అయితే, 2004 ఎన్నికల్లో టీఆర్‌ఎస్‌, కాంగ్రెస్ కలిసి ఆయన్ను ఓడించారు.2004- 2014 వరకు చంద్రబాబు నాయుడు ప్రతిపక్ష నాయకుడుగా పనిచేశారు. అయితే, విభజన జరిగిన తర్వాత తిరిగి మళ్లీ ముఖ్యమంత్రిగా ఎన్నికయ్యారు. 2014-2019 ఆంధ్రప్రదేశ్‌ ముఖ్యమంత్రిగా పనిచేశారు. కియా మోటర్స్‌ వంటి పెట్టుబడులను విదేశాల నుంచి రాష్ట్రానికి తీసుకువచ్చారు.   

మొదట్లో ఆయన 1970లో కాంగ్రెస్‌ పార్టీ నుంచి రాజకీయ ప్రస్థానం ప్రారంభించారు. ఆ తర్వాత అతని మామగారు అయిన ఎన్‌టీరామరావు స్థాపించిన టీడీపీలో చేరారు. 1989 -1995 వరకు ఎమ్మెల్యేగా పనిచేశారు.1992లోనే చంద్రబాబు నాయుడు హెరిటేజ్‌ ఫుడ్స్‌ స్థాపించారు.   

చంద్రబాబు నాయుడు 1950 ఏప్రిల్‌ 20న నారవారి పల్లి, తిరుపతిలో జన్మించారు. ఆయన తల్లిపేరు అమనమ్మ, తండ్రి ఖర్జూర నాయుడు. చంద్రబాబునాయుడు చంద్రగిరి ప్రభుత్వ స్కూలు పదవ తరగతి పూర్తి చేశారు. ఆ సమయంలో బాబు ప్రతిరోజూ 11 కి.మి నడిచి స్కూలుకు వెళ్లేవారట. ఆ తర్వాత శ్రీ వేంకటేశ్వర యూనివర్శిటీ నుంచి మాస్టర్స్‌ పూర్తిచేశారు.