Varun Dhawan-Samantha : ఒక్కసారి సమంతను కలిస్తే తెలుస్తుంది.. అండగా నిలిచిన బాలీవుడ్ స్టార్ వరుణ్‌ ధావన్

Varun Dhawan Supports to Samantha శాకుంతలం ట్రైలర్ ఈవెంట్‌లో సమంతను చూసి కొందరు సంతోషించారు. ఇంకొందరు జాలిగా చూశారు. మరి కొందరు ఆమెను ట్రోల్స్ చేశారు. ఇలా ట్రోల్ చేసిన వారి మీద వరుణ్‌ ధావన్‌ కౌంటర్లు వేశాడు.

Varun Dhawan Supports to Samantha సమంత రాక రాక బయటకు వచ్చిన సంగతి తెలిసిందే. మయోసైటిస్‌తో బాధపడుతున్న సమంత తన శాకుంతలం సినిమ కోసం బయటకు వచ్చింది. నిన్న శాకుంతలం సినిమా ట్రైలర్ ఈవెంట్‌లో సమంత మెరిసింది. అతి కష్టం మీద సమంత బయటకు వచ్చినట్టు కనిపిస్తూంది. మెట్లు దిగే సమయంలోనూ తన అసిస్టెంట్ చేతిని పట్టుకుని దిగుతోంది సమంత. అలా అంత కష్టంగా ఉన్నా కూడా సమంత తన సినిమా కోసం బయటకు వచ్చింది.

సమంత బయటకు రావడానికి కూడగట్టుకున్న శక్తిని చూడని కొందరు ఆమె లుక్స్ బాగా లేదంటూ ట్రోల్స్ చేయడం ప్రారంభించారు. సమంతలో ముందున్న గ్లో, చార్మింగ్ లేదంటూ కామెంట్లు పెడుతున్నారు. సమంత ఇన్ని రోజులుగా మెడిసిన్స్ తీసుకుంటూ బెడ్డుకే పరిమితమైంది. అయినా కూడా సమంత తన లుక్‌ను మెయింటైన్ చేసుకుంటూ ఉంది. కానీ ఇలాంటి కామెంట్లతో సమంత కాస్త డల్ అయ్యే అవకాశం ఉంది.

U don’t feel bad abt anything u just care about clickbait feel bad for u son. Also glow is avaliable in instagram filters. Jsut meet Sam trust me she was glowing . 🙏 https://t.co/JRslCKYJpP

— VarunDhawan (@Varun_dvn) January 10, 2023

ఇలాంటి నెగెటివ్ కామెంట్లను సమంత కూడా తన స్టైల్లో తిప్పి కొట్టేసింది. అయితే తాజాగా బాలీవుడ్ స్టార్ వరుణ్‌ ధావన్‌ సమంతకు అండగా నిలబడ్డాడు. సమంత మీద జరుగుతున్న ట్రోలింగ్ మీద ఘాటుగా రియాక్ట్ అయ్యాడు. మీరు అవతలి వారి బాధ గురించి ఎప్పుడూ ఆలోచించరు.. మీరు మీ క్లిక్ బైట్ హెడ్డింగ్‌ల గురించి ఆలోచిస్తుంటారు.. గ్లోనే కావాలంటే ఇన్ స్టాగ్రాం ఫిల్టర్స్‌లో ఉంటుంది.. ఒక్కసారి మీరు సమంతను కలవండి.. ఆమెలో ఎంత గ్లో ఉంటుందో మీకు తెలుస్తుంది అని వరుణ్‌ ధావన్ ట్వీట్ వేశాడు.

అలా వరుణ్‌ ధావన్ వేసిన పోస్ట్ ఇప్పుడు అందరినీ ఆకట్టుకుంటోంది. సమంత కోసం ఏ తెలుగు స్టార్ హీరో కూడా నిలబడలేదు. కానీ బాలీవుడ్ నుంచి వరుణ్‌ ధావన్ వచ్చాడు.. సమంత కోసం సపోర్ట్‌గా నిలబడ్డాడు అంటూ నెటిజన్లు కామెంట్లు పెడుతున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.