ఫేస్‌బుక్ వేదికగా ఆన్‌లైన్ మార్కెటింగ్ చేయాలనుకొనే వారికి ఇది నిజంగానే అద్భుతమైన అవకాశం. ఫేస్‌బుక్ మార్కెటింగ్‌పై కొత్తవారికి అవగాహన కల్పించడం కోసం, అదే సోషల్ మీడియా సైటులో ఒక ప్రత్యేక విభాగం ఉంది. దానినే "ఫేస్‌బుక్ బ్లూప్రింట్" అంటారు. ఈ విభాగంలో ఫేస్‌బుక్ వేదికగా వ్యాపారం చేయాలని భావించే వారి కోసం అనేక ఆన్‌లైన్ కోర్సులు ఉన్నాయి. ఈ కోర్సులన్నీ ఆ విభాగంలో ఉచితంగా చదువుకోవచ్చు. మీ సోషల్ మీడియా మార్కెటింగ్ నైపుణ్యాలు కూడా పెంచుకోవచ్చు. ఆన్‌లైన్ అమ్మకాలు సాగించడమెలా? అడ్వర్టైజింగ్‌ను మేనేజ్ చేయడం ఎలా? టార్గెట్ ఆడియన్స్‌ను ఎంచుకోవడమెలా? లాంటి అనేక టాపిక్స్ మీద ఈ ఫేస్‌బుక్ బ్లూప్రింట్‌లో పాఠాలు ఉన్నాయి. ఆ పాఠాలు చదివి ఫేస్‌బుక్ మార్కెటింగ్‌పై ఎవరైనా సరే ఒక అవగాహనకు రావచ్చు. ఆసక్తి ఉన్న ఉన్న కోర్సులు పూర్తి చేశాక ఆన్‌లైన్ ఎగ్జామ్ కూడా రాయవచ్చు. ఈ ఫేస్‌బుక్ బ్లూప్రింట్ గురించి మరిన్ని విషయాలు తెలుసుకోవాలంటే https://www.facebook.com/blueprint వెబ్ పేజీని వీక్షించవచ్చు.
