Vishwak Sen Das Ka Dhamki - Trailer 1.0 Talk: ఈ మధ్య కాలంలో వరుస వివాదాలతో హాట్ టాపిక్ గా మారుతున్న విశ్వక్సేన్ కొత్త సినిమా ట్రైలర్ రిలీజ్ అయింది. దాస్ కా ధమ్కీ ట్రైలర్ వన్ పాయింట్ ఓ పేరుతో రిలీజ్ అయిన వీడియో ఇప్పుడు సోషల్ మీడియాలో హాట్ టాపిక్ గా మారింది. నందమూరి బాలకృష్ణ చేతుల మీదుగా ఏఎంబీ థియేటర్స్ లో విడుదలైన ఈ ట్రైలర్ విడుదలైన కొద్దిసేపట్లోనే లక్షల వ్యూస్ సాధించింది.
విశ్వక్ సేన్ హీరోగా నటిస్తూనే దర్శకత్వం వహిస్తున్న ఈ సినిమాకి విశ్వక్ సేన్ తండ్రి కరాటే రాజు నిర్మాతగా వ్యవహరిస్తున్నారు. నివేదా పేతురు హీరోయిన్ గా నటిస్తున్న ఈ సినిమాలో రావు రమేష్, తరుణ్ భాస్కర్, శౌర్య, అక్షర గౌడ, అజయ్, హైపర్ ఆది, పృథ్వీరాజ్, కాదంబరి కిరణ్ వంటి వారు ఇతర కీలక పాత్రలలో నటిస్తున్నారు. లియాన్ జేమ్స్ సంగీతం అందిస్తున్న ఈ సినిమాకి నేను లోకల్, సినిమా చూపిస్త మావ సినిమాల ఫేమ్ ప్రసన్నకుమార్ బెజవాడ స్టోరీ అందిస్తున్నారు.
ఈ సినిమాకు సంబంధించిన ట్రైలర్ 1.ఓ ఆద్యంతం ఆసక్తికరంగా సాగింది. ఇక ఈ ట్రైలర్ ప్రకారం చూస్తే ఇది రొటీన్ కథలాగే అనిపిస్తున్న విశ్వక్సేన్ మార్క్ ట్రీట్మెంట్ తో కొత్త దనం చూపించే అవకాశాలు కనిపిస్తున్నాయి. బాగా డబ్బులు ఉన్న ఒక వ్యక్తి చనిపోతే అతని లాగే ఉన్న మరో వ్యక్తి అతని స్థానంలోకి వెళ్లి అతని కుటుంబాన్ని ఎలా ఇబ్బందుల నుంచి కాపాడాడు అనే లైన్ తో సాగబోతోంది. ఈ సినిమా ఇక గతంలో ఒక న్యూస్ యాంకర్ దేవి నాగవల్లితో జరిగిన ఒక వివాదం నేపథ్యంలో విశ్వక్సేన్ తన నోటి వెంట మాట్లాడే ఫక్ ఆఫ్ అనే మాట ఈ ట్రైలర్ లో హీరోయిన్ నోటి వెంట పలికించగా అదే హీరోయిన్తో గెటవుట్ ఫ్రమ్ మై కార్ అనే డైలాగ్ కూడా అనిపించాడు.
ఇదంతా చూస్తుంటే ఈ వ్యవహారం జరిగి ఏడాది గడుస్తున్నా విశ్వక్సేన్ ఆ కోపం నుంచి బయటకు వచ్చినట్లు కనిపించడం లేదు. ఫక్ ఆఫ్ అనే పదం చాలా కామన్ వర్డ్ అని దాన్ని పెద్దగా ఆలోచించాల్సిన అవసరం లేదని విశ్వక్ సేన్ చాలా క్లారిటీ ఇచ్చుకునే ప్రయత్నం చేశాడు. ఇక ఇప్పుడు ఈ ట్రైలర్ ద్వారా మరో సారి ఆ క్లారిటీ ఇచ్చే ప్రయత్నం చేశారు. మరి దీనిపై సదరు టీవీ ఛానల్ మళ్లీ ఏమైనా స్పెషల్ కథనాలు నడుపుతుందో లేదో చూడాలి మరి.
Also Read: Samantha: మనసు గాల్లో తేలుతున్నట్టుగా ఉంది.. ఎమోషనలవుతూ సమంత స్పెషల్ నోట్!
Also Read: Balakrishna Fans: బాలకృష్ణ ఫాన్స్ రచ్చ.. మహేష్ బాబు థియేటర్ ధ్వంసం!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
