Bheemla Nayak Movie release date : పవర్ స్టార్ పవన్ కల్యాణ్, రానా కాంబోలో వస్తోన్న తాజా మూవీ భీమ్లా నాయక్. సాగర్ కే చంద్ర డైరెక్షన్‌లో తెరకెక్కుతోన్న ఈ మూవీకి త్రివిక్రమ్ శ్రీనివాస్ స్క్రీన్ ప్లే, డైలాగ్స్ అందిస్తున్నాడు. మలయాళంలో సూపర్ హిట్ అయిన అయ్యప్పనుమ్ కోశీయుమ్ (Ayyappanum Koshiyum) మూవీకి ఇది రీమేక్.
ఈ మూవీ తెలుగు వెర్షన్ కోసం త్రివిక్రమ్ (Trivikram) చాలా మార్పులే చేశాడు. పవన్ కల్యాణ్ ఇమేజ్‌కు తగ్గట్లుగా చాలా సీన్స్‌ను యాడ్ చేశారు. ఇక అయ్యప్పనుమ్ కోశీయుమ్ ఒరిజినల్‌ మూవీలోని కొన్ని సీన్స్‌ను భీమ్లా నాయక్‌లో తీసేశారు.
తెలుగు ప్రేక్షకుల అభిరుచికి తగ్గట్లుగా భీమ్లా నాయక్ మూవీ సిద్ధమవుతోంది. అయితే ఈ మూవీ ముందుగా సంక్రాంతి కానుకగా జనవరి 12న రిలీజ్ చేయాలనుకున్నారు. కానీ "ఆర్ఆర్ఆర్" మూవీ రిలీజ్ అవుతుందనే కారణంతో భీమ్లా నాయక్ సినిమా విడుదల వాయిదా పడింది.
కాగా కొవిడ్ మహమ్మారి ప్రభావంతో చాలా సినిమాలు పోస్ట్ పోన్ చేసుకోవాల్సి వచ్చింది. ఇక భీమ్లా నాయక్ (Bheemla Nayak) సినిమాను ఫిబ్రవరి 25న రిలీజ్ చేస్తున్నట్లు ప్రకటించింది మూవీ యూనిట్. ఈ నేపథ్యంలో శివరాత్రి కానుకగా భీమ్లా నాయక్ రిలీజ్ చేయాలని అనుకున్నారు. కానీ ఇంకా భీమ్లా నాయక్ మూవీ షూటింగ్ పూర్తి కాలేదు. మూవీకి సంబంధించిన చిన్న చిన్న పనులు పెండింగ్‌లో ఉన్నాయి.
కొవిడ్ వల్ల ఆ పనులు ఇంకా ముందుకు సాగడం లేదు. దీంతో భీమ్లా నాయక్ మూవీ మరోసారి పోస్ట్ పోన్ అయ్యేలా ఉంది. ఫిబ్రవరి 25 నుంచి ఏప్రిల్ 1వ తేదీకి భీమ్లా నాయక్ సినిమాను పోస్ట్‌పోన్ చేయాలని ఆలోచిస్తోంది మూవీ యూనిట్. కాగా ఏప్రిల్ 1 చిరంజీవి ఆచార్య (Acharya) మూవీ రిలీజ్ కానుంది. ఈ మేరకు అఫీషియల్ ప్రకటన వచ్చిన విషయం తెలిసిందే. కాగా ఫిబ్రవరి 4న రావాల్సిన ఈ మూవీ కూడా కొవిడ్ వల్ల రెండు నెలలుగా వాయిదా పడింది.
Also Read : Car U-Turn Viral Video: ఆ డ్రైవర్ మగాడ్రా బుజ్జా! కొండ అంచున కారు యూటర్న్
ఇక ఇప్పుడు అదే రోజు పవన్ కల్యాణ్ మూవీ భీమ్లా నాయక్ (Bheemla Nayak) రిలీజ్ అయితే మాత్రం మెగా ఫ్యాన్స్‌ ఇది కాస్త షాకింగ్‌ న్యూసే అవుతుంది. అయితే మెగా బ్రదర్స్‌ ఇద్దరూ ఒకేరోజు రావడం అసాధ్యం అంటున్నారు. రెండు సినిమాల నిర్మాతలు కూర్చుని రిలీజ్ (Realese) డేట్స్ అడ్జెస్ట్‌ చేసుకుంటరనే టాక్ నడుస్తోంది.
Also Read : CBSE Result 2022: సీబీఎస్‌ఈ 10, 12వ తరగతుల ఫలితాలపై సందిగ్ధత!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
