Lockdown: కరోనా మహమ్మారి పంజా విసురుతోంది. దేశంలో కరోనా థర్డ్‌వేవ్ ప్రారంభమైపోయింది. భారీగా కేసులు నమోదవుతుండటంతో లాక్‌డౌన్ విధించే విషయమై ప్రధాని మోదీ ఇవాళ నిర్ణయం తీసుకోనున్నారు.
ఊహించిందే జరిగింది. కరోనా థర్డ్‌వేవ్ దేశంలో మొదలైపోయింది. ఈ దిశగా ఇప్పటికే వైద్య నిపుణులు, ఆరోగ్యశాఖ ప్రకటించింది. దేశంలో రోజుకు 10 వేల కేసుల నుంచి ఒక్కసారిగా లక్షకు పైగా కేసులు నమోదవుతున్నాయి. వరుసగా మూడవ రోజు కూడా దేశంలో లక్షకు పైగా కేసులు నమోదయ్యాయి. గత 24 గంటల్లో దేశంలో 1 లక్షా 59 వేల కొత్త కేసులు నమోదయ్యాయి. అటు కరోనా యాక్టివ్ కేసుల సంఖ్య 5 లక్షల 90 వేల 611కు చేరింది. దేశంలో కరోనా పాజిటివిటీ రేటు 98.36 శాతం కాగా, రోజువారీ పాజిటివిటీ రేటు 10.21కు చేరుకుంది. అటు దేశలో ఇప్పటి వరకూ నమోదైన ఒమిక్రాన్ (Omicron) కేసులు 3 వేలకు పైగా ఉన్నాయి.
కరోనా కేసులు పెరుగుతుండటంతో పరిస్థితి చేయిదాటుతోంది. దేశంలోని పలు రాష్ట్రాలు ఇప్పటికే నైట్‌కర్ఫ్యూ (Night Curfew) లేదా వివిధ రకాల ఆంక్షలు విధిస్తున్నాయి. ఈ నేపధ్యంలో కేంద్ర ప్రభుత్వం కూడా అప్రమత్తమైంది. ఇప్పటికే వ్యాక్సినేషన్ ప్రక్రియను ముమ్మరం చేయాల్సిందిగా ఆదేశాలు జారీ చేసింది. ఇప్పుడు దేశ ప్రధాని నరేంద్ర మోదీ (Narendra Modi) కరోనా పరిస్థితిపై ఉన్నత స్థాయి సమీక్ష నిర్వహించనున్నారు. సాయంత్రం 4 గంటల 30 నిమిషాలకు జరగనున్న సమీక్షలో వైద్య నిపుణులు, కేంద్ర మంత్రులు పాల్గొననున్నారు. దేశంలో లాక్ డౌన్ విధించే విషయంలో సానుకూల, ప్రతికూల పరిణామాలు విశ్లేషించి..ఓ నిర్ణయం తీసుకోనున్నారు.
Also read: NEET PG Counselling 2021: నీట్ పీజీ అభ్యర్థులకు అలర్ట్... కౌన్సెలింగ్ ఎప్పుడంటే...
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
