Game Changer Pre Release Event: సంచనాలకు కేరాఫ్‌ అడ్రస్ గా మారి గ్లోబల్ స్టార్ రామ్ చరణ్ హీరోగా స్టార్ దర్శకుడు శంకర్ దర్శకత్వంలో తెరకెక్కిన చిత్రం భారీ బ‌డ్జెట్ చిత్రం ‘గేమ్ చేంజర్’. ఈ చిత్రాన్ని శ్రీమ‌తి దివంత అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌ సంయుక్తంగా దిల్ రాజు, శిరీష్ ఎక్కడా రాజీ లేకుండా ఉన్నత ప్రమాణాలతో నిర్మిస్తున్నారు. తెలుగు, త‌మిళ, హిందీ భాష‌ల్లో ఈ మూవీ జ‌న‌వ‌రి 10న వరల్డ్ వైడ్ గా రిలీజ్ చేస్తున్నారు. ఓ వైపు మెగాఫ్యాన్స్.. , మ‌రోవైపు సినీ ప్రేక్ష‌కులు ఈ చిత్రం కోసం ఎంతో ఆతృత‌గా ఎదురు చూస్తోన్నఈ మూవీపై అంచ‌నాలు రోజు రోజుకీ పెరుగుతున్నాయి. ఈ ఎక్స్‌పెక్టేష‌న్స్‌కు నెక్ట్స్ రేంజ్‌లో తీసుకెళ్లేలా ప్ర‌మోష‌న‌ల్ స్ట్రాట‌జీతో మేక‌ర్స్ ప్లానింగ్ చేస్తూ అడుగులు వేస్తున్నారు.
ఈ క్ర‌మంలో ‘గేమ్ చేంజర్’ భారతీయ సినీ చరిత్రలో ఇప్ప‌టి వరకు మ‌రే సినిమా చేయ‌ని అద్భుతాన్ని ఆవిష్క‌రించ‌నుంది. డిసెంబ‌ర్ 21న అమెరికాలో ‘గేమ్ చేంజర్’ ప్రీ రిలీజ్ ఈవెంట్ చేస్తున్నారు. అత్యంత భారీగా ఈవెంట్ జ‌ర‌గ‌నుంది. డ‌ల్లాస్‌లోని క‌ర్టిస్ క‌ల్‌వెల్ సెంట‌ర్‌, 4999 నామ‌న్ ఫారెస్ట్‌, గార్‌లాండ్ టి.ఎక్స్ 75040 వేదిక‌గా జ‌ర‌గ‌నున్న ఈ ఈ ప్రీ రిలీజ్ ఈవెంట్‌కు ముఖ్య అతిథిగా ప్యాన్ ఇండియా డైరెక్టర్ సుకుమార్ హాజ‌ర‌వుతున్నారు.
రంగ‌స్థ‌లం వంటి హిట్ తర్వాత రామ్ చరణ్, సుకుమార్ కాంబోలో త్వరలో RC17 సినిమా రాబోతుంది. ఈ నేపథ్యంలో ‘గేమ్ ఛేంజర్’ మూవీ కోసం సుకుమార్ ఛీఫ్ గెస్ట్ గా రావడం ప్రాధాన్యత సంతరించుకుంది. యు.ఎస్‌లో ఓ తెలుగు సినిమాకు ఇప్ప‌టి వరకు జ‌ర‌గ‌లేదు..జ‌ర‌గ‌బోదు అనేంత భారీ స్థాయిలో గేమ్ చేంజర్ ప్రీ రిలీజ్ వేడుక‌ను నిర్వ‌హించ‌బోతున్నారు. ఈ వేడుక అక్కడ జరపడం అనేది ఇప్పుడు ఇండ‌స్ట్రీ వ‌ర్గాల్లో హాట్ టాపిక్‌గా మారింది.
ఇప్ప‌టి వరకు సినిమా నుంచి విడుద‌లైన పోస్ట‌ర్స్‌, టీజర్ తో పాటు ‘జరగండి జరగండి.. ’, ‘రా మచ్చా రా..’, ‘నా నా హైరానా’ సాంగ్స్‌కు ప్రేక్షకుల నుంచి మంచి రెస్పాన్స్ వ‌చ్చింది. లార్జ‌ర్ దేన్ లైఫ్ సినిమాల‌ను తెర‌కెక్కించే డైరెక్టర్ శంకర్ దర్శకత్వంలో రూపొందుతోన్న ‘గేమ్ చేంజర్’ మూవీని ఎప్పుడెప్పుడు చూద్దామా అని ఫ్యాన్స్ తో పాటు సినీ అభిమానులు ఎంతో ఆస‌క్తిగా ఎదురు చూస్తున్నారు.
రామ్ చరణ్ ఈ చిత్రంలో తండ్రీ తనయలుగా రెండు ప‌వ‌ర్‌ఫుల్ పాత్ర‌ల్లో మెప్పించ‌నున్నారు. రామ్ చరణ్ సరసన అంజలి, కియారా అద్వానీ కథానాయికలుగా నటించారు. కార్తీక్ సుబ్బరాజ్ కథను అందించారు. ఎస్‌.యు.వెంక‌టేశ‌న్‌, వివేక్ రైట‌ర్స్‌గా వ‌ర్క్ చేశారు. హ‌ర్షిత్ స‌హ నిర్మాత. ఎస్‌.తిరుణ్ణావుక్క‌ర‌సు సినిమాటోగ్ర‌ఫీ, ఎస్‌.ఎస్‌.త‌మ‌న్ సంగీతం అందిస్తుండ‌గా సాయి మాధ‌వ్ బుర్రా డైలాగ్స్ రాశారు. న‌ర‌సింహా రావు.ఎన్, ఎస్‌.కె.జ‌బీర్‌ లైన్ ప్రొడ్యూస‌ర్‌గా బాధ్య‌త‌ల‌ను నిర్వ‌హిస్తున్నారు. ఆర్ట్ డైరెక్ట‌ర్‌గా అవినాష్ కొల్ల, యాక్ష‌న్ కొరియోగ్రాఫ‌ర్స్‌గా అన్బ‌రివు, డాన్స్ డైరెక్ట‌ర్‌గా ప్ర‌భుదేవా, గ‌ణేష్ ఆచార్య, ప్రేమ్ రక్షిత్‌, బాస్కో మార్టిస్, జానీ, శాండీ వ‌ర్క్ చేస్తున్నారు. రామ్ జోగ‌య్య శాస్త్రి, అనంత్ శ్రీరామ్‌, కాసర్ల శ్యామ్ పాట‌ల‌ను రాశారు.
ఇదీ చదవండి: Nagababu Cabinet: ముగ్గురు మొనగాళ్లు.. దేశంలోనే మొదటిసారి..
ఇదీ చదవండి: ఫామ్ హౌస్ రౌడీ.. ఆది నుంచి మోహన్ బాబు తీరు వివాదాస్పదం..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
