Patient carried on JCB: పేషెంట్‌ని జేసీబీలో హాస్పిటల్‌కి తరలింపు.. వీడియో వైరల్

Road Accident victim carried on JCB: ఆకాశానికి నిచ్చెన వేస్తున్నా.. కానీ మన భూమి మీద ప్రాణపాయ స్థితిలో ఉన్న వారిని రక్షించుకునేందుకు సకాలంలో అంబులెన్స్‌ని మాత్రం అందుకోలేకపోతున్నాం. రోడ్డు ప్రమాదంలో గాయపడిన ఓ యువకుడిని అంబులెన్స్‌కి బదులుగా జేసీబీ వాహనం ముందుండే బకెట్‌లో తరలించిన వైనం ప్రస్తుతం సోషల్ మీడియాలో వైరల్‌గా మారింది.

Road Accident victim carried on JCB: ఆకాశంలోకి రాకెట్లు లాంచ్ చేస్తున్నాం.. చంద్రుడిపై కాలిడుతున్నాం.. వేరే గ్రహాలపై మానవ మనుగడకు అవకాశాలను వెతుక్కుంటున్నాం.. కానీ మన భూమి మీద ప్రాణపాయ స్థితిలో ఉన్న వారిని రక్షించుకునేందుకు సకాలంలో అంబులెన్స్ ని మాత్రం అందుకోలేకపోతున్నాం. ఒకవేళ అంబులెన్స్ సకాలంలో వచ్చినా.. సకాలంలో ఆస్పత్రికి చేరుకోలేకపోతున్నాం. ఈ దుస్థితికి అద్దం పడుతూ తాజాగా రోడ్డు ప్రమాదంలో గాయపడిన ఓ యువకుడిని అంబులెన్స్‌కి బదులుగా జేసీబీ వాహనం ముందుండే బకెట్‌లో తరలించిన వైనం ప్రస్తుతం సోషల్ మీడియాలో వైరల్‌గా మారింది. అంబులెన్స్ సకాలంలో రాకపోవడంతో ఏం చేయాలో అర్థం కాని స్థానికులు ఆ యువకుడిని జేసీబీలో ఆస్పత్రికి తరలించారు.

ఈ ఘటనపై చీఫ్ మెడికల్ అండ్ హెల్త్ ఆఫీసర్ ప్రదీప్ ముదియ మాట్లాడుతూ.. రోడ్డు ప్రమాదంలో గాయపడిన యువకుడిని ఆస్పత్రికి తరలించేందుకు 108 కు కాల్ చేశారని.. అయితే, అక్కడికి అంబులెన్స్ సకాలంలో రాకపోవడంతో ఇలా జేసీబీ బకెట్ లో తీసుకొచ్చారని అన్నారు. 108 సేవలు అందించే సంస్థ మారడంతో అంబులెన్స్ ని ఏర్పాటు చేయడంలో ఆలస్యమైందని ప్రదీప్ వివరించారు. సమీపంలో ఉండే మరో పట్టణం నుంచే అంబులెన్స్ సేవలు అందిస్తున్నామని.. అందువల్లే అంబులెన్స్ రాకలో జాప్యమైందన్నారు. కొత్త అంబులెన్స్ కోసం ప్రతిపాదనలు పంపించామని తెలిపారు. 

#WATCH | Madhya Pradesh: Accident victim in Katni taken to hospital in a JCB as the ambulance got late in arriving at the accident spot (13.09) pic.twitter.com/f2qcMvUmcV

— ANI MP/CG/Rajasthan (@ANI_MP_CG_RJ) September 14, 2022

మధ్యప్రదేశ్‌లో కట్నీలో చోటుచేసుకున్న ఈ ఘటన గురించి జేసీబీ యజమాని పుష్పేంద్ర విశ్వకర్మ మీడియాతో మాట్లాడుతూ.. కితోలికి వెళ్లే రోడ్డుపై జరిగిన ప్రమాదంలో సదరు యువకుడికి గాయాలై కాలు విరిగిందని.. అతడు కాలు నొప్పితో బాధపడుతున్నప్పటికీ.. అంబులెన్స్ సకాలంలో రాలేదు. రెండు, మూడు ఆటో రిక్షాలు అటు వైపు వచ్చినప్పటికీ.. వారు అతడిని ఆస్పత్రికి తీసుకెళ్లేందుకు తిరస్కరించారు. దీంతో తానే తన జేసీబీ సహాయంతో అలా ఆస్పత్రికి తరలించాల్సి వచ్చిందని అన్నారు. పుష్పేంద్ర విశ్వకర్మ వ్యాపారం నిర్వహించే దుకాణం ఎదుటే ఈ రోడ్డు ప్రమాదం జరిగినట్టు సమాచారం. ఏదేమైనా అంబులెన్స్ లేని కారణంగా ఇలా రోడ్డు ప్రమాదం బాధితుడిని జేసీబీలో తరలించారన్న వీడియో ప్రస్తుతం సోషల్ మీడియాలో వైరల్‌గా మారింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.