Sai Pallavi: చైతూతో మరోసారి జోడి కట్టనున్న సాయిపల్లవి?

NC23: కస్టడీ డిజాస్టర్ తో నాగచైతన్య ప్రస్తుతం NC23పై దృష్టి పెట్టాడు. ఈ చిత్రానికి చందూ మెుండేటి దర్శకత్వం వహిస్తున్నారు. గీతాఆర్ట్స్ నిర్మిస్తున్న ఈ మూవీలో హీరోయిన్ గా ఎవరు చేస్తున్నారంటే?  

Written by - Samala Srinivas | Edited by - ZH Telugu Desk | Last Updated : Sep 19, 2023, 06:52 PM IST
Sai Pallavi: చైతూతో మరోసారి జోడి కట్టనున్న సాయిపల్లవి?

Naga Chaitanya Upcoming Movie: అక్కినేని నాగచైతన్య (Naga Chaitanya)-చందూ మొండేటి కాంబోలో ఓ సినిమా రాబోతున్న సంగతి తెలిసిందే. ప్రస్తుతం ఈ మూవీ తండేల్(Thandel) అనే వర్కింగ్‌ టైటిల్‌తో తెరకెక్కుతోంది. ప్రస్తుతం ప్రీ ప్రోడక్షన్ పనులు జరుపుకుంటున్న ఈ మూవీలో హీరోయిన్ గా ఎవరు నటిస్తారనే విషయంలో గత కొన్ని రోజులగా సోషల్ మీడియాలో జోరుగా చర్చ జరుగుతోంది. అయితే తాజాగా ఈ సస్పెన్ష్ కు తెరపడినట్లు తెలుస్తోంది. ఈ చిత్రంలో లేడీ పవర్ స్టార్ సాయి పల్లవి హీరోయిన్‌గా ఫిక్స్ అయినట్లు సమాచారం. తాజాగా ఈ విషయానికి సంబంధించి గీతా ఆర్ట్స్‌ ఓ వీడియో కూడా రిలీజ్ చేసింది. ప్రస్తుతం ఈ వీడియో నెట్టింట హల్ చల్ చేస్తోంది. అయితే ఈ వీడియోలో హీరోయిన్ ముఖం కనిపించకుండా చేసి.. మూవీపై ఆసక్తిని పెంచేశారు మేకర్స్. అయితే దీనిపై మూవీటీమ్ నుంచి అధికారిక ప్రకటన రావాల్సి ఉంది. 

కస్టడీ డిజాస్టర్ తర్వాత చైతూ ఆచితూచి కథలను ఎంపిక చేసుకుంటున్నాడు. గతంలో సాయిపల్లవి-చైతూ కలిసి లవ్‌స్టోరీలో నటించారు. ఈ సినిమా ఎంత పెద్ద హిట్ అయ్యిందో మనందరికీ తెలిసిందే. మళ్లీ వీరిద్దరి కాంబోలో సినిమా వస్తుండటంతో ఈ మూవీపై భారీగానే అంచనాలు ఉన్నాయి. అంతేకాకుండా చందు మెుండేటి కార్తికేయ2 వంటి బ్లాక్ బాస్టర్ తర్వాత చేస్తున్న సినిమా కావడంతో ఈ చిత్రంపై జనాల్లో ఎనలేని క్యూరియాసిటీ నెలకొంది. 

ఈ చిత్రంలో నాగచైతన్య అంతర్జాతీయ సరిహద్దు జలాల వెంబడి పాకిస్థాన్‌ దళాలకు పట్టుబడ్డ శ్రీకాకుళం మత్స్యకారుడి పాత్రలో కనిపించబోతున్నాడు. దీని కోసం తన మేకోవర్ ను పూర్తిగా చేంజ్ చేసుకున్నట్లు తెలుస్తోంది. ఈ చిత్రాన్ని కొన్ని వాస్తవ ఘటనల ఆధారంగా తెరకెక్కించనున్నారట. సుమారు రూ.70 కోట్ల వ్యయంతో గీతాఆర్ట్స్‌ బ్యానర్ పై బన్నీవాసు నిర్మిస్తున్నారు. అల్లు అరవింద్ సమర్పిస్తున్నారు. చైతూ-చందూ కాంబినేషన్ లో రాబోతున్న మూడో సినిమాఇది. గతంలో వీరిద్దరూ కలిసి సవ్యసాచి, ప్రేమమ్ చేసిన సంగతి తెలిసిందే. 

Also Read: Allu Arjun: పుష్పరాజ్​కు అరుదైన గౌరవం.. మూడో టాలీవుడ్ హీరోగా ఘనత!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి TwitterFacebook

Trending News

By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.

x