Priyanka Gandhi Vadra: గత సార్వత్రిక ఎన్నికల్లో కాంగ్రెస్ పార్టీ అగ్ర నేత మాజీ అధ్యక్షుడు రాహుల్ గాంధీ కేరళలోని వాయనాడ్ నుంచి బరిలో దిగారు. దాంతో పాటు ఉత్తర ప్రదేశ్ లోని రాయబరేలి నుంచి బరిలో దిగి రెండు చోట్ల ఎంపీగా విజయం సాధించారు. దీంతో కేరళలోని వయనాడ్ సీటుకు రాజీనామా చేసి రాయబరేలి ఎంపీగా కొనసాగుతున్నారు. ఆయన రాజీనామా చేసిన ఎంపీ సీటుకు తాజాగా ఉప ఎన్నిక జరిగింది. ఈ ఎన్నికల్లో రాహుల్ గాంధీ చెల్లెలు ప్రియాంక గాందీ వాద్రా బరిలో దిగింది. తాజాగా ఈ ఎన్నికల్లో అందరు ఊహించనట్టుగానే కౌంటింగ్ లో ముందుంజలో ఉంది.
అక్కడ జరిగిన ఉప ఎన్నికల్లో ఓటింగ్ శాతం తగ్గినా.. ప్రియాంక గాంధీకి ఓ వర్గం ఓట్లు గంపగుత్త పడ్డట్టు స్పష్టమైంది. 64.72% ఓటింగ్ జరిగింది. రాహుల్ గాంధీ తర్వాత ప్రియాంక గాంధీ ఈ నియోజకవర్గం నుంచి పోటీ చేయడంతో ఈ నియోజకవర్గం పై దేశ వ్యాప్తంగా ఆసక్తి నెలకొంది. ఈ ఎన్నికల్లో బీజేపీ నేతృత్వంలోని ఎన్డీయే తరుపు నవ్య హరిదాస్ పోటీ చేసారు. మరోవైపు లెఫ్ట్ డెమొక్రాటిక్ ఫ్రంట్ నుంచి సత్యమ్ మోకోరి బరిలో నిలిచారు.
2009 లో నియోజకవర్గాల పునర్విభజన తర్వాత వాయనాడ్ నియోజకవర్గం ఏర్పడింది. ప్రస్తుతం ప్రియాంక గాంధీ వాద్రా 6 వేలకు పైగా మెజారిటీతో లీడింగ్ ఉన్నారు. రెండో స్థానంలో కమ్యూనిస్ట్ పార్టీ..మూడో స్థానంలో బీజేపీ నేత ఉన్నారు. దాదాపు ప్రియాంక .. ఈ స్థానం నుంచి గెలవడం దాదాపు ఖాయమనే చెప్పాలి. ఈ నేపథ్యంలో ఒకే లోక్ సభ నియోజకవర్గం నుంచి గెలిచిన అన్నా చెల్లెల్లుగా రాహుల్ గాంధీ, ప్రియాంక రికార్డు క్రియేట్ చేసారు.
ఇక కేరళలోని 20 లోక్ సభ స్థానాల్లో అందరు పురుషుల అభ్యర్ధులే పార్లమెంటులో ఉన్నారు. ప్రియాంక గాంధీ వాద్రా తొలి మహిళ ఎంపీగా ఆ రాష్ట్రం నుంచి రికార్డు క్రియేట్ చేయబోతుంది. 2019 ఎన్నికల నుంచి క్రియాశీల రాజకీయాల్లో యాక్టివ్ గా ఉన్న ప్రియాంక గాంధీ.. ఇప్పటి వరకు ఏ ఎన్నికల్లో పోటీ చేయలేదు. వాయనాడ్ నుంచి తొలిసారి ప్రియాంక గాంధీ వాద్రా ఎన్నికల గోదాలో దిగి గెలవడం ఖాయంగా కనిపిస్తోంది.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిFacebook, Twitter
TA Kiran Kumar
కిరణ్ కుమార్ తంజావూర్ జీ తెలుగు తెలుగు న్యూస్లో ఛీఫ్ సబ్ ఎడిటర్గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
...Read More
