Stock Market: దేశీయ స్టాక్ మార్కెట్ భారీ లాభాలతో ముగిసింది. మహారాష్ట్రలో కొత్త ప్రభుత్వం ఏర్పడనుండటం..త్వరలోనే ఆర్బిఐ పాలసీ వెలువడనున్న నేపథ్యంలో మార్కెటుకు మంచి ఊపచ్చినట్లు కనిపిస్తోంది. వరుసగా లాభాల జోరు కొనసాగిస్తోంది.గురువారం ఉదయం స్వల్ప లాభాలతో ప్రారంభమైన సూచీలు..చివరి వరకు గ్రీన్ లోనే ట్రేడ్ అయ్యాయి. ముగింపులో సెన్సెక్స్ 809 పాయింట్లు లాభపడి 81,765దగ్గర ముగిసింది. మార్కెట్ ముగిసే సమయానికి 30 సెన్సెక్స్ షేర్లలో 28 షేర్లు గ్రీన్ మార్క్‌లో, 2 షేర్లు రెడ్ మార్క్‌లో ఉన్నాయి. ఈరోజు మార్కెట్‌లో భారీ ఒడిదుడుకులు కనిపించాయి. ట్రేడింగ్ సెషన్‌లో సెన్సెక్స్ కనిష్టంగా 80,467 పాయింట్లు, గరిష్టంగా 82,317 పాయింట్లకు చేరుకుంది. అదే సమయంలో, నేషనల్ స్టాక్ ఎక్చేంజ్ సూచీ నిఫ్టీ నేడు 0.98 శాతం లేదా 240 పాయింట్ల లాభంతో 24,708 వద్ద ముగిసింది. మార్కెట్ ముగిసే సమయానికి నిఫ్టీలోని 50 షేర్లలో 41 షేర్లు గ్రీన్ మార్క్‌లో, 9 షేర్లు రెడ్ మార్క్‌లో ఉన్నాయి.
ఈ షేర్లలో పెరుగుదల కనిపించింది:
ఈరోజు నిఫ్టీ ప్యాక్‌లోని 50 స్టాక్స్‌లో ట్రెంట్‌లో అత్యధికంగా 3.31 శాతం, ఇన్ఫోసిస్‌లో 2.42 శాతం, టిసిఎస్‌లో 2.31 శాతం, టైటాన్‌లో 2.19 శాతం, డాక్టర్ రెడ్డీస్‌లో 2.18 శాతం చొప్పున పెరుగుదల నమోదైంది. అదే సమయంలో, అతిపెద్ద క్షీణత ఎస్‌బిఐ లైఫ్‌లో 1.21 శాతం, హెచ్‌డిఎఫ్‌సి లైఫ్‌లో 1.09 శాతం, బజాజ్-ఆటో 1.05 శాతం, ఎన్‌టిపిసి 0.90 శాతం మరియు గ్రాసిమ్ 0.38 శాతం చొప్పున క్షీణించాయి.
Also Read: Naga Babu: అల్లు అర్జున్ కోసం రంగంలోకి నాగబాబు.. వెనక్కి తగ్గిన జనసేన పార్టీ
నిఫ్టీ ఐటీలో అత్యధిక జంప్:
సెక్టోరల్ ఇండెక్స్‌ల గురించి మాట్లాడితే.. ఈరోజు నిఫ్టీ ఐటీలో గరిష్టంగా 1.95 శాతం పెరుగుదల కనిపించింది. ఇవే కాకుండా నిఫ్టీ బ్యాంక్ 0.63 శాతం, నిఫ్టీ ఆటో 0.65 శాతం, నిఫ్టీ ఫైనాన్షియల్ సర్వీసెస్ 0.69 శాతం, నిఫ్టీ ఎఫ్‌ఎంసిజి 0.58 శాతం, నిఫ్టీ మెటల్ 0.57 శాతం, నిఫ్టీ ఫార్మా 0.18 శాతం, నిఫ్టీ ప్రైవేట్ బ్యాంక్ 0.69 శాతం, నిఫ్టీ ప్రైవేట్ బ్యాంక్ 0.69 శాతం డ్యూరబుల్స్‌లో 0.52 శాతం, నిఫ్టీ ఆయిల్ & గ్యాస్‌లో 0.74 శాతం, నిఫ్టీ మిడ్స్‌మాల్ హెల్త్‌కేర్‌లో 0.46 శాతం పెరుగుదల కనిపించింది. అటు నిఫ్టీ రియాల్టీలో 0.25 శాతం, నిఫ్టీ పిఎస్‌యు బ్యాంక్‌లో 0.12 శాతం క్షీణత కనిపించింది.
Also Read: Nara Lokesh: లోకేశ్‌ను కలిసిన దేవర 'డ్యాన్సర్‌'.. తనను ఆదుకున్నందుకు కృతజ్ఞతలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
