకగా విడుదల చేయాలనే ప్లాన్‌లో ఉన్నారు మేకర్స్. ఈ మూవీలో ప్రభాస్ సరసన శృతి హాసన్ హీరోయిన్‌గా నటించింది.
ఇక సలార్ మూవీ నైజాం (తెలంగాణ) గడ్డపై రూ. 100 కోట్ల గ్రాస్ వసూళ్లతో సంచలనం రేపింది. గతంలో బాహుబలి 2, ఆర్ఆర్ఆర్ సినిమాల తర్వాత రూ. 100 కోట్ల గ్రాస్ వసూళ్లను సాధించిన మూడో సినిమాగా సలార్ చిత్రం రికార్డులకు ఎక్కింది. ఈ మూవీ హిందీ వెర్షన్ కలెక్షన్స్ విషయానికొస్తే.. షారుఖ్ హీరోగా నటించిన 'డంకీ' సినిమాతో పోటీ కారణంగా తక్కువ స్క్రీన్స్ దక్కాయి. అయినా.. అక్కడ కూడా మంచి వసూళ్లనే సాధించింది. అక్కడ ఈ మూవీ ఓవరాల్‌గా రూ. 150 కోట్ల నెట్ వసూళ్లతో దుమ్ము దులిపింది. ఓవరాల్‌గా రూ. 153.45 కోట్ల నెట్ వసూళ్లను సాధించినట్టు సమాచారం.
మొత్తంగా సినిమా హిందీలో రూ. 75 కోట్ల దాకా ప్రీ రిలీజ్ బిజినెస్ చేసింది. టోటల్ రన్ ముగిసే సమయానికి హిందీలో రూ. 76.50 కోట్ల రేంజ్‌లో షేర్ సొంతం చేసుకొని హిందీలో హిట్ స్టేటస్ అందుకుంది. ఇక రెస్ట్ ఆఫ్ భారత్ కలిపి రూ. 78 కోట్ల బిజినెస్‌కు రన్ కంప్లీట్ అయ్యేవరకు రూ. 80.90 కోట్ల రేంజ్‌ను చేసుకొని సొంతం చేసుకొని థియేట్రికల్ రన్ పూర్తి చేసుకుంది. ఓవరాల్‌గా ఈ మూవీ హిందీ సహా రెస్ట్ ఆఫ్ భారత్‌లో హిట్ అనిపించుకుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
